Apocalipsis 21:1 - Wounaan Meu

¹ Magtarr khur nacharam edaujã mʉg durr dʉi narr Ẽwandamau thum chi iiurig paapʉitarr aawai edjã iiurta durr iiur dʉi mua oojim. Magtarr aawai ya phũasjã chukhu ajim.

Woun Meu

¹ Magtarr k'ur nacharam hedaujã mʌg durr dʌ̈i narr Hẽwandamau t'um chi hiiurig paapʌ̈itarr haawai hedjã hiiurta durr hiiur dʌ̈i mua hoojim. Magtarr haawai ya p'ũasjã chuk'u hajim.

Apocalipsis 21:1 Iomraidhean Croise

Romanos 8:21

ewag pawiajã deeu ũwaai ichdeupai aaunaanjo por khoreu athamua maach ich chaainkha nʉm khʉʉn dʉi ãba wajaug paapʉiju.

2 Pedro 3:10

Mamʉ jãg sĩi awia ich beem edan degolp õrau nem jĩgkhabaichemjo degolpta dʉnʉʉucheju. Magbaawai edjã ee maach jãphierraa ʉrʉrʉʉmjo athamua warre edaujã chukkhu aadem dʉi edjã ee nem nʉnʉidʉmjã thum õtdaúa bʉ̃ʉudubwi chugpaju. Magbaadeewai mʉg jẽbjã ĩchab ag gaai nem thʉnʉm dʉi thumaa juau nem waumatarrpa phaadubwi chukkhu apʉiju ich Ẽwandamau.

2 Pedro 3:13

Chadcha magjup mamʉ, maach chi ʉkha nʉm khʉʉnagan, Ẽwandamau edjã iiur dʉi jẽbjã chi iiurta deeju a sĩewai, aata nʉ nʉm. Mag durr iiur gaai chan mʉg durr jooi gaai aajerrjo khaba, nem thum thʉnʉmjã ajaugnaa thumaam khʉʉnau nem agchata aajeeju.

Apocalipsis 13:1

Makhʉʉn dʉi werbʉagta mag chi õoirjo simua sĩi phũas igaau nʉ dʉnʉisijim. Maimua mua oowai mepeer pom sĩi ãbam gaaipai por khapan siete nenernaa kach khapanjã diez jʉjʉr simta phũas eemua mʉ dakhĩraa oberchejim. Mag phak kachjo jʉjʉr sĩsidʉmpierr porsir jũakhanaa ĩchab mag por khapan nener sĩsidʉm gaaijã Ẽwandam igwi parhoobata phã sĩsid ajim.

Apocalipsis 20:11

Maimua mua oojim ĩchab, khu juupjem pooma bäpphä sim; ag gaai chi woun oo sĩerrjã mua oojim. Mag khu juupjem gaai oo sim oowi, mʉg durr edaujã dʉi sĩi degolp chukkhu aphobaadejim. Tag oojã ooba, ich mag nʉisijim.

Apocalipsis 21:5

Magbaawai chi khu juupjem gaai oo sĩerrau, “Muata nem thʉnʉm thum chi iiurig paapäaijem” a iekhajim. Mag iekhapʉiwia, jũrr mʉrʉgta, —Cha mua iekhabarm iek thumaa phã athá. Jãan chadcharam iek aawai pãrau ag gaai ʉkhaju aai nʉmgui ajim.

Apocalipsis 6:14

Magbaadem dʉi ĩchab edaujãjã sĩi ẽsapjo pʉʉrsiirmamua chukkhu aadejim. Magbaa thumaa durrsĩ sĩsidʉmjã amach narr aigmua chawag ereubaadee ĩchab dojãrr morr sĩsidʉmjã ich agjo chawag ĩiudʉjierram.