Apocalipsis 22:12 - Wounaan Meu

¹² Magbaawai, “Eera, mʉʉn jopcha pãar jʉraan majugui” ajim ich Jesuucha. “Mag mʉch mam dʉi mʉch chaainag amachdeu waumarrpierr deemaagjã mua nem phe arrjugui” ajim.

Woun Meu

¹² Magbaawai, “Hëera, mʌʌn jöpcha pãar jʌraan majugui” hajim hich Jesuucha. “Mag mʌch mam dʌ̈i mʌch chaainag hamachdëu waumarrpierr deemaagjã mua nem p'ë harrjugui” hajim.

Apocalipsis 22:12 Iomraidhean Croise

San Mateo 16:27

Mʉgnaa mʉ Ayau mʉg durr i agkham edjã mʉchta ichdeu jua theeg deetarr dʉi i chognaan angelnaanpa beewi, mʉig eegar amach nem waaujerrpierr aju am dʉi: chi nem wajapha waaujerr khʉʉn dʉijã ich agjo maimua nem khaigba waaujerr khʉʉn dʉijã ich agjo.

Romanos 14:12

Ichdeucha magtarr aawai jãan chadcharau keena. Mag edan maach thumaam khʉʉnauta dichdeu nem waaujerr thum ichigchata jaaumaju, dich idamaucha.

1 Corintios 3:14

Maigta khap aju, khan khĩirjug auwiata Ẽwandam athee mag nem waujĩ. Ãbmua di eutarr gaaita chadcha õtdau uu thʉnarrjã paba ʉu ãwatbapʉimʉn, magan mag chi di eutarr khʉʉgjã ich Cristooujã nem wajapham deeju, ich athee nem wautarr jũrr.

1 Corintios 3:8

Magua sĩi i iek nacha jaauchetarr khʉʉn awiajã sĩi ag khur jaau wenʉrrʉm khʉʉn dʉi ãba nʉm; ni iwiir ãbjã ʉ̃rʉʉ khaba sim. Mag naab mamʉ agdaujo dich phidkhamarrpierr Ẽwandamau par khabaju.

Apocalipsis 11:18

Durrpierram khʉʉnta pʉ dʉin meeukha thʉnʉm; mamʉ ya pua am gaai pʉch khĩir machag meeuju ed pachejim. Ĩsin chad pua nawe khechtarr khʉʉn khĩircha jaaumamua amachdeu nem waaujerrjo pʉchdeujã am dʉi aju. Ĩsta ĩchab pʉch chogkhanaa pʉch i jaaumien dʉijã wajaphanaa pʉch chaainkha nʉm khʉʉn dʉijã wajapha aju edau, thethem khʉʉn wa sĩi parhoobam khʉʉn awijã ar pʉchig ee aajerr khʉʉn dʉi. Mamʉ ĩchab ĩsta pua ar mʉg jẽb gaai nem ãr nʉm khʉʉnjã opʉiju edau” anaajim, irig ee nʉmua.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.

Apocalipsis 20:12

Õor nawe khechmarr khʉʉnjã Ẽwandam khĩirphee bʉjãaupai dʉnʉnʉid thʉnʉm mua oojim, mʉg jẽb gaai aawai chi thierrnaan arr khʉʉnpa. Mag ich khĩirphee õor phʉʉrbaadem dʉi, aig libro thʉnarr gaai eeureutkha oopijim. Mag eeureutkha oopiwiata mag libro thʉnarr gaai phã sĩsid arrjo thumaa mʉg jẽb gaai aawai amachdeu nem waumatarrpierr am dau aphʉʉ aju jaaumajim. Pari magaagan, khech nʉm khʉʉn akhaar naajem aarmuajã thumaa Ẽwandam dakhĩir oberchejierram, phũas ee khãijã okhoowi khechtarr khʉʉnpa. Mag thum ãbam aig nʉisiewaita, chadcha am dʉi Ẽwandamau amachdeu nem waumaajerrpierr ajim. Mamʉ deeum libro sĩejim ĩchab; mag gaaita thʉnʉm, õor ich mag iiu wenʉrraju khʉʉn thʉ̃r.

Apocalipsis 22:20

Mʉch chi nem magju thum jaau chirʉmuata chadcha mʉʉn jopcha maju a chirʉm, pãar awaan.” Maadeujã chadcha ich magta jeeuju aai nʉm: “Señor Jesús, deeu jopcha pidú.”

Apocalipsis 22:7

Mag nʉm dʉi ĩchab ich Jesuupai ich igwia, iin mʉgtarr khur jopcha maach awaan beeju aajem. Ar mʉg iek phã sim gaai obeberg maju jaau sim thumaa ʉkhawi ag ipierraa nʉm khʉʉnag warag onee api sim.

Apocalipsis 3:11

Iin jopcha beeju aajem. Pʉchdeu i iek ʉkhatarr ich jãg ʉkha chirʉmjo, ich jãg wajapha ʉkhapi sim, pʉchig nem deeju arr jũrr chikhamnagta deem ugua.