Apocalipsis 22:11 - Wounaan Meu

¹¹ Ar nem khaigba waaujem khʉʉnag jaau nʉmjã ʉkhabamʉn, ideu amach khaibag ee naapibá ajim. Mamʉ ar chi wajapha ʉkha nʉm khʉʉnagan, warag nem wajaphamta waupinaa, maimua chi Ẽwandam atheepai wenʉrrʉm khʉʉnagjã warag i gaaita ubʉ wenʉrrapi jaaubá a jaaumajim mʉrʉg, chi Ẽwandam chogau.

Woun Meu

¹¹ Har nem k'aigba waaujem k'ʌʌnag jaau nʌmjã hʌ̈k'abamʌn, hidëu hamach k'aibag hee naapibá hajim. Mamʌ har chi wajap'a hʌ̈k'a nʌm k'ʌʌnagan, warag nem wajap'amta waupinaa, maimua chi Hẽwandam hat'eepai wënʌrrʌm k'ʌʌnagjã warag hi gaaita hubʌ wënʌrrapi jaaubá ha jaaumajim mʌrʌg, chi Hẽwandam chogau.

Apocalipsis 22:11 Iomraidhean Croise

San Mateo 15:14

Magua, ideu warag khĩuu sĩubat ajim. Jãkhʉʉnan amachjã dau khĩsu nʉmta agjo dau khĩsum khʉʉn jua gaai pʉrnaa eudʉ arrjem khʉʉnjota nʉmgui ajim. Pãrau oowai merag chukhu sĩebá, dau khaugba khitʉmua agjo dau khĩsu khitʉm jua gaai pʉrnaa arrkhiin, ãb bʉheu subaadee amach numwe burrjugui ajim.

San Mateo 21:19

Mag i jãsog thʉnʉm ee, khʉd bigaau higo bʉ dʉnʉm oo athaawai ag gaai chi jõ simpii awi aar oon majim. Mamʉ oon maawai sĩi bʉ parii dʉnaajim. Mag ag gaai ooba abaa pabʉʉgta wounagamjo, —Pʉ jãg sim khai, jãgan mʉg atagjã ich jãg cheba sĩerrajugui ajim. Pari irua mag iekhabaawai chi higo bʉ warre phuabaadejim.

San Mateo 25:10

Amachig magbaawai amach athee aceite per awaan ereubaademich, amau nʉ narr emkhooi barchejim aajem. Mag barchewi oocheewai ich dʉi dubaag ʉu khĩir khaug narr khʉʉnan ʉu ich dʉi wai dubjim aajem, ich jua pʉrju aar. Mag phe wai dubwi chi puertdijã phãar sĩujim aajem.

San Mateo 5:45

Pãrau magta amʉn magan chadcha pãar ʉ̃gthar Ẽwandam chiraajem chaainau. Ich ag Ẽwandamauta õor wajapham khʉʉn atheejã edau wʉʉpinaa khaigbam khʉʉn atheejã wʉʉpiejem. Ichdeuta ĩchab ich daar agpierraa aajem khʉʉn atheejã noseg chepinaa sĩi parhoob amach khõchagpierr nem waaujem khʉʉn atheejã noseg chepiejemgui ajim anʉm. Magua pãraujã agjo thum pãach dʉi khaigba aajem khʉʉnpata daupii aju aai nʉmgui ajim aajem, ichdeu aajemjo.

San Mateo 5:6

’Pãar ar Ẽwandamau waupim khõsim nem wawaagta jãsog thʉnʉmjonaa obichag thʉnʉmjo nʉm khʉʉn, onee abat ajim anʉm, mag nem wajapha waum khõchkha nʉm khʉʉn juagta Ẽwandamau dʉi oojeewai.

San Juan 8:21

Maimua ag khur nʉʉpai awi deeu ich Jesuupai aig narr khʉʉnag magjim: —Mʉ petaawai pãrau mʉ jʉrju, pari ãbmuajã mʉ baaubamgui ajim. Pãarta pekau ee wenʉrrʉmʉn, ich ag eepai pãar khechwi mʉ mam aarjã pãar pod barbamgui ajim.

Efesios 5:27

Mag ajaug paapʉiwi ich atheepai nem waupi simʉn, deeu ich beem edjã ʉʉi khĩir ajaug khaibagjã chukhu thumaam khʉʉnau khõoigjemjo khitʉmta ich athee awaagau; ajapcharan bʉ̃ʉrjã pekau chukhu, ni deeum khaigbam nem jaauju ayaamjã chukhu, sĩi ajappha khitʉmta ich aarcha awaagma.

Colosenses 1:22

Pari ĩs ya magba, ich garmuata jũrr ich dʉi khõinaa phe wai sim, mag Cristo wounag pawi ʉdʉraa ich thõopitarr gaaimua. Mag pãar ich dʉi khõinaa apitarran, ich atheepai nem wau wenʉrrʉmua bʉ̃ʉrjã pekau chukhu, kulp chukhu ich aar phe awaagau.

2 Timoteo 3:13

Mamʉ ĩchab ar jãg õor khũgurnaa khaigba nem wau wenʉrrʉm khʉʉnan mʉg atag paawai warag athuucha paaukhamaju, amachpata dosãtau khũgur wai sĩewai.

Judas 1:24

Pari pãar chadcha maach Ẽwandam ãbpai khitʉm den aawai oob khĩirjumiet. Ichdeuta maach Por Jesucristo gaaimua maach peerdʉ auwia, ich jua theegauta maach pekau ee burrpiba thʉanaa, maach i agkham edjã oneeta bʉ̃ʉrjã pekau chukhu phe auju, ich mag ich dʉi naamkhĩir.

Apocalipsis 16:21

Magbaawai ĩchab edjã eemua sĩi noseg dau dap mokdaujo che thʉnʉisijim. Chi noseg dau chʉgag ochenta libras sĩsid ajim. Ẽwandamau mag noseg chepiwi wajappha amach dau aug waubarm oowi, õrau warag Ẽwandam thʉ̃rcha thʉ̃rnaa, parhoobaaa amachdeu iekham aig iekha thʉnʉʉujierram. Ma ajim Ẽwandam chogau ãbmiecha ich jarr eem Ẽwandam khĩir machag choobapʉim mua ootarr. Mamʉ mag mua oojim a chirʉmʉn, maan mʉg atagjã thum cha mʉchdeu jaau chirʉmjo ajuuta mʉrʉg mʉch daúacha oopimajim.

Apocalipsis 22:3

Mag phobor ee chan Ẽwandamau khõch khaba aajem nem wau nʉm gaaimua irua mas deeju ayaam khʉʉnjã chukhum aajem. Ich Ẽwandamta Cordero dʉi mag phobor ee chi Porkha nʉisiju anaabá. Maagwai chi chognaan mag irig jeeu nʉm khʉʉnaun,