Apocalipsis 2:3 - Wounaan Meu

³ I iek pʉ chadcha i gaaimua phithur khitaajem aajem. Mamʉ magʉmjã pʉ khĩir bʉ̃ʉ aa khaugba ni khajewaajã khaugba phidkha khitaajem aajem.

Woun Meu

³ Hi hiek pʌ chadcha hi gaaimua p'it'ur k'itaajem haajem. Mamʌ magʌmjã pʌ k'ĩir bʌ̃ʌ haa k'augba ni k'ajewaajã k'augba p'idk'a k'itaajem haajem.

Apocalipsis 2:3 Iomraidhean Croise

San Marcos 15:21

Mag Jesús pakuls gaai meerphepäain arrum ee, am khĩirphee woun ãb Simón anʉm ich phidag eemua ich diig urajim aajem. Mag woun Cirenepierr ajim aajem, Alejandro dʉi Rufo anʉm am aai. Chi soldaaunau mag Simón oobaawai jũrr ajués irigta Jesuu pakuls arrmaa atarr arrpijierram aajem.

San Lucas 14:27

Ar chi mʉ dʉi nʉrram khõsi simuan warre ich phithurg au nʉrrajujã khaphʉ aju aai simgui ajim anʉm, mʉ gaaimua chikhamnau ich thõoju khaphʉ awiajã ich mag mʉ bʉ ogdʉba nʉrraju aawai. Mag ãwatbaju chan, parta ideu khõs mʉ dʉi nʉrrʉm ajugui ajim anʉm.

San Lucas 18:1

Ĩchab Jesuu ich khapeenag mʉg nem ĩgkhaadam jaaujim aajem, mag jaaubarm gaaimua amachdeu nem ig nʉm Ẽwandamau da deeba awiajã warag pʉaba irig jeeuju aai nʉm a khap amkhĩir.

San Lucas 21:19

Õrau mag pãach dʉi khaigba awiajã pãarta warag Ẽwandam dʉi ubʉ wenʉrrʉmʉn, pãar akharan i aar oberjugui ajim anʉm.

San Lucas 5:5

Magbaawai Simonau jũrr magjim anʉm: —Aay, edaar maach daúa bʉ̃ʉrjã khãiba parii ʉreu eedʉtkhamaamjã bʉ̃ʉrjã marau pʉr aubajim. Mamʉ pʉ iek aawai deeu mua chach oojuke ajim anʉm.

San Lucas 8:15

Mamʉ jũrr chi nemjĩir jẽb ajaug ee burrtarr, ar õrau Ẽwandam iek amach thãraucha ʉkhaa chaar ʉkhaajem khʉʉnta jaau simgui ajim anʉm. Magʉm khʉʉnau sĩi par jʉ̃gʉupai ũrba aajem. Amachdeu ʉkha nʉm gaaimua dau aug wauju akhiinjã, majã am gaai mas khaba simgui ajim anʉm, Ẽwandam athee nem ajapha waum khõchgau.

San Juan 15:21

Amau mag amachdeu am aig pãar khaibag wauju a chirʉmʉn, pãach mʉ dʉi khapeerkha nʉm gaaimuata pãar dʉi amau magju. Pari mag nʉmʉn, mʉ pʉitarr Ẽwandam amachdeu khaugbam gaaimuata pãar dʉi amau magjugui ajim marag.

Romanos 12:12

Ẽwandamau mʉg atag maach ich aarcha phe auju khaphʉ naawai warag onee naat. Cristo gaaimua pãach dau aug wauju khaphʉ nʉmjã warag khuphĩita audʉdʉt abat. Mag nʉm dʉi Ẽwandamag jeeu nʉm chan oob khĩir okhoo jeeuba amiet.

Romanos 16:12

Trifenaagjã mʉ salud deenaa Trifosaagjã deebat. Amjã ĩchab maach Por Cristo atheeta phidkha durraajem. Ãa, maimua Cristo gaaimua maach ʉ̃phʉi Persidaagjã salud; ijã ĩchab mua daupii chitʉm dʉrrcha maach Por Cristo phidag gaai phidkha khitaawai.

Romanos 2:7

Ar ʉ̃gthar oberwia bʉ̃ʉrjã meeba ich mag wajapha wenʉrraju khĩirju nʉm dʉi Ẽwandamagta amach tho iyʉʉ apim khõchgau warag nem wajapham appai wauju ẽkhaajem khʉʉnan, irua ich denkha auju, ich mag ich dʉi wenʉrramkhĩir.

Romanos 8:25

Mamʉ ich agjo mag dichdeu oom khõchag thʉnʉmjã chadcha agtha ooba sim khai, magan oobam aigjã nem pʉabaju. Magua, mag dau aug wau wenʉrrawiajã ãba Ẽwandamau mʉg atag maach dʉi wajapha ajuuta khĩirju wenʉrrʉm.

1 Corintios 13:7

Chadcha dich khapeen kha khõsim abarmʉn, dich khapeer garmua dich dʉi wajap khaba awiajã ideu ãwat pʉʉrbabakham. Chikham eugar khaigba jaau nʉm ʉkhaba, nem wajapha jaau nʉmta ʉkhaajem. Dich khapeen pekau ee burrwaijã, ya jãgbaadem chan tag at khabam a iekhaba, sĩita warag ʉu deeu ich sĩerrjo ajapha aju anʉm, i igwia. Dich khapeer gaaimua õrau ich khaigba aawaijã, magʉmjã igba ãwatpʉpʉikham.

1 Corintios 16:16

Muan pãrag, “Jãgʉm wounaanau wa ijo Ẽwandam iek gaai phidkha nʉm khʉʉnau khãijã pãachig mag abaawai ag ipierraa abat” a chirʉm.

2 Corintios 10:15

Mua chan chikham phidagta mʉch denkha auwia jũrr mʉch gaai thʉ auba, ni sĩi chikhamnag pãar ee phidkhapimaaugaujã khabam; mamʉ ichiita pãar eeta warag phidkhaju khĩirju chirʉm, jãg pãachdeu Cristo iek ʉkha nʉm gaaita warag ubʉ paaukhamamkhĩir.

2 Corintios 11:23

¿Amta Cristo chognaan anʉ́? ¡Ih! Mʉ chará am khãaijã Cristo chog chaarcharau. Mua khaphʉ chirʉm, mag iekhabapʉim aig lokoomjota mʉ iekhabapʉim. Mʉchta am khãyaujã ʉ̃rcha phidkhawia chitʉm; Cristo gaaimua am khãaijã mʉchta ʉ̃rcha cárcel deg mawia chirʉm; wajap jʉ̃gad khierrjã khoodaar chitʉm; mʉʉn am khãaijã thõjuuta wau chitaajem, Cristo athee mʉch mag chitʉm gaaimua.

2 Corintios 4:1

Magua mʉch chan khuseukhaba chitʉm, Ẽwandamau ich garmuata mʉch dau aug khaugwia ichdeuta mʉrʉg mʉg phidagjã deetarr aawai.

2 Corintios 4:16

Mag Ẽwandamau mʉch phiriu auju khĩirjubaadeewaita warag khĩirdam ubʉ ich jãg phidkha chitaajem. Maach mor mʉg chi ʉ̃rʉmʉn chadcha jooiraa pamampierr warag serbiiba pamáma, pari jũrr mag sim maach akharan edau ãspapakhampierrta warag jua thierrpapagmam, Cristo gaaimua.

2 Corintios 5:9

Maguata, agtha mʉg jẽb gaai chitaju wa jopcha i aar maju awiajã, mʉig eegarweran ãba i dawagaata nem wauju khĩirjuajem.

2 Corintios 6:5

Chaaijo sĩi mʉch wʉ thʉnʉʉuwaijã khĩu ãwaatjem. Mʉchdeu jaau chitʉm gaaimua õor phogdʉwia mʉ ẽudeejã ẽkhaajem; khar cárcel degjã chiraajem; phidag theegjã phidkhaajem, maimua dau khõreu nʉm, jãsog ãwat nʉm, magʉm thum mua sĩi khĩu ãwaatjem.

Gálatas 6:2

Pãach ee ãb khãijã problema paarpaawai, warag pekau ee burrm ugua, oob irig oobamjo amiet. Pãrau chadcha at aba magta am khaigperju ẽkha durrumʉn, Cristoou dich khapeen kha khõsi apitarr aawai chadcha magta nʉm.

Gálatas 6:9

Maguata maach chan mʉg nʉm aig khuseukha phobaadem awi nem ajapha wauju aai nʉmjã wauba ich mag sĩuju aai khaba nʉm. ¿Jãgwi? Chokhõgba magta nem ajapham apha wau wenʉrrʉmʉn, Ẽwandamau oowai ichdeu magju ayaa am ed mag nem waum khõsi waaujerr jũrr maach dʉi agjo ʉu aju aawaima.

Filipenses 2:16

jãga Ẽwandamau maach thãar chi iiurig paapäaijẽ a jaau wenʉrrʉm gaaimua. Maagwai Cristo beem edjã mʉchpa pãar gaaimua onee chiraju, mʉch par phidkhaba abarm khaphʉ chiraawai.

Filipenses 4:3

Maimua pʉjã, mʉch khapeer ajapham, ĩchab maach peerdʉajem iek eemua bʉ̃ʉrjã ogdʉba nʉrraajeewai pʉrʉgjã jãkhʉʉn ʉʉin wawibá a chirʉm, tag ich jãg wenʉrram ugua. Mua õor ee maach peerdʉajem iek jaau chitaawai jãkhʉʉn ʉʉinauta Clemente dʉimua tagam khʉʉn agjo mʉ dʉi ãba wenʉrrarr khʉʉnpa mʉ bʉ ogdʉba dʉi mʉ ipierr jaau durraajeejim. Mag mʉ dʉi wenʉrrarr khʉʉn thʉ̃r ya ʉ̃gthar Ẽwandamau ichdeu peerdʉ aumam khʉʉn thʉ̃r phãkhamaajem ẽsap gaai ĩchab phãkha thʉnʉm.

Colosenses 1:11

Agjo jeeujem ĩchab, ich Ẽwandam thumaam khʉʉn khãaijã jua theeg sĩerrʉmʉgta ich jua theeg pãach gaai phẽs deebarmua pãach ich dʉi ubʉ naamkhĩir, maagwai bʉ̃ʉr abarm gaaimua phithurg aadep awiajã magʉmjã juapadam thethe ãwat naamkhĩir.

1 Tesalonicenses 1:3

Mag pãar igwia irig ʉu ajim anʉm aig ĩchab marau khĩir eyaa aajem, jãga pãrau pãachdeu ʉkhatarr iek gaai bʉ̃ʉrjã iekcheba warag phidkham khõsi phidkha nʉ, maimua jãga mag maach Por Jesucristo beejujã khõsi nʉ nʉm gaaimua chikhamnau pãach dʉi khaigba aadep aawaijã ichdeu pãar eeg oojẽ, magʉm iekjã igba ãwat wenʉrramkhĩir. Marau khaphʉ nʉm, pãrau chadcha dich khapeen kha khõsinaa Ẽwandamjã khõsi naawaita jãg phidkha nʉm. Mag gaaimuata irig ʉu ajim a durraajem pãar kõit.

1 Tesalonicenses 2:9

Khodamnaan, pãrau khĩir eyaa nʉm, maar pãar ee udthuurwai jãga maar khajeeu durrum ãba phidkhaajeejĩ maach bidam athee. Ẽwandamau maach peerdʉ aaujem iek pãrag jaau wenʉrrʉmua edaram magwe maar phidkhaajeejim, eeu naspawia ãbmua khãijã maar jãhogam khõchgau ichta khojudamjã chukkhu chirajim am ugua.

1 Tesalonicenses 5:12

Khodamnaan, marau pãrag jaaum ig nʉmʉn ĩchab, ar pãach ee chi pornaan Ẽwandam iek jaaunaa pãach wawiejem khʉʉn chan oob pãrau sĩi amag oobamjo amiet anʉmʉu, amag phagmaaugau.

2 Tesalonicenses 3:13

Khodamnaan, nem wajapha wau nʉm gaaimua chan oob pãrau khajeeu nʉm awia tag nem waubam amiet.

2 Tesalonicenses 3:5

Mag pãrau maach ipierraa aju khaphʉ naab mamʉ, warag Ẽwandamag jeeu nʉm, ich jãg ichdeujã maach khõsi arrjo pãragjã warag wir aig pãach agdaujo daupiicha amkhĩir. Magnaa ĩchab maach Por Jesucristo juapaata pãrag deepi jeeu nʉm, chikham jua machgau pãach dau aphʉʉ awiajã ich denjo ãwatamkhĩir.

2 Tesalonicenses 3:8

Maar chan mag sĩi phidkhajã phidkhaba õor igaau par thach khoba aajeejim. Ante iwiir ãbmua khãijã maar jãhogam khõchgauta ichpa khojudam chukhu chirajim am ugua, khajeeu durrum ãba, maran edaram magwe phidkhaajeejim maach bidam athee.

1 Timoteo 4:10

Mag mʉg jẽb gaai nʉwejã Ẽwandamau maach dʉi ajapha aju khaphʉ naawaita, ich jãg thet jaau nʉmua, i iek õrag ʉkhapiju ẽkha durrumua, ĩchab chikhamnau maach ĩgkhabaadephʉmjã magʉm igba, warag pedurraajem. Chadcha Ẽwandamta ãba thumaam khʉʉn peerdʉajemʉu, pari ajapcharan ar ich iek ʉkha durrum khʉʉn denpai mamʉ.

1 Timoteo 5:17

Ar ajapha chi ʉkha durrum khʉʉn porkhanaa Ẽwandam athee phidkha nʉm khʉʉnan maadeu daupiinaa amau nem ig nʉmjã khap aju aai nʉm, sĩi ich jãg par phidkhapiba. Mamʉ ʉ̃rcha mag daupiinaa amag phagju aai nʉmʉn, ar Ẽwandam iek jaaujem phidag wai nʉm khʉʉnagta ʉ̃rcha phagju aai nʉm.

Hebreos 10:36

Mamʉ mag ich Ẽwandamau khõsimjo nem wawaagan, dau aug wau wenʉrrʉmjã magʉm aba, ichiita warag ãwat wenʉrraju aai nʉm. Mag nʉmʉn chadau ichdeu jaau simjo pãar dʉi ajaphanaa ich dʉi ich mag wenʉrrapiju.

Hebreos 12:1

Mag warrgarm khʉʉn jooin khapan Ẽwandamau nem jaau sim chadcha aju ʉkha narr gaaimua amau nem waumatarr khaphʉ naawai maachin sĩi khaphig wetumjo warag naagta wetju, pekau waujujã khĩirjuba ni bʉ̃ʉr abarm gaaimua Ẽwandamau maachig waupi jaau simjã waubam aba. Magju khãai dichdeu nem waum khõsimpai wauju khĩirju nʉm gaaimua pod Ẽwandamau waupi simta wauba khãijã am ugua, magʉm khĩirjugta warre thum isegju aai nʉm. Magba akhiin magʉmua maach bʉ gaai pʉʉrbaadephʉmjo aawai pod Ẽwandamau khõsimjo abaju. Khajee amkhĩirjo maach na nem inag pom thʉnaawiajã magʉmʉgjã ooba,

Hebreos 13:13

Mag i thõon arrwaijã i waunaa i iseg nʉm iekhau warag phobor igaauta i arrwi thõotarr aawai, magan maach jooin i pʉaba ʉkha nʉm gaaimuata dich peerdʉju ẽkhaju khãai, Jesuuta jʉrju aai nʉm, i gaaimuata chikhamnau maach dʉita jũrr ich dʉi arrjo wau iekhajujã igba.

Hebreos 6:10

Ẽwandamau thumaam khʉʉn dʉi nem agchata waaujeewai pãrau Ẽwandam khõsi nʉm gaaimua pãach hermanonaan juag oojemjã irua par sĩi ich jãg okhoopibam.

Hebreos 6:12

Nem ajapha wawaag chan oob khuseukhamiet. Magju khãai maach jooin otarr khʉʉnau aajerrjo warag ʉkhanaat a chirʉm. Amau ogdʉba ʉkha durruu aajerr jũrr Ẽwandamau warrgarwe amachig deeju aajerrjã ya amach jua ee wai nʉm, ya ich dʉichata wenʉrraawai.

Hebreos 6:15

Magbaawai chadcha Ẽwandamau ichig jaautarrjo aju khap, jooi Abranau nʉ khitʉm ee Ẽwandamau irig ichdeu jaautarrjo ʉu chaaidam i ʉʉirag oodeepiwi ag gaaimua chadcha jooi chaain ewagam khʉʉn khapaana thʉnʉisijim, i meetarr khur.

2 Pedro 1:6

Mag khĩirjug paraanaa pãach khĩirjug ee nem khaigbam wauju khĩirjug bee nʉm waum khõchgau phirir thʉnaawiajã oob magʉm khĩirjugta warag pãach gaai ʉ̃rpapimiet. Magju khãai magʉm khĩirjug dich garmuata mag podpʉpʉikham dʉi, phithurg auwiajã, sĩi khĩuta jʉmpʉpʉi abat. Mag sĩi khĩu ãwatpʉpʉikham dʉita Ẽwandam dau na nem khaigbam waujujã okhonaa i dawagaam nempaita waubat.

Apocalipsis 1:9

Mʉʉn pãach khod ar Jesús iek gaaimua pãachjo phithurg au pʉʉrba khitaajemuata pãrag mʉg ẽsap phã deepʉi chirʉm. Mag phithurg aaujeeb mamʉ, ich Jesucristoouta magʉm ãwataagjã juapá deejeewai, magʉmjã igba, phithurg jẽedʉ khitʉmua i aar barwi i khĩir wajaug oo wai chitaju. Ẽwandam iek jaau chitʉm dʉi Jesuu nem wau nʉrrarr mʉch daúacha oojerrta jaau chitʉm gaaimua, mau dojãrr phʉram Patmos anʉm gaai preso chirʉm.

Apocalipsis 3:10

Pʉchdeu irua jaautarr ipierraanaa bʉ̃ʉrjã jua ʉ̃yaajã khaugba khitaajeewai irua pʉ thʉa wai chitaju aajem. Ichdeuta mag pʉ thʉa wai chirʉm chan mʉg jẽb gaaim khʉʉn thum Ẽwandamau chachwi okhĩirjug pooma thʉnʉm jaarjã pʉ warm khʉʉnjo khabaju anaabá, ichdeuta pʉ thʉa wai sĩewai.