Apocalipsis 20:11 - Wounaan Meu

¹¹ Maimua mua oojim ĩchab, khu juupjem pooma bäpphä sim; ag gaai chi woun oo sĩerrjã mua oojim. Mag khu juupjem gaai oo sim oowi, mʉg durr edaujã dʉi sĩi degolp chukkhu aphobaadejim. Tag oojã ooba, ich mag nʉisijim.

Woun Meu

¹¹ Maimua mua hoojim hĩchab, k'u juupjem pöoma bäpp'ä sim; hag gaai chi woun hoo sĩerrjã mua hoojim. Mag k'u juupjem gaai hoo sim hoowi, mʌg durr hedaujã dʌ̈i sĩi dëgölp chukk'u hap'öbaadëjim. Tag hoojã hooba, hich mag nʌisijim.

Apocalipsis 20:11 Iomraidhean Croise

San Mateo 11:22

Pari cha mʉ iekha chirʉm iekhau Ẽwandamau mʉg durr i agkham ed Corazinpienta Betsaidapien dʉi irua am gaai masiicha waupʉijugui ajim anʉm, Tiropien dʉi Sidonpien khãaijã, amachdeu ũrtarrta ʉkhaba arr gaaimua.

San Mateo 24:35

Edaujãjã mʉg jẽb dʉi thum chukhu aadeju, mamʉ cha mua pãrag jaau chirʉm chan seukhaawai khabam. Jãan thumaa ich ag ee oberjugui ajim.

San Mateo 25:31

’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag.

Romanos 2:5

Pari Ẽwandamau mag pʉ ig simta, pʉch jʉ̃g theeg gaaimua pʉch garmuata i igjã igba, sĩi warag ichdeu õor i agkham ed amachdeu nem khaigba waaujerrpierr amach khĩircha jaaunaa am gaai jua khʉaba deeju edta pʉch gaai mas amkhĩir ich khĩir machag sĩi ãwat phiepi simjo sim.

2 Pedro 3:7

Mamʉ cha maadeu edau oo nʉm dʉi cha maach bʉ dʉnʉʉu nʉm jẽb chan maagwaimjo deeu dohãdauta ʉʉrppäaig khaba, ich maagwaijã ich iekhauta magpierrjo õtdaúa jẽraagta sĩi wai sim Ẽwandamau, ichdeu mʉg durr i agkhawi ich dau na khaigba wenʉrraajerr khʉʉn ich mag dau aug wau wenʉrraju jaaubarm edta jũrr õtou deepäaig.

Apocalipsis 12:8

Mamʉ chi angelnaanau amach garmua chi mepeer podbapäaiwai chi mepeer warre ich khapeen dʉi ʉ̃gtharmua jʉr werppʉijim.

Apocalipsis 16:20

Mag ʉʉur theeg duuitarrau phũas ee morr phʉʉr ʉid arrjã, sĩi warag ierr paaukhabaadeewai, durrsĩ nʉnʉid arrjã ĩchab warag jẽb ee ierr paaukhabaadejim.

Apocalipsis 19:11

Mʉchig magbaawai, mua phiidʉnaa oo nʉʉ aawai, edaujãata sĩi weeudʉ wejoojim. Mag edjã weeudʉ wejom eemua woun ãb cabaai bäpphä sim gaai oberchejim. Mag thʉ̃r “Mʉchdeu Nem Wauju Abarmʉn Chadcha Wau Chitʉm” ajim i thʉ̃r, ichdeuta thum wajapha gobernaanaa juurhi eejã werbʉajeewai.

Apocalipsis 20:2

Mag beewia, mag nem pom õoirjo sim pʉr athaichejim. Mag õoirjo simta warrgarwe “nemkhõr” a thʉ̃ʉrjem; ich arpai ĩchab mepeer a thʉ̃rnaa Satanás a thʉ̃ʉrjem. Mag pʉr auwi mil años sĩi ibʉʉr sĩujim.

Apocalipsis 21:1

Magtarr khur nacharam edaujã mʉg durr dʉi narr Ẽwandamau thum chi iiurig paapʉitarr aawai edjã iiurta durr iiur dʉi mua oojim. Magtarr aawai ya phũasjã chukhu ajim.

Apocalipsis 21:5

Magbaawai chi khu juupjem gaai oo sĩerrau, “Muata nem thʉnʉm thum chi iiurig paapäaijem” a iekhajim. Mag iekhapʉiwia, jũrr mʉrʉgta, —Cha mua iekhabarm iek thumaa phã athá. Jãan chadcharam iek aawai pãrau ag gaai ʉkhaju aai nʉmgui ajim.

Apocalipsis 4:2

Magbarm ee ich Ẽwandam Akharauta mʉ ʉ̃gthar athaadeewai ich Ẽwandam juupjemta nem porkhau pooma sim ooimajim. Ag gaai woun ãb jup sĩejim.

Apocalipsis 6:14

Magbaadem dʉi ĩchab edaujãjã sĩi ẽsapjo pʉʉrsiirmamua chukkhu aadejim. Magbaa thumaa durrsĩ sĩsidʉmjã amach narr aigmua chawag ereubaadee ĩchab dojãrr morr sĩsidʉmjã ich agjo chawag ĩiudʉjierram.