Apocalipsis 2:5 - Wounaan Meu

⁵ Magua irua pʉrʉg, khĩir eyaa abá a sim; i iek warr pʉ jãg khaba sĩejim aajem. Ãsie ewag pʉch khaibag khĩirjuwia iseg jeeubá, warr pʉchdeu i khõsi aajerrjo i khõsi aag. Mamʉ pua magbamʉn, pʉ aar mawia i iek irua warre pʉ iglesia lámpara sorjo isegpʉiju aajem, tag igba aag.

Woun Meu

⁵ Magua hirua pʌrʌg, k'ĩir heyaa habá ha sim; hi hiek warr pʌ jãg k'aba sĩejim haajem. Hãsie hewag pʌch k'aibag k'ĩirjuwia hiseg jëeubá, warr pʌchdëu hi k'õsi haajerrjö hi k'õsi haag. Mamʌ pua magbamʌn, pʌ haar mawia hi hiek hirua warre pʌ iglesia lámpara sörjö hisegpʌ̈iju haajem, tag higba haag.

Apocalipsis 2:5 Iomraidhean Croise

San Mateo 5:14

’Jãg durrsĩ gaai phobor sim pod dau merju khaba aajemjo, pãraujã pãachdeu mʉ iek khaugtarr chan pod meerju khaba nʉmgui ajim anaabá, pãach nem wajapha wau nʉm gaaimua pãachta mʉig eegarm khʉʉn athee khĩchag ee lámpara paa dʉnʉmjo naawai.

San Mateo 5:15

Pãrau khaphʉ nʉm, lamparaan paanaa sĩi nem bʉ ee ausĩuba, dau garta ausĩiujem, dijã thum araraa amkhĩir.

San Marcos 12:9

Maimua mag nem ĩgkhaadam opʉiwia ich iek ũr narr khʉʉnag magjim aajem: —Pãrau khĩirjuawai ĩsjã agtha mag uvado sim anaa chi thʉa narr khʉʉnjã ich akhʉʉnpai akhiin, ¿jãgaju khai ajim anʉm, magʉm wounaan dʉi? Par irua ich chaai ãbpai khitʉm pʉitarrpata mag thõobapʉim oobaawai, mawia warre amach thum khechpʉiwia, ich uvado jũrr deeum khʉʉnagta jaau pʉabjejugui ajim anʉm ichdeupai.

San Lucas 1:17

I gaaimuata õor ee Ẽwandamau ich jua theeg oopijugui ajim anʉm, warrgar ich i jaaumie Elías khakhitarr dʉi aajerrjo. Irua Ẽwandam i jaau nʉrrʉm ũrwia, jooin amach chaain dʉi khajap khaba wenʉrraajerr khʉʉnjã khõinaa wenʉrranaa ĩchab i iek ũrmapha aajerr khʉʉnaujã amach jooin warrgarm khʉʉn denjo i ipierraa aju, maagwai Ẽwandamau mag am Porkhaju päaiwaijã amach thãraucha khõsi i iek ũrmkhĩir a jaauchejim aajem chi Ẽwandam chogau.

San Lucas 20:16

Par irua ich chaai ãbpai khitʉm pʉitarrpata mag thõobapʉim oobaawai, mawia, warre amach thum khechpʉinaa, ich uvado jũrr deeum khʉʉnagta jaau pʉabjejugui ajim anʉm, ichdeupai. Amach jʉ̃g daar Jesuu mag iekhabapʉim ũrbaawai chi aig narr khʉʉnau, —Aay, Ẽwandam, ¿khanthee pua magbaadeju? ajierram aajem, mag uvado jaau sim gaaimua Ẽwandamau amachta jaau sim khaphʉ narr aawai.

Gálatas 5:4

Pãar jãg ley ʉʉrkha nʉmuata Ẽwandam dau na kulp chukhu aju ẽkha nʉm khʉʉnan, warag pãach garmuata Cristo kha isegwi i bʉ ogdʉnaa Ẽwandamau pãach khõsi wai sĩerrjã pãach garmuata i barpʉa nʉm.

Filipenses 2:15

daumaa ãbmuajã pãachig iekhapiju chukhu, mʉg õor khaibag thʉnʉm ee khaibagjã chukhu Ẽwandam chaainkha wenʉrramkhĩir. Pãar magta wenʉrrʉmʉn, magan mʉg durr ich pekau pomgau edau khĩejo sim eejã pãar edjã ee phĩdag phuphup thʉnʉmjota wenʉrraju am ee,

Hebreos 10:32

Mamʉ pãar ʉu magba nʉm. Magba naab mamʉ, khĩir eyaa abat: Warrcha pãachdeu Cristo iek chadcharam ʉkhatarr khuriipai aawai pãach wajappha phithurg au durrumjã pãrau magʉmjã aba ʉu at aba chadcha pãrau ãwaatjeejim. Ich jãgta penaat warag.

2 Pedro 3:17

Khodamnaan, mag maestronaan anʉmta seukha nem jaau nʉrrjee aju khʉʉn beejujã ya mua pãrag ag nawe jaautarr aawai pãach eejã magju nawe khĩir khaphʉ abat. Jãkhʉʉn õor khaigbam khʉʉn khabahab, amach jãg nʉrrjeem gaaimua. Magba akhiin eeu jãg parhoob nem waunaa parhoob nem jaau jẽedʉ sĩerrjeem khʉʉnau pãach khũgur amachig paa auwia pãachdeu ʉkhatarr iek gaai ʉu ubʉ narrta deeu ewag wetdukham.

Judas 1:24

Pari pãar chadcha maach Ẽwandam ãbpai khitʉm den aawai oob khĩirjumiet. Ichdeuta maach Por Jesucristo gaaimua maach peerdʉ auwia, ich jua theegauta maach pekau ee burrpiba thʉanaa, maach i agkham edjã oneeta bʉ̃ʉrjã pekau chukhu phe auju, ich mag ich dʉi naamkhĩir.

Apocalipsis 1:20

Maimua mʉrʉg, “¿Pua khaphʉ chirʉ́” ajim “khani jaau sĩ ar mua mʉch juachaar gar phĩdag siete wai chirarr, maimua lámpara ausĩiujemjã phĩr den siete wai chirarr?” Magnaa ichdeupai, “Ar phĩdag siete narr, jã mag siete iglesia nʉm ee agjo pastornaan siete nʉm khʉʉnta jaau simgui” ajim. “Maagwai mag chi lámpara ausĩiujem agjo siete narr, jãkhʉʉn Asia durr mag iglesia siete nʉmta jaau simgui” a jaaujim mʉrʉg ich Cristooucha.

Apocalipsis 16:9

Mamʉ mag edaúa phaa thʉnʉʉuwi, sĩi phausumjo sĩsidʉmjã amach khaibag ãsie ewag khĩirjuwi Ẽwandamagjã chugpaapi jeeuba, ni sĩi i tho iekhajojoopaijã khabajierram. Magju khãai sĩi warag irig parhoobaa amachdeu iekham aig iekha thʉnʉʉujierram; majã ichdeuta magʉm khaibag burrpibaju akhiinjã jua theeg simʉgta mag iekhajierram.

Apocalipsis 2:16

Magua irua pʉrʉg, “Ãsie ewag pʉch khaibag khĩirjuwia Ẽwandamag iseg jeeubá” a sim. Magbaju atheen, pʉ aar mawia ich i eem esparaupai warag pãach dʉipata werbʉimaju jaau sim.

Apocalipsis 2:19

I iek irua khaphʉ chirʉm aajem pua nem wau sim. I iek pua õor kha khõsinaa pʉchdeu ich iek ʉkhatarrjã chadcha isegba ogdʉba ʉkha sim aajem. Pua nem waauwaijã khĩir thũu waaujem aajem, waumaphamjã aba. Maimua i iek ĩs pua warram khãaijã ʉ̃rcha nem wau sim aajem, maimuajã wajapcha.

Apocalipsis 2:2

I iek pua nem wau sim thumaa irua khaphʉ chirʉm aajem. Irua khaphʉ chirʉm aajem, pʉ phidag chadcha nem theeg sim, mamʉ pua magʉmjã igba ich mag jua jeeuba phidkha khitaajem. Pʉch khapeenau nem khaigba waauwaijã pua sĩi khĩuu ãwatba aajemjã irua khapphʉ chirʉm aajem. Ar amach iiupai amta Ẽwandamau ich i jaaumkhĩir jʉr aujim aajem khʉʉn seu pʉr awaagjã am dʉi jãau nʉmjo par iekhaupai juapá chach oowia chadcha am seunemeg pʉr autarrjã irua khaphʉ chirʉm aajem.

Apocalipsis 3:19

Irua ichdeu õor kha khõsim khʉʉnagan meeurrau sĩunaa ĩchab wawijã wawiejem aajem. Magua puajã pʉch khaibag iseg jeeuwia khĩirdam ubʉ Ẽwandamta jʉrbamʉn, i iek pʉ gaai mas aju aajem.