Apocalipsis 21:7 - Wounaan Meu7 Ar ogkhaba amach garmua podpʉi nʉm khʉʉnaun, mʉ juagam nem thʉnʉm thum amachdeuta auju. Mʉchta am Ẽwandamkha chirsiewai jũrr amach mʉ chaainkha nʉisijugui ajim. Faic an caibideilWoun Meu7 Har högk'aba hamach garmua pödpʌ̈i nʌm k'ʌʌnaun, mʌ juagam nem t'ʌnʌm t'um hamachdëuta hauju. Mʌchta ham Hẽwandamk'a chirsiewai jũrr hamach mʌ chaaink'a nʌisijugui hajim. Faic an caibideil |
Chadcha mag sim khap aag pãade khĩirjubat: Maadeu khaphʉ nʉm, mʉg durr gaai maimua edjã eejã nem thʉnʉm thum ya ĩs chan warr Ẽwandamau amach ompaatarrjo khaba thʉnʉm. Mʉg maach wounaan dau aug wau nʉmjo, ĩchab amjã waragta eegar paaukhamam. Pari maadeu khaphʉ nʉm ĩchab, am mag thʉnaab mamʉ, Ẽwandamau maach phiriutkha auwia ĩchab amjã deeu wajaug paapʉiju. Magua amachdeujã magju khaphʉmjo, Ẽwandamau maach ichdeu wajaug paatarr khʉʉn dʉi dau daau beejuuta wounaan denjo sĩi nʉ khodthʉnʉm.
¿Khan gaaimua ãba nʉm aju aai sĩ, Ẽwandamag jeeu nʉm sĩi õrau juau wautarrta am ẽwandam anʉmʉg jeeu nʉm dʉi? Pãade pãach gaaita khĩirjubat: Maach mʉg Ẽwandam iek ʉkha nʉm khʉʉnta Ẽwandam chadcha iiu sĩerrʉm ag dikha naabahab, ich iek gaai jaau simjo. Ichdeu ich iek gaai jaauwai, “Mʉʉn am ee ich jãg chitʉmua mʉchta am Ẽwandamkha chitaju, maagwai jũrr amach mʉ phoborkha nʉisiju” a sim. (Lv. 26:12; Ez. 37:27)
Chikhamnau pãach dʉi khaigba aawai agjo aju awi oob am khaibag waumiet. Pãach ãaukha thõp iekha thʉnʉʉuwaijã oob am eugarjã amach denjo amiet. Magju khãai mag pãach dʉi khaigba aajem khʉʉn kõitjã warag Ẽwandamag am eeg oopita jeeubat, magamkhĩirta warrjã pãar ich denkha autarr aawai. Magbaawai pãachpata Ẽwandamau ajapha wai sĩeju.
Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.
Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.