Apocalipsis 21:4 - Wounaan Meu

⁴ Ichdeuta thumaa wajapha am dauchojã jãrpʉpʉi aju. Mam chan tag õor meebam, õor dauhi paraajã abam. Tag chikham ʉapeperjã aba, gaai machagjã tag khaugbajugui” ajim, “ya warr nem thʉnarr thum isegpʉiwi thum chi iiur apha thʉnaawai.”

Woun Meu

⁴ Hichdëuta t'umaa wajap'a ham dauchöjã jãrpʌ̈pʌ̈i haju. Mam chan tag hõor meebam, hõor dauhi paraajã habam. Tag chik'am hʌ̃apëpërjã haba, gaai machagjã tag k'augbajugui” hajim, “ya warr nem t'ʌnarr t'um hisegpʌ̈iwi t'um chi hiiur hap'a t'ʌnaawai.”

Apocalipsis 21:4 Iomraidhean Croise

San Mateo 24:35

Edaujãjã mʉg jẽb dʉi thum chukhu aadeju, mamʉ cha mua pãrag jaau chirʉm chan seukhaawai khabam. Jãan thumaa ich ag ee oberjugui ajim.

1 Corintios 15:26

Mag ich dʉi iekkhõr paraam khʉʉn thum ich jua eegar phe athaawai, ãbmiecha paawai tag õor mee khaugba thʉnʉisiju,

1 Corintios 7:31

Mʉg jẽb gaaim nem athee por wajapha aajem khʉʉnjã, magʉm nem chukhumjo ãba Ẽwandam athee nem waujuuta ẽkhabat. Maadeu khaphʉ nʉm, mʉg jẽb gayam nemen thum owia ich mʉg durrjã chukhu aadeju.

2 Corintios 5:17

Ya Cristo dʉita sim wounan warr ich sĩerrjo khaba, woun chi iiurigta pa sĩsimjo sim. Magbarm aigmua warr nem khaigba waaujerr khĩirjug thum isegpʉiwia sĩi khĩirjug iiurta wai sĩsim.

2 Corintios 6:17

Magua ĩchab ich ag iek gaaipai jaau simjo: “Ẽwandam chaar khabamʉg jeeujem khʉʉn eemua oberwia chaaug ereubaadet; oob am denjo mʉ dawag khaba maach inaam nem waumiet” a sim. (Is. 52:11) “Pãrau magta mʉ ipierraa amʉn mua pãar auju,

Hebreos 12:27

Mag irua deeu biekdam ãbpai duuipiju a simʉn, sĩi khajapham ʉʉur chaar khaba aawai, magbarmua warre mʉg durr oorpʉiwi edaujãjã chukhu apʉijuuta jaau sim, mag maach i agkhaju igwi. Mamʉ pãade ũrbat: Ichdeu nem wautarr thum ʉʉrppʉiwiajã mag maach wetju aar ichta chi Porkha sim durr chan bʉ̃ʉrjã chugpaba ich mag sĩerrʉm iekhau.

2 Pedro 3:10

Mamʉ jãg sĩi awia ich beem edan degolp õrau nem jĩgkhabaichemjo degolpta dʉnʉʉucheju. Magbaawai edjã ee maach jãphierraa ʉrʉrʉʉmjo athamua warre edaujã chukkhu aadem dʉi edjã ee nem nʉnʉidʉmjã thum õtdaúa bʉ̃ʉudubwi chugpaju. Magbaadeewai mʉg jẽbjã ĩchab ag gaai nem thʉnʉm dʉi thumaa juau nem waumatarrpa phaadubwi chukkhu apʉiju ich Ẽwandamau.

1 Juan 2:17

Pari mʉg jẽb gaai jãg õor pekau waupieg nem khaigbam pom thʉnʉmʉn mʉg durr om ed thum dʉi chugpaju; pari magba jũrr ar Ẽwandamau khõsim nempaita waaujem khʉʉnan chad ich Ẽwandam dʉita ich mag nʉisiju.

Apocalipsis 20:14

Mag ẽsap õor iiu wenʉrraju jaau sim gaai thʉ̃r oberba abarm khʉʉnan, mag thʉrrdo õtdaujo uu wejom eeta barkhʉʉipʉijim, ajapcharan khĩmie durrma. Mag barkhʉʉi nʉmta, mʉg jẽb gaai meewi deeu ũwaai mee nʉm aajem. Maigta ĩchab õor denjo maach dajẽgpiejerrjã tag dajẽgba aadeju, ichpa chi khaigbam khʉʉn dʉi mag thʉrrdo õtdaujo wejom ee barbapäaiwai.

Apocalipsis 21:1

Magtarr khur nacharam edaujã mʉg durr dʉi narr Ẽwandamau thum chi iiurig paapʉitarr aawai edjã iiurta durr iiur dʉi mua oojim. Magtarr aawai ya phũasjã chukhu ajim.

Apocalipsis 22:3

Mag phobor ee chan Ẽwandamau khõch khaba aajem nem wau nʉm gaaimua irua mas deeju ayaam khʉʉnjã chukhum aajem. Ich Ẽwandamta Cordero dʉi mag phobor ee chi Porkha nʉisiju anaabá. Maagwai chi chognaan mag irig jeeu nʉm khʉʉnaun,

Apocalipsis 7:17

“Jãg porkhau bigaau ohood wejom jãrr ar corderodamjo simuata am thʉa wai sĩejugui” ajim. “Ichdeuta, do parag aar nemchaain do dopien phe arrjemjo, amau nem ig nʉm thumaa deewi ichdeuta am dauchojã jãrpʉpʉi aju” a jaaumajim mʉrʉg mag jooirau. (Sal. 23:1-2; Is. 49:10; Ez. 34:23)