Apocalipsis 2:14 - Wounaan Meu

¹⁴ Mamʉ magʉm ãba, i iek pʉ khaigba simjã irua oo chirʉm aajem. Maguata pua Balaam igar nʉm khʉʉnagjã iekhaba sĩi oo wai sim anaabá. Ich jãg Balamau ajim anaabá, deeum woun Balac aajerrag israelnaanag nem khaigba waupi jaaujerr. Ich jãgua ajim anaabá, ar amach jua wautarrta ẽwandamkha wai nʉmʉg jewaag ag khĩirphee nemchaain thorrphe wai narr nemek modjã khopi jaaunaa ĩchab parhooba dich õor khabam dʉijã khapes aju aai nʉm a jaautarr. Pua mag khaphʉ simta mag Balaam igar nʉm khʉʉnag bʉ̃ʉrjã iekhaba sim aajem.

Woun Meu

¹⁴ Mamʌ magʌm hãba, hi hiek pʌ k'aigba simjã hirua hoo chirʌm haajem. Maguata pua Balaam higar nʌm k'ʌʌnagjã hiek'aba sĩi hoo wai sim hanaabá. Hich jãg Balamau hajim hanaabá, deeum woun Balac haajerrag israelnaanag nem k'aigba waupi jaaujerr. Hich jãgua hajim hanaabá, har hamach jua wautarrta hẽwandamk'a wai nʌmʌg jëwaag hag k'ĩirp'ee nemchaain t'orrp'ë wai narr nemek modjã k'öpi jaaunaa hĩchab parhooba dich hõor k'abam dʌ̈ijã k'apes haju haai nʌm ha jaautarr. Pua mag k'ap'ʌ simta mag Balaam higar nʌm k'ʌʌnag bʌ̃ʌrjã hiek'aba sim haajem.

Apocalipsis 2:14 Iomraidhean Croise

San Mateo 18:7

Mʉg jẽb gaai ichiita ich jãg õor dich khapeen pekau waupiejem khʉʉn paraa aju. ¡Mamʉ eh, apkhiitʉ, chi mag dich khapeendam pekau ee burrpiejem khʉʉn!

Hechos 15:29

Par Ẽwandam chaar khabamʉg jewaag wai narr nemek mod oob khomiet. Nem thõowia ag bag den reyen wau sĩsidʉmjã khoba, ni nem sĩi begone bag ãrba thõo sim modjã oob khomiet. Mag nʉm dʉi ĩchab dich õor khabam dʉi chan oob bʉ̃ʉrjã khapes amiet. Cha marau jaaupʉi nʉmta chadcha pãrau mag sʉrkha nʉmʉn, magan pãar ʉu wenʉrrʉm. Ma ajim marau pãrag jaaum ig narr. Ayoo Keena” a phã sĩejim aajem, chi ẽsap gaai.

Hechos 21:25

Magnaa, Ar judionaan khabam khʉʉn ĩchab maach Ẽwandam iek ʉkhatarr khʉʉnagjã ya marau ẽsap aaidʉpʉijimgui ajierram. Amag marau jaaupʉitarr gaai, õrau amach juau nem parhoobamta Ẽwandamkha waunaa agʉg jewaag nemchaain thõotarr modjã khopiba, nem thõowia ag bag den reyen wau sĩsidʉmjã khopiba, ni nem sĩi begone bag ãrba thõo sim modjã khopiba jaaupʉijim. Mag nʉm dʉi ĩchab dich õor khabam dʉi chan oob bʉ̃ʉrjã khapes apiba jaaupʉijimgui ajierram, Pabloog ĩgkhamamua.

Romanos 11:9

Maimua ĩchab Ẽwandam oomapham khʉʉnag mag khĩirjupimaaugau, jooi David khararraujã irig jeeumamua magjim: “Ẽwandam, ar riknaan pʉch oomapham khʉʉnag ideu amach phiesta athee thach pom wauwi khopibá, juau ogthom pʉch dau na wajapha naawaita mag phiesta khamkhĩirjã pua amachig nem thum dee chirʉm amkhĩir. Pari amachdeupain mag nʉm gaaimua pʉ dʉi wajapha nʉm anʉm ee, pʉchdeupai am gaai mas deebá.

Romanos 14:13

Mag Cristoouta thumaam khʉʉnag ichdeu khap jaaumaju aawai maachdeu chan pod dich khapeen jaauju khaba nʉm. Mag khãai warag bʉ̃ʉrjã dichdeu nem wau nʉm gaaimua dich khapeen pekau waupijojoom nem chan wauju khaba nʉm. Magba akhiin maach oowia agjo abaawai jũrr chi parpemta maach gaaimua pekau wauju.

Romanos 14:21

Wajapcharan mag maach gaaimuata maachjo Cristo iek ʉkha kherʉmdam pekau ee burrpi sim khai, magan warag bʉ̃ʉrjã nemek khoba, nagjã doba, ni parhooba nem waujujã khaba nʉm.

Romanos 9:32

¿Khan jãgwi? Mag ley gaaipai naam khõchgau Cristo amach kõit meetarrjã igba, sĩi nem wajapha wau nʉm paarta Ẽwandamau amach pekau chukhu arrjo apʉijupii awiama. Amachdeu Cristo igba narr gaaimuata sĩi khʉdjã ee mokpor pom sim dʉita thẽubaimamjo ajierram.

1 Corintios 1:23

Mamʉ maraun ãba õrau Cristo pakuls gaai meerphe thõotarr iekta jaau wenʉrrʉm. Mamʉ mag iek judionaanau ũurwain, amagan amau khĩirjuawai Cristo ajim anaawai meeju khaba sĩerr meetarr aawaita marau i iek jaau wenʉrrʉm ũurwaijã sĩi chad khabamjota ũurjem. Maimua jũrr judionaan khabam khʉʉnau ũurwai, amagan maar sĩi serbiiba khitheem khʉʉnau nem jaau nʉmjota sim.

1 Corintios 7:2

Mamʉ jãg amach õor khabam dʉijã sĩi parhooba aadephʉm gaaimuata emkhooinjã agdaujo amach ʉʉin dʉi sĩsidnaa chi ʉʉinjã agdaujo amach jaain dʉi sĩsid aju aai nʉm.

Hebreos 13:4

Ar dich õor khabam dʉi khapes aajem khʉʉn gaai chan Ẽwandamau sĩi ich jãg oobamjo sĩubaju aawai emkhooin ʉʉinpan wa ʉʉin khãijã jaainpan agdaujo pãach õor respetaabat, oob bʉ̃ʉrjã deeum dʉi amiet.

1 Pedro 2:8

Maimua ĩchab ich ag woun igwiapai, “Jãg dibig gaaimuan õor bʉheu sub khaba bʉheu suwi burrju” a sim. (Is. 8:14) Mamʉ mag am bʉheu suwi burrju a simʉn, maach peerdʉajem iek jaau nʉm ũr nʉmjã amachdeu ʉkhaba arr gaaimua Ẽwandamau ich aar aubajuuta jaau sim, ich warrgarwe mag ich iek ʉkhabam khʉʉn dʉin ich magta aju arr aawai.

2 Pedro 2:15

Amach mag thʉnʉm gaaimua ya chi okhoomta thʉnʉm, Ẽwandam aarcha oberaag nem wauju khaphʉ narrta sĩi amach khõchagpierr wenʉrraawai. Warr nawe aajeewai Beor khararr iewaa Balam chi Aai i jaaumieu arrjo, parhooba nem khaigbam wau nʉm gaaimuapata phatkhon auju ẽkhaajerram.

Judas 1:11

¡Eh, apdurr jãg nʉrrjeem khʉʉn! Jãgʉm khʉʉnan Caínjo dich khapeen oomaphanaa amach daar nem wajapha waauwaijã khõchkhabata sĩerrjeem. Jãgʉm khʉʉnan ĩchab Balaamjo sĩi phatkhon ganam khõchgaupaita jãg nʉrrjeem; magnaa amachta warrgar woun Coré aajerrjo chi porkham khõchkha nʉm. Coré mag Moisés isegwia jũrr ichta chi porkham khõchkhatarr paarjã ich igar narr khʉʉnpa Ẽwandamau warre khechpʉitarrjo amjã agjo khechpʉiju ich Ẽwandamau.

Apocalipsis 2:20

Mamʉ par pʉ mag sim ãba, pʉ jaauju paraa sim aajem: Pua ʉdʉraata Jezabelag i chaain khũgurpi sim aajem. ¿Jãgwi? Ichdeupai iita Ẽwandam i jaaumie awi ʉdʉraa dich õor khabam dʉijã khapes aju aai nʉm a jaaupinaa ĩchab Ẽwandam chaar khabamʉg jewaag nemek mod wai narrjã khopi jaau simjã bʉ̃ʉrjã irig iekhaba ʉdʉraa mag jaaupiewaima.

Apocalipsis 2:4

Pʉ mag khitab mamʉ, i iek irua warr pʉ pʉch sĩerrjo ooba chirʉm aajem. ¿Khan jãgwi pua jãg warramjocha i khõchkhaba sĩ? a sim ichdeu.

Apocalipsis 21:8

Mamʉ mʉ iek jawaag khuwʉʉm khʉʉn, mʉ iek ʉkhaba aajem khʉʉn, mua khõchkhabam nem waaujem khʉʉn, juau õor thõojem khʉʉn, dich õor khabam dʉi khapes aajem khʉʉn, benkhʉʉn, parhooba juau nem wautarragta mʉrʉgamjo jeeujem khʉʉn, maimua thum õor seu paraam khʉʉn, magʉm khʉʉnan thum thʉrrdo õtdau azufre dʉi waaureu uu wejom eeta mua barkhʉʉipʉijugui ajim. Mamta biek numiimua paawai thõo chaarcha thõ nʉmʉugui a iekhajim.

Apocalipsis 22:15

Mamʉ benkhʉʉn, amach ʉʉin khabam dʉi khapes aajem khʉʉn, juau chikham thõojem khʉʉn, parhooba õrau nem wautarragta Ẽwandamagamjo jeeujem khʉʉn, maimua ar seukha nem ĩgkhanaa chikham khũguurjem khʉʉn chan, ni ãbjã dubba, thum Ẽwandamau isegpʉiju.