Apocalipsis 2:7 - Wounaan Meu

⁷ Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.

Woun Meu

⁷ Magnaa hichdëupai, “Har chi jʌ̃g hʌ̃rʌʌ nʌm k'ʌʌnau Hẽwandam Hak'arau mʌk'ʌʌn iglesiaag nem jaau sim hũrbat” ha sim. Har p'it'urg hau wënʌrrawiajã hich mag hi k'õsi wënʌrrʌm k'ʌʌnan hʌ̃gt'ar hich Hẽwandam dʌ̈icha wënʌrraju haajem. Mak'ʌʌnag hirua Hẽwandam nemjĩir gayam nemjõ jõpiju haajem, hõor hich mag hiiu wënʌrrapiejem nemjõ.

Apocalipsis 2:7 Iomraidhean Croise

San Mateo 11:15

Magnaa ich Jesuupai, —Keena, jʉ̃g ʉ̃rʉʉnaa cha mua jaau chirʉm wajapha ũrbat ajim anʉm.

San Mateo 13:43

Mamʉ warm khʉʉn mamagkham ee, jũrr Ẽwandamagta ʉdʉraa amach wajaug paapi nʉmua i denkha narr khʉʉnan maach Aai thumaam khʉʉn Porkha sim dʉita nʉisijugui ajim. Magnaa ichdeupai, Keena, jʉ̃g ʉ̃rʉʉnaa cha mua nem jaau chirʉm wajapha ũrbat ajim, mag iekhamamua.

San Mateo 13:9

Mag nem ĩgkhaadam jaau opʉiwi aig narr khʉʉnag, —Keena, jʉ̃g ʉ̃rʉʉnaa chamʉg nem ĩgkhaadam mua jaau chirʉm wajapha ũrbatgui ajim ich Jesuupai.

San Marcos 4:9

Mag ĩgkha obaadeewai aig ich iek ũr narr khʉʉnag, —Keena, jʉ̃g ʉ̃rʉʉnaa chamʉg nem ĩgkhaadam mua jaaubarm wajapha ũrbat ajim anʉm amag.

San Marcos 7:15

Mʉg jẽb gaai chadcha õor pekaudam paraa khitheem. Pari sĩi parhooba thach kho nʉmuapai chan Ẽwandam na õor ãrba aajem. Ẽwandam na õor ãrpiejemʉn pãach thãar ee nem khaigbam khĩirjunaa iekhaawaita pãachdeupai pãach ãrpiejemgui ajim anʉm. [

San Marcos 7:16

Magnaa amag, Jʉ̃g ʉ̃rʉʉnaa wajapha ũrbat ajim anʉm cha mua pãrag jaau chirʉm.]

San Lucas 23:43

Magbaa Jesuu irig, —Ĩswe pʉ mʉ dʉi durr wʉjʉu durr chiraimaju ajim anaabá.

San Lucas 8:8

Maagwai tagam khʉʉn jẽb wajaug ee burrjim aajem. Makhʉʉnan chadau oberwia chebaadeewai khaarpierr bich thʉʉ jopmajim aajem. Mag jaaumamua, aig narr khʉʉnag, —Keena, jʉ̃g ʉ̃rʉʉnaa chamʉg nem ĩgkhaadam mua jaau chirʉm ajapha ũrbat ajim anʉm.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

1 Corintios 2:10

Ẽwandamau ich Akhaar gaaimuata mag maach athee nem wai simjã thum maachig khaphʉ api sim. Ich mag Akharauta ĩchab ich Ẽwandamau ich thãar eepai nem khaphʉ wai simjã khajapham nem khogreu jʉrmamjo thumaa khaphʉ apiejem.

2 Corintios 12:4

Mag mʉ ʉ̃gthar arrwia mʉrʉg nem khĩir pogkhe jaaumajim ich igwia, mamʉ mag ichdeu jaautarr iek mʉg eegarm khʉʉnag bʉ̃ʉrjã jaaupibajim.

1 Juan 2:13

Keena, pãachdeu Ẽwandam iek ʉkhatarr gaai ubʉ nʉm gaaimua ya chi jooinkha nʉm khʉʉnjã agjo warrgar nem thum ompaawaiwe sĩerr ag Ẽwandampaita pãrau khaphʉ naawai pãragjã mʉg ẽsap phã deepʉi chirʉm. Maimua pãar ar Ẽwandam iek ʉkhatarr agtha dʉrrʉʉcha khaba nʉm gaaimua sĩi ewaa jooinpagkhamam khʉʉnjo nʉm khʉʉn, pãraujã ya agjo chi dajãumie nem khaibag sĩerrʉm pãach garmua podpʉiwi nʉm aawaita pãragjã agjo mʉg ẽsap phã deepʉi chirʉm.

Apocalipsis 13:9

Magua jʉ̃g ʉ̃rʉʉ nʉm khai wajapha ũrbat:

Apocalipsis 14:13

Maimua mua ũurwai ʉ̃gtharmuata woun iekjo mʉrʉg, “Cha mua pʉchig jawaagpam phãbá” a sĩejim. Mag irua phãpi sĩerr iek mʉg ajim: —Ĩsmua atagta chadcha ʉuhcha ajugui ajim, ar maach Por Jesús iek thãraucha ʉkha durrumua mee nʉm khʉʉn. Magbaawai Ẽwandam Akharaujã, —Jãan chadcha ich magau a sĩejim. Mʉg jẽb gaai aawai chadcha phithurg aaujerrjã par khaba aju aawai khĩir meeu nʉisijugui ajim, Ẽwandam athee amachdeu nem wajapha waaujerr jũrr.

Apocalipsis 15:2

Mag khur mua oojim ĩchab, phũasta sĩi vidrio denjo sim igaau Ẽwandamau amachig sirmkhĩir arpa deetarr dʉi ag panhapha õor dʉnʉnʉid thʉnʉm. Makhʉʉn mag mepeer khum chi jojothorjo sim phũas eemua oberchetarragjã jeeuba, ni i khĩirkha wau simʉgjã jeeuba, ni i thʉ̃r ni i dauchachjã ʉdʉraa amach gaai phãpiba arr gaaimua mag mepeer amach garmua podtarr khʉʉn ajim.

Apocalipsis 2:11

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatpʉi nʉm khʉʉnan, warm khʉʉn khĩmie durr wet thʉnʉm daar, Ẽwandamau jũrr ich aarta phe auju aajem.

Apocalipsis 2:17

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatbapʉimʉg, ʉ̃gthar pawiajã mʉg jẽb gaaim nem khoojem khĩir khabamta khopinaa mokdaudam bäphä khitʉm gaai thʉ̃r iiur phã khitʉmjã ichdeucha deeju aajem. Mag thʉ̃r chan bigaaum khʉʉnau khaugba, ãba chi athamuapaita khaphʉ aju aajem.

Apocalipsis 21:7

Ar ogkhaba amach garmua podpʉi nʉm khʉʉnaun, mʉ juagam nem thʉnʉm thum amachdeuta auju. Mʉchta am Ẽwandamkha chirsiewai jũrr amach mʉ chaainkha nʉisijugui ajim.

Apocalipsis 22:14

Ar sĩi khajũa wajap jã simjo thãar wajapha pekau chukkhu nʉm khʉʉnta ʉuhcha thʉnʉm khʉʉnau, amauta maach iiupiejem nemjõ mag mua jaau chirʉm gayamjã jõnaa, mag phobor puertdi khapan wʉwʉr wejom eejã dubju aai naawai.

Apocalipsis 22:17

Magbaawai Ẽwandam Akharauta chi Cordero ʉʉi dʉimua, “¡Pidú!” anʉm. Maagwai pãar chi ũr nʉm khʉʉnaujã ĩchab, “Jesús, jopcha pidú” abat irig. Maimua Ẽwandam khaugam khõchgau obissi nʉmjo nʉm khai, maach peerdʉajem iek sĩi õor iiupiejem dojo simta sĩi ich jãg per aujã per auba ʉkhabat.

Apocalipsis 22:2

Mag phobor eem kaaijã chi wajapcharam jãrr, maimua dosĩg ipierr, pabʉ naajim dohi numwe, õor ich mag iiu wenʉrrapiejem nemjõ bʉ. Mag nemjõon edaupierr ich mag che sĩerrʉm aajem, bʉ̃ʉrjã khĩir jaraajã khaugba. Wajapcharan añopierr doce veces cheejem aajem. Mag nemjõ gayam chi kher khʉimamuata jũrr durrpierram khʉʉn ich mag monakha apiejem anaabá.