Apocalipsis 20:8 - Wounaan Meu

⁸ Mag ich ẽerbapäaiwaita, durrpierr õor khũgur nʉrrʉmua, Gog durram khʉʉn dʉi Magog durram khʉʉnpa ãbam aig biirdʉ auju anaabá, mag biirdʉnaa Ẽwandam igar nʉm khʉʉn dʉi werbʉag. Mag chi werbʉju anʉm khʉʉnan, khapaana sĩi phũas igaau mosdau thʉnʉmjota thʉnaajim, chi khapanag.

Woun Meu

⁸ Mag hich hẽerbapäaiwaita, durrpierr hõor k'ũgur nʌrrʌmua, Gog durram k'ʌʌn dʌ̈i Magog durram k'ʌʌnpa hãbam haig biirdʌ hauju hanaabá, mag biirdʌnaa Hẽwandam higar nʌm k'ʌʌn dʌ̈i wërbʌag. Mag chi wërbʌju hanʌm k'ʌʌnan, k'apaana sĩi p'ũas higaau mosdau t'ʌnʌmjöta t'ʌnaajim, chi k'apanag.

Apocalipsis 20:8 Iomraidhean Croise

Hebreos 11:12

Magta chadcha jooi Abrán ya jooiraa khitʉm eeta chaaidam dau ãb paarpajim anaabá. Mag chaairau chaain ĩiubaademuata jooi chaain khapaana thʉnʉisijim anʉm, ewag pawi. Jooi chaain khapanan sĩi phũas igawam mosdau khapanagjonaa edjã ee phĩdag phuphup aadeejemjota thʉnʉisijim anʉm, amach khapangau chi beerjujã khaugba.

Apocalipsis 12:9

Magta chadcha chi mepeer mag õoirjo sim ich khapeen ich igar thʉnarr khʉʉn dʉi ãba ʉ̃gtharmua mʉg jẽb gaai barkhʉʉipʉijim. Ich mag mepeerpaita warrgarwe nemkhõr gaai thʉ̃rnaa ĩchab Satanás a thʉ̃ʉrjem, durrpierr õor thumaam khʉʉn khũgurmie, ajapcharan dosãtma.

Apocalipsis 16:14

Mag jʉcheumiejo sĩsid arr, chi mepeer akhaar ajim. Makhʉʉnaun ĩchab ag na õrau nem ooba aajempa wau wenʉrrajim. Mag wenʉrrʉmʉn mʉg jẽb gaai reinaan sĩsidʉm khʉʉn dʉi iekta dee wenʉrrajim, thumaa ãba biirdʉnaa Ẽwandam ichta thumaam khʉʉn khãaijã chi jua thierr dʉi amach werbʉju edam athee khĩir khaugaag.

Apocalipsis 20:10

Magbaawai ĩchab chi mepeer mag õor khũgur sĩerrjã jũrr warm khʉʉn numí mag khum chi jojothorjo sĩerr dʉi ãbakhai chi seukha nem jaaumie dʉi narr aar barpʉijim, thʉrrdo ee õtdau khĩirta azufre dʉi waaureu uu wejom ee, mʉg atag pawiajã ich mag õtkhierr machgau dau aphʉʉ idawaa wenʉrramkhĩir.

Apocalipsis 20:3

Mag ibʉʉrnaa mag ierr jẽbdijo simta thʉrrdojo wejom ee barpʉiwi wajapha phãar sĩujim, mag mil años pa nʉm ora tag ich mag durrpierr õor khũgur nʉrram ugua. Maimua mag mil años dichdimaawaita deeu khũchpaim athee ẽerpʉiju ajim.

Apocalipsis 7:1

Mag thʉnarr khur mua oo nʉʉ aawai Ẽwandam chognaanta dau jayap mʉg jẽb ʉ̃r dʉnʉnʉihdʉ naajim: ãb dokhẽu gar edau obeerjem gar, ãb dokhierr gar, ãb thoom igar juachaar garm bijãr, maagwai ãb juawe gar, arag dau jayap naajim. Makhʉʉnau bʉ̃ʉrjã phũ dichpiba thʉa wai naajim, ni mʉg jẽb gaaijã phũ weba, phũas ʉ̃rjã weba, ni bʉ̃ʉrjã pabʉdam gaaijã phũ wem ugua.