Apocalipsis 20:5 - Wounaan Meu

⁵ Ma nacha iiu phiidʉtkha nʉm ajim. Mamʉ warm khʉʉn ar Ẽwandam iek ʉkhaba khechmarr khʉʉn chan tag iiuba, ich mag nʉisiwi, mag mil años dichdimaawaita ũwaai deeu iiu nʉisijim.

Woun Meu

⁵ Ma nacha hiiu p'iidʌtk'a nʌm hajim. Mamʌ warm k'ʌʌn har Hẽwandam hiek hʌ̈k'aba k'ëchmarr k'ʌʌn chan tag hiiuba, hich mag nʌisiwi, mag mil años dichdimaawaita hũwaai deeu hiiu nʌisijim.

Apocalipsis 20:5 Iomraidhean Croise

San Lucas 14:14

Pua mag khitheem khʉʉn dʉita magmʉn, amau chadcha pʉ dʉi pod agjo abaju, mamʉ magtarr paar Ẽwandamauta jũrr pʉ onee apiju. Ar i iek ʉkha durrumua khechtarr khʉʉn deeu iiu phiidʉ nʉm jaar, magtarr jũrran ichdeuta pʉrʉg phagjugui a jaaumajim aajem.

Romanos 11:15

Ẽwandamau mag judionaanag ooba sĩutarr gaaimua pãar judionaan khabam khʉʉnagta jũrr ich dʉi khõinaa wenʉrramkhĩir ich iek ʉkhapi simʉn, chadcha wajaug sim. Pari mʉg atag ichdeu judionaanagpa ʉkhapibarm edta wajapcha aju. Magbarm aigta mag i igba narr gaaimua khech nʉmjo narrjã deeu phiidʉtkhabarmjo nʉisiju.

Filipenses 3:11

Mua khaphʉ chirʉm, mʉ mag aphʉʉ akhiinjã, ichiita Ẽwandamau mʉ akhaardam mag jẽbdeg sĩepiba ich aar auju.

1 Tesalonicenses 4:16

Maach Por Jesús ich beem edan ichta nem iek theeg beeju, Ẽwandam trompeta tẽe abarm dʉi Arcangelau i pierrum jaauwai äa abarm ee. Mag ʉ̃gtharmua pierrwai Cristo iek ʉkha nʉm meetarr khʉʉnta nacha iiu phiidʉtkhaju;

Apocalipsis 11:11

Mamʉ am mamagkham ee, mag khãai thãrjup awi jãrrnaa, deeu Ẽwandamau am akhaardam am gaai phãarthʉ sĩubaawai amach numwe deeu phiidʉtkhaju anaabá. Mag khechpʉiwia khãai thãrjup awi jãrr narrta deeu Ẽwandamau phiriutkha atham oobaawai chi oo nʉm khʉʉn wajappha jãphierrju aajem.

Apocalipsis 11:15

Mag dau ãb waaur sim atarr aawai chadcha ĩchab deeum Ẽwandam chogau chi ãbmiecharam ich trompeta sirjim. Ma, sieteem ajim, ãbmiecharam. Mag sirbaadeewai ʉ̃gthar sĩi õor iekjo sereubaademua mag naajim: “Mʉg durran thumaa maach Por Ẽwandamaujã jʉ̃anaa, ichdeucha jʉr auwi maach Porkhapitarr dʉimuata jʉ̃aju aai nʉm. Mag, maach Ẽwandamauta mʉg durr gaai thum ichta ich mag chi Porkha sĩsiju” anaajim. (Éx. 15:18; Dn. 7:14,27)