Apocalipsis 2:13 - Wounaan Meu

¹³ I iek pua nem waaujem thumaa irua khaphʉ chirʉm aajem. Pʉ sim phobor dosãt phobor anaabá. Mamʉ irua khaphʉ chirʉm aajem, magʉm ãba pua ich kha ogdʉba khitʉm. Irua khaphʉ chirʉm aajem, ar Antipas khararrau ich daúacha oowia ich iek jaau khitʉm athee chi dosãt igar thʉnarr khʉʉnau i thõo nʉm jaarjã, pua ãsie pʉchdeu ich iek ʉkhatarrjã isegba chadcha ĩsjã agtha ich mag ich kha ogdʉba khitʉm.

Woun Meu

¹³ Hi hiek pua nem waaujem t'umaa hirua k'ap'ʌ chirʌm haajem. Pʌ sim p'öbör dösãt p'öbör hanaabá. Mamʌ hirua k'ap'ʌ chirʌm haajem, magʌm hãba pua hich k'a hogdʌba k'itʌm. Hirua k'ap'ʌ chirʌm haajem, har Antipas k'ararrau hich daúacha hoowia hich hiek jaau k'itʌm hat'ee chi dösãt higar t'ʌnarr k'ʌʌnau hi t'õo nʌm jaarjã, pua hãsie pʌchdëu hich hiek hʌ̈k'atarrjã hisegba chadcha hĩsjã hagt'a hich mag hich k'a hogdʌba k'itʌm.

Apocalipsis 2:13 Iomraidhean Croise

San Mateo 10:23

Pãach nʉm phobor ee pãach thet pʉrbaichee jũrr deeum phoborog ereupetat. Mag wenʉrrʉmua mʉg Israel durr phobor khapan nʉnʉidʉm ee dʉrju jʉr wenʉrrawiajã, pãrau phobor thum phʉʉrpʉiju nawe mʉch chi Emkhooi Iewaa deeu pãar ee chiraichejugui ajim, magbarm aigmua Ẽwandamta õor thãar ee chi Porkhaju aai sim khap apieg.

San Mateo 24:9

’Ya magbaadeewai pãar chi mʉ iek ʉkha durrum khʉʉn thethemnaanau pʉrnaa amachjom khʉʉnag pãar pʉr deemaju, pãar dʉi amachdeu ampierr amkhĩir. Mag pʉr deebaa pãar gaai mas waunaa pãar thõojã thõomajugui ajim. Mag nʉm dʉi ĩchab thumaam khʉʉnau pãar oomappha aju mʉ iek ʉkha durrum gaaimua.

San Mateo 4:10

Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a sim. Magnaa mag sĩebnaa pʉdeu pʉchta jopkhaa mʉ aigmua sĩiubaad a chirajim aajem irua. Mag, bʉ̃ʉrjã i ipierraa abajim anaabá Jesuu.

San Lucas 21:17

maimua ar juau thõoba abarm khʉʉn jũrr thumaam khʉʉnau oomappha ajugui ajim anʉm, mʉ iek ʉkha durrum gaaimua.

Hechos 22:20

Esteban khararr pʉ iek jaau khitʉm gaaimua thõo naawaijã dʉi aig chirarr aawai mʉch ipaarmua thõopi jaaunaa mag chi thõo narr khʉʉn khajũajã mʉchdeuta thʉa chirajim. Mʉ mag chitarrauta ĩs jũrr mʉch garmua amag pʉ iek jaauwai, ¿amau ʉkhabaju khai?” a chirajim irig mʉch garmua.

Hechos 9:14

Maagjem mʉigjã phadnaan chi porkha nʉm khʉʉnau warag amach ipaarmua irig jaau nʉmgui ajim anʉm, pʉrʉgpai jeeu durraajem khʉʉn pʉrkha arramkhĩir.

1 Tesalonicenses 5:21

Amau jaau nʉm thum wajapha ũrnaa chi wajaphampai por ee athat.

1 Timoteo 5:8

Ãbmua khãijã dich khodkha simta dau aphʉʉ khitʉm oo simjã mag oowai warag gaai mas khabamjoo sim wounan dʉrrchata o ãkhãraa chirʉm. Mamʉ athuucha khaigba nʉmʉn, ar amach chaain wa amach dennaan khãijã dau aphʉʉ khitʉm oo nʉmta warag oobamjo nʉm khʉʉnau. Magʉm khʉʉnau chan cha maadeu Ẽwandam iek jaau nʉm ʉkhaba nʉmta amach iiupaita ʉkha nʉm anʉm. Mag nʉm khʉʉnan ar bʉ̃ʉrjã ʉkhaba nʉm khʉʉn khãyaujã atchata khaigba nʉm Jooi dau na.

2 Timoteo 1:13

Timoteo, ar iek wajapham maach Ẽwandam den mua jaau chitarr ũrwi pʉchdeu khaugtarrta wajap khĩir eyaanaa agpierr chitá. Magnaa jãg pʉchdeu ʉkhatarr iek ich jãg ogdʉba ʉkhanaa, Cristoou ich garmua maach khõsi arr gaaimua i dʉi wenʉrraawai, pʉch khapeen kha khõsi chitá.

2 Timoteo 2:12

I gaaimuata phithurg au wenʉrrʉmjã magʉm igba nʉmʉn, magan ĩchab irua durr jʉ̃a sim aar pawijã maach iek thethe wenʉrraju i dʉi. Mamʉ maadeuta i iek ʉkhamapham iekhau i khaugbam amʉn, magan maach meem edjã agjo irua maach aubaju iekhau, “Muajã pãar khaugba chitʉm” aju.

Hebreos 10:23

Irua chadcha ich iekhatarrjo aajeewai, dich ipeerdʉ iekhajujã khĩirjuba, ĩsin warreta maachin ya peerdʉwi nʉm aju aai nʉm, ichdeu jaautarrjo maach ich aar phe auju khĩirjugjã ogdʉba.

Hebreos 3:6

Mamʉ Cristo Jesús chan magba, Jesuun ich Iewaa chaar ichdeu pʉitarrau. Magtarr aawai ichdeuta maach ich Aai õorkhaju khʉʉn thum peerdʉ auwi ichdeuta khap sim, ichig jaautarrjo. Maata i phidag aawai i gaaimuata maach mʉg Ẽwandam denkha nʉm. Majã chadcha mag i õorkha naawai parta i iek ʉkhaba nʉm khaphʉnaa onee irua maach ich aar phe auju khĩirjugta ogdʉba wenʉrrʉmʉn mamʉ.

Santiago 2:7

¿Amach khabá Cristo igwiajã i jũur iyʉʉ sĩerrjeem? Mag Cristo iek ʉkhawi i denkha naawai pãach por choopitarrta, ¿jãgwi mag Cristo jũur iekhaajem khʉʉnagta pãrau ee aajẽ?

Apocalipsis 11:3

Pari mamag khabaadeewai Ẽwandamau ĩchab ich i jaauju khʉʉn numí pʉijugui ajim, año thãrjup awi jãrr makhʉʉnauta sʉrkhaajem khajũa jũanaa irua amachig nem jaaubarm jũrr õrag jaaumkhĩir.

Apocalipsis 12:11

Maimua jẽb gaaijã maach khodamnaanau amach garmuata mag mepeer podbapʉim, corderodamjo ʉdʉraa ich thõopitarr iekta ʉkhawia ag bagauta Ẽwandamag amach khaibag ʉpi nʉmua. Mag nʉm dʉi ĩchab amach dau aphʉʉ khechjujã igba, warag ogkhaba i iekta jaau durrarr gaaimuapata chadcha amach garmua i podpʉijierram.

Apocalipsis 13:2

Mag mepeer phũas eemua oberbaichem mua ootarr, sĩi khum chi jojothorjo sĩejim. Mamʉ mag simta jũrr chi bʉ, jos bʉkhanaa, i i, león ikha sĩejim. Mag simʉg mag ãbakhai sĩi õoirjo sĩerrau ich jua theeg deebaawai ichjo iek theeg apijim.

Apocalipsis 14:12

Magam uguata ar Ẽwandam denkhanaa irua nem jaau sim ipierraanaa ĩchab Jesús bʉjã ogdʉba wenʉrrʉm khʉʉnan warag ubʉta ʉkha wenʉrraju aai nʉm. Ma ajim Ẽwandam chog thãrjupamua jaau dichtarr.

Apocalipsis 17:14

Mamʉ chi Corderoou ich garmuata amach thum podpʉiju, ichta mʉg durr gaai chi thierrnaan thum thʉnʉm khʉʉn Por anaa reinaan Rey aawai. I dʉi thʉnʉm khʉʉnan, ich Ẽwandamaucha jʉr auwi amachdeu ʉkhatarr iek thãraucha ʉkha wenʉrrʉm khʉʉnau.

Apocalipsis 17:6

Ya mag mʉchdeu oobaawai mua khaug athajim, sĩi Jesús iek ʉkha durrum khʉʉn pom khechbapäaiwai bag pom ãrbarm oowiata onegau sĩi don ʉʉijo oo sim.

Apocalipsis 2:2

I iek pua nem wau sim thumaa irua khaphʉ chirʉm aajem. Irua khaphʉ chirʉm aajem, pʉ phidag chadcha nem theeg sim, mamʉ pua magʉmjã igba ich mag jua jeeuba phidkha khitaajem. Pʉch khapeenau nem khaigba waauwaijã pua sĩi khĩuu ãwatba aajemjã irua khapphʉ chirʉm aajem. Ar amach iiupai amta Ẽwandamau ich i jaaumkhĩir jʉr aujim aajem khʉʉn seu pʉr awaagjã am dʉi jãau nʉmjo par iekhaupai juapá chach oowia chadcha am seunemeg pʉr autarrjã irua khaphʉ chirʉm aajem.

Apocalipsis 3:11

Iin jopcha beeju aajem. Pʉchdeu i iek ʉkhatarr ich jãg ʉkha chirʉmjo, ich jãg wajapha ʉkhapi sim, pʉchig nem deeju arr jũrr chikhamnagta deem ugua.

Apocalipsis 3:3

Ar nacha pʉchdeu ũrwia ʉkhatarr iekta khĩirjunaa, pʉchdeu khaigba arr Ẽwandamag chugpaapi jeeunaa, deeu i dʉi ubʉ abá. I iek pua magbaju atheen, nem jĩgkhaajem khʉʉn sĩi degolp nem jĩgkhaimaajemjo, õor barbajojoo sĩerr ee degolp pʉ aar barwi pʉ gaai mas deeju aajem.