Apocalipsis 20:12 - Wounaan Meu

^12-13 Õor nawe khechmarr khʉʉnjã Ẽwandam khĩirphee bʉjãaupai dʉnʉnʉid thʉnʉm mua oojim, mʉg jẽb gaai aawai chi thierrnaan arr khʉʉnpa. Mag ich khĩirphee õor phʉʉrbaadem dʉi, aig libro thʉnarr gaai eeureutkha oopijim. Mag eeureutkha oopiwiata mag libro thʉnarr gaai phã sĩsid arrjo thumaa mʉg jẽb gaai aawai amachdeu nem waumatarrpierr am dau aphʉʉ aju jaaumajim. Pari magaagan, khech nʉm khʉʉn akhaar naajem aarmuajã thumaa Ẽwandam dakhĩir oberchejierram, phũas ee khãijã okhoowi khechtarr khʉʉnpa. Mag thum ãbam aig nʉisiewaita, chadcha am dʉi Ẽwandamau amachdeu nem waumaajerrpierr ajim. Mamʉ deeum libro sĩejim ĩchab; mag gaaita thʉnʉm, õor ich mag iiu wenʉrraju khʉʉn thʉ̃r.

Woun Meu

^12-13 Hõor nawe k'ëchmarr k'ʌʌnjã Hẽwandam k'ĩirp'ee bʌ̈jãaupai dʌnʌnʌid t'ʌnʌm mua hoojim, mʌg jẽb gaai haawai chi t'ierrnaan harr k'ʌʌnpa. Mag hich k'ĩirp'ee hõor p'ʌʌrbaadëm dʌ̈i, haig libro t'ʌnarr gaai heeureutk'a hoopijim. Mag heeureutk'a hoopiwiata mag libro t'ʌnarr gaai p'ã sĩsid harrjö t'umaa mʌg jẽb gaai haawai hamachdëu nem waumatarrpierr ham dau hap'ʌʌ haju jaaumajim. Pari magaagan, k'ëch nʌm k'ʌʌn hak'aar naajem haarmuajã t'umaa Hẽwandam dak'ĩir höbërchëjierram, p'ũas hee k'ãijã hok'oowi k'ëchtarr k'ʌʌnpa. Mag t'um hãbam haig nʌisiewaita, chadcha ham dʌ̈i Hẽwandamau hamachdëu nem waumaajerrpierr hajim. Mamʌ deeum libro sĩejim hĩchab; mag gaaita t'ʌnʌm, hõor hich mag hiiu wënʌrraju k'ʌʌn t'ʌ̃r.

Apocalipsis 20:12 Iomraidhean Croise

San Mateo 11:22

Pari cha mʉ iekha chirʉm iekhau Ẽwandamau mʉg durr i agkham ed Corazinpienta Betsaidapien dʉi irua am gaai masiicha waupʉijugui ajim anʉm, Tiropien dʉi Sidonpien khãaijã, amachdeu ũrtarrta ʉkhaba arr gaaimua.

San Mateo 16:27

Mʉgnaa mʉ Ayau mʉg durr i agkham edjã mʉchta ichdeu jua theeg deetarr dʉi i chognaan angelnaanpa beewi, mʉig eegar amach nem waaujerrpierr aju am dʉi: chi nem wajapha waaujerr khʉʉn dʉijã ich agjo maimua nem khaigba waaujerr khʉʉn dʉijã ich agjo.

San Lucas 10:20

Mamʉ mag mepeenjã pãach garmuata jʉmpiba nʉm awiapai chan oob onee amiet. Magarrau pãach thʉ̃rta ya ʉ̃gtharm ẽsap gaai phã sĩsim gaaimuan chadau pãar onee aju aai nʉmgui ajim anʉm, ya pãach Ẽwandam aarcha oberju aawai.

Hechos 24:15

Õor otarr khʉʉn chi theerjã chukhu ajapha arr khʉʉn dʉi ãkhãraa arr khʉʉnpa thum ãba deeu Ẽwandamau iiu phiidʉtkhapi auju anʉm amau ʉkha naawai muajã agjo ʉkha chirʉmgui ajim anʉm ĩchab, am denjo.

Romanos 2:6

Mag edta dich nem waaujerrpierr agdaujo ichdeu khap maach dʉi aju.

1 Corintios 4:5

Magua mua pãrag, “Oob chikham jaau chithee amiet” a chirʉm. Magju khãai ideu maach Por Jesucristo beepi athat. Ich pierrwaita irua ichdeu khap õrau nem meraa wautarrjã khĩchag ee narrta araragag phe athamjo abaawai thumaam khʉʉnau khakhapdo aju. Maigta ĩchab õrau amach thãar eepai khĩirju sĩsidʉmjã thumaam khʉʉnag khaphʉ apiju. Ya mag jaau dichwian chadau õrau amachdeu nem wajapha nem waumaajerr igwia ichdeucha am wajapha ig iekhaju.

2 Corintios 5:10

Ichiita maach mʉg thʉnʉm khʉʉnan thumaa Cristo ich porkhau pom sim gaai oo sim khĩirphee wetab khaba wetju. Maigta mʉg jẽb gaai naajeewai dichdeu i athee nem waaujerr paarjã jũrr ich garmuajã agpierr deemaju.

Filipenses 4:3

Maimua pʉjã, mʉch khapeer ajapham, ĩchab maach peerdʉajem iek eemua bʉ̃ʉrjã ogdʉba nʉrraajeewai pʉrʉgjã jãkhʉʉn ʉʉin wawibá a chirʉm, tag ich jãg wenʉrram ugua. Mua õor ee maach peerdʉajem iek jaau chitaawai jãkhʉʉn ʉʉinauta Clemente dʉimua tagam khʉʉn agjo mʉ dʉi ãba wenʉrrarr khʉʉnpa mʉ bʉ ogdʉba dʉi mʉ ipierr jaau durraajeejim. Mag mʉ dʉi wenʉrrarr khʉʉn thʉ̃r ya ʉ̃gthar Ẽwandamau ichdeu peerdʉ aumam khʉʉn thʉ̃r phãkhamaajem ẽsap gaai ĩchab phãkha thʉnʉm.

Apocalipsis 11:18

Durrpierram khʉʉnta pʉ dʉin meeukha thʉnʉm; mamʉ ya pua am gaai pʉch khĩir machag meeuju ed pachejim. Ĩsin chad pua nawe khechtarr khʉʉn khĩircha jaaumamua amachdeu nem waaujerrjo pʉchdeujã am dʉi aju. Ĩsta ĩchab pʉch chogkhanaa pʉch i jaaumien dʉijã wajaphanaa pʉch chaainkha nʉm khʉʉn dʉijã wajapha aju edau, thethem khʉʉn wa sĩi parhoobam khʉʉn awijã ar pʉchig ee aajerr khʉʉn dʉi. Mamʉ ĩchab ĩsta pua ar mʉg jẽb gaai nem ãr nʉm khʉʉnjã opʉiju edau” anaajim, irig ee nʉmua.

Apocalipsis 13:8

Mag mepeer khumjo jojothor simʉgta mʉg atag paawai Ẽwandamagamjo jeeuju, ar thum Corderodam ʉdʉraa maach kõit ich thõopitarrau warr mʉg jẽb ompaabarwe ich ẽsap gaai am thʉ̃r phãkha auba arr khʉʉnau. Makhʉʉnta mag mepeer igar naaju aawai makhʉʉnauta maach chi Ẽwandam iek ʉkha nʉm khʉʉn dau aug wauju.

Apocalipsis 17:8

Maimua chadcha mʉrʉg jaaumamua magjim: —Jãg meperan warran mʉg jẽb gaai nʉrrajim; mamʉ meewi ya tag ooba aajem. Pari mʉg atag Ẽwandamau ierr thʉrrdojo sim eemua ʉdʉraa oberpibaawai deeu nʉrraichejugui ajim. Magbaawai ar ich mag iiu wenʉrraju khʉʉn thʉ̃r phãkhamaajem ẽsap gaai warr mʉg jẽb ompaaju nawe phãba awi ag gaai thʉ̃r chukhu nʉm khʉʉn wajap dauderraa ajugui ajim, mag meetarrta deeu nʉrraichem oowi. Mag deeu iiu nʉrraichejup mamʉ, ich Ẽwandamauta warre i jua khẽgkhapʉijugui ajim, ich mag okhoom iek okhoomkhĩir.

Apocalipsis 19:5

Makhʉʉnau magbaawai ĩchab mag Ẽwandam khu juupjem pom sim aarmuajã õor iekjo, “Maach Ẽwandamta thobathʉ̃” a sĩejim, “pãach thum ar i okhonaa i chogkha nʉm khʉʉnau. Jooinaujã i thonaa chaainaupa iita thobat” a sĩejim.

Apocalipsis 2:23

I chaainjã warre khechpʉiju anaabá. Mag oobaawaita thum iglesia nʉnʉidʉm eem khʉʉnau khakhapdo aju anaabá, ichdeuta chadcha õor thumaam khʉʉn thãar khaphʉnaa am khĩirjugjã khaphʉ chitʉm. I iek õrau khaphʉ aju aajem ĩchab, amachdeu nem waumarrpierr ichdeuta am dʉijã amachdeu aajerrjo aju.

Apocalipsis 20:11

Maimua mua oojim ĩchab, khu juupjem pooma bäpphä sim; ag gaai chi woun oo sĩerrjã mua oojim. Mag khu juupjem gaai oo sim oowi, mʉg durr edaujã dʉi sĩi degolp chukkhu aphobaadejim. Tag oojã ooba, ich mag nʉisijim.

Apocalipsis 21:27

Mag phobor ee chan ĩchab bʉ̃ʉrjã maach inaam nem chan dubbam. Nem maach dawag khabam waaujem khʉʉnjã dubba, ni sĩi chikham khũguurjem khʉʉnjã pod dubbam. Ãba chi dubju khʉʉnan, Cordero ẽsap gaai thʉ̃r phãkha thʉnʉm khʉʉnpaita dubwi ich mag i dʉi iiu wenʉrraju aajem.

Apocalipsis 22:12

Magbaawai, “Eera, mʉʉn jopcha pãar jʉraan majugui” ajim ich Jesuucha. “Mag mʉch mam dʉi mʉch chaainag amachdeu waumarrpierr deemaagjã mua nem phe arrjugui” ajim.

Apocalipsis 3:5

Ar ogkhaba ʉu magʉm thum ãwatpʉi nʉm khʉʉnagan irua khajũa bäphämta jũapiju aajem. I iek magʉm khʉʉn thʉ̃r chan irua ich aar auju khʉʉn thʉ̃r phãajem ag ẽsap gaaimua borraapʉibam aajem. Magju khãai warre irua ich Aai dakhĩir maimua ich chognaan dakhĩirjã, “Chamʉ khʉʉnan mʉ deneu” a jaauju aajem.