Apocalipsis 19:10 - Wounaan Meu

¹⁰ Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.

Woun Meu

¹⁰ Mʌchig magbaawai, mua hi bʌ̈k'ʌrr p'õbk'aimajim hirigta Hẽwandamagamjö jëwaag. Mamʌ mag mua hich bʌ̈k'ʌrr p'õbk'abaimaawai mʌrʌg, —Hʌ̃hʌ̃, hoob jãgam mʌ dʌ̈i. Hẽwandamagta jëeubá hajim. Mʌjã sĩi pʌ dʌ̈i hãba Hẽwandam chog k'abahab hajim, pʌ k'odnaan har Jesús hiek hamachdëu hʌ̈k'atarrta hogdʌba hamachdëu hootarrjö jaau durrum k'ʌʌnjö. Hẽwandamagta jëeubá hajim mʌrʌg.

Apocalipsis 19:10 Iomraidhean Croise

San Mateo 4:10

Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a sim. Magnaa mag sĩebnaa pʉdeu pʉchta jopkhaa mʉ aigmua sĩiubaad a chirajim aajem irua. Mag, bʉ̃ʉrjã i ipierraa abajim anaabá Jesuu.

San Marcos 5:22

Mag õor pom phẽphẽeukham ee, woun ãb Jairo a thʉ̃r sim i aig beejim aajem. Mag jooi judionaan Ẽwandam iek jaaujem deg chi pornaan thʉnʉm eem ajim aajem. Mag beewia, Jesús bʉkhʉrr phõbkhachewia,

San Marcos 7:25

Mag ich khaugpimapha sim ãba, ʉʉikhaardam thõthõrrsom beneu baarjerr ãdau mag i barbaimam ũr athaawai, Jesús aar mawia i khĩirphee kanieu phõbkhabaimajim anʉm.

San Lucas 1:19

Magbaa jũrr chi Ẽwandam chogau irig, —Zacarías, mʉʉn Gabriel a thʉ̃ʉrjemgui ajim anʉm. Mʉchta Ẽwandam garcha i bʉkhʉrr phidkhaajem. Ichdeu mʉ pʉiwiata pʉ aig mʉ beejimgui ajim anʉm, cha mʉchdeu iek jaau chirʉm jawaan.

San Lucas 24:44

Mag ãwarrdam kho aaipawiata amag, —Keena, mʉg mʉch õrau thõojuuta mua pãrag jaaujeejimgui ajim anʉm, agtha maach ãba wenʉrraajeewaijã. Moiseeu Ẽwandam iek phãtarr gaai mʉ igwia jaau simjo, ichiita ich jãg mʉch dau aphʉʉ ajujã jaaujeejimgui ajim anʉm, mua pãrag. Maimua Ẽwandam i jaaumienau phãtarr gaaijã jaaunaa Davidau ẽsap Salmos anʉm phãtarr gaaijã mʉ igwia ich mag phã sĩsid aawai, chadcha ichdeu jaautarrjoo thum ag eyaa oberjimgui ajim anʉm amag.

San Juan 5:39

Pãraun sĩi Ẽwandam iek phã sĩsidʉm gaai thʉ̃rnaa ag gaai jaau sĩsidʉm ʉʉrkha nʉmuata pãach peerdʉjupii awia thʉ̃ʉrjerram. Pari par mag ag gaai thʉ̃ʉrwai mʉ igwia jaau sĩsidʉm oo nʉmta, pãrau pãach thãar theeg nʉm gaaimua

Hechos 10:43

Mag, warrgar Ẽwandam i jaaujerr khʉʉnaujã ĩchab Jesús igwia, “Thum i iek ʉkhawia ãba irigpaita amach peerdʉ aumkhĩir jeeu nʉm khʉʉn khaibagan Jesús gaaimua Ẽwandamau chadcha chugpaapʉiju” a jaaumajim aajem Pedroou, warr Ẽwandam i jaaumienau jaaujerr igwia.

Hechos 13:27

Jerusalén phobor eem khʉʉnau amach pornaan dʉimua bʉ̃ʉrjã pod Jesús khaug aubajierramgui ajim anʉm. Mag khãai ante i igwia Ẽwandam i jaaumienau phã pʉatarr iek sabarhedpierr thʉ̃r nʉmjã bʉ̃ʉrjã i khaug auba, warag amachdeuta warrgarwe Ẽwandam i jaaumienau jaauwai i dau aphʉʉ wau thõomamua thõopʉiju a jaaujerrjoo ajierramgui ajim aajem, i dʉi.

2 Corintios 8:7

Pãar chadcha chi wajapham khʉʉnau, thãraucha maach Por Jesucristo iek ʉkhaag. Maach Por Jesús iek khaugnaa iekhaa khaphʉ iekhamamua ag iek jawaagjã pãran chi wajapham khʉʉnau; maimua nem wajapha waum khõchkha nʉm dʉi ĩchab mʉchdeu pãrag jaautarrjo wir aig dich khapeen kha khõchag atheejã agjo chi wajapham khʉʉnau. Mag nem thumaam athee chi wajapham khʉʉn aawai chamʉg ofrenda deepi jaau nʉmjã dʉrrcha deebat.

Efesios 5:15

Maguata muan pãragan agpierraata wenʉrrathʉ̃ a chirʉm, Ẽwandamau khõsimjo. Sĩi jãg nem jaau nʉmjã ũrba wenʉrraju khãai khĩirjugdam paraata aajeethʉ̃.

Efesios 5:33

Pari mag cha mʉchdeu jaau chirʉm pãachdeu thum ajap khaugba awiajã, ichiita ich jãg pãachdeupaijã bʉ̃ʉrjã pãach chig apimapha aajemjo, thumaam khʉʉnau agdaujo pãach ʉʉin daupii abat. Maagwai chi ʉʉinaujã pãach jaain ipierraa nʉmua am okhonaa agjo am daupii abat.

Filipenses 3:3

Mamʉ par amach iphithur mag wenʉrrawiajã oob am ipierraa amiet. Maach mor ʉ̃rpain ideu sĩi dauchach paar sĩsid awiajã, maach thãarta khaigba sim chan parta i chaainau aju. Mag khãai maachin chad i chaain chaarpama, chadcha ich Ẽwandam Akharau jaau simjo thãraucha irig jeeujeewai. Mag jeeu wenʉrrʉmuata maach onee naajem, Jesucristo maach kõit meebarm gaaimua Ẽwandamau maach ich chaainkha wai sĩewai.

1 Tesalonicenses 5:15

Chikhamnau pãach dʉi khaigba aawai oob ich agjo aju awia am dʉi khaigba amiet. Magju khãai pãach nem waaupierr nem wajapha waujuuta ẽkhabat, pãach wir aigpai maimua thumaam khʉʉn dʉi awiajã ich agjo.

Hebreos 1:14

Mamʉ angelnaan thum sĩi Ẽwandamau nem jajaaukham ipierraa aagta thʉnaawai amag chan irua mag iekhabajim. Jãkhʉʉnan, sĩi ich Ẽwandamau ich dʉi ich mag wenʉrraag maach ich aar phe auju khʉʉn juag oomkhĩir pʉitarr khʉʉnau.

Hebreos 12:25

Magua keena, ĩs Ẽwandamau maachig jaau simjã oob asekasba amiet. Mag ĩs ichdeu maach dʉi iek dee simta warr maach jooin dʉi iek deetarr khãaijã ajapcha sim. Magua pãade ũrbat: Sĩi Moisés maachjo mʉig eegarmkha sĩerrau Ẽwandam iek jaau khitʉm ũrba arr paarjã chi asekasba arr khʉʉn Ẽwandamau sĩi par daúapai ooba am gaai jua khʉaba deejerr khai, ĩs mʉg ʉ̃gtharmua ichdeucha maachig iekha sim asekasba aawaijã oob pãrau mag maachta i jua eemua peerdʉju amiet.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.

1 Juan 5:21

Chaaina, ãbmiecha pãrag jaaukhim: Jãg Ẽwandam iek jaau nʉm anʉmjã Ẽwandam iek chaar khabamʉgta ee apiju ẽkhaajem khʉʉn dʉi khĩir khaphʉ abat. Magdam ajim pãrag jaaum ig chirarr. Ayoo keena, Juan

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 1:9

Mʉʉn pãach khod ar Jesús iek gaaimua pãachjo phithurg au pʉʉrba khitaajemuata pãrag mʉg ẽsap phã deepʉi chirʉm. Mag phithurg aaujeeb mamʉ, ich Jesucristoouta magʉm ãwataagjã juapá deejeewai, magʉmjã igba, phithurg jẽedʉ khitʉmua i aar barwi i khĩir wajaug oo wai chitaju. Ẽwandam iek jaau chitʉm dʉi Jesuu nem wau nʉrrarr mʉch daúacha oojerrta jaau chitʉm gaaimua, mau dojãrr phʉram Patmos anʉm gaai preso chirʉm.

Apocalipsis 12:11

Maimua jẽb gaaijã maach khodamnaanau amach garmuata mag mepeer podbapʉim, corderodamjo ʉdʉraa ich thõopitarr iekta ʉkhawia ag bagauta Ẽwandamag amach khaibag ʉpi nʉmua. Mag nʉm dʉi ĩchab amach dau aphʉʉ khechjujã igba, warag ogkhaba i iekta jaau durrarr gaaimuapata chadcha amach garmua i podpʉijierram.

Apocalipsis 12:17

Magbaawai chará chi mepeer mag õoirjo sĩerr warag chi ʉʉi dʉita meeukha sĩsiwi, jũrr chi chaain ewagam khʉʉn gaaita jua machag deeju awi, warag am dʉi werbʉan petajim. Mag chi chaain ewagam khʉʉn anʉmʉn, ar Ẽwandamau nem jaau sim thum ipierraanaa Jesucristoou chadcharam iek jaautarrjã ʉkhawi agtha ogdʉba ich mag ʉkha wenʉrrʉm khʉʉnau.

Apocalipsis 14:7

Mag irua jaau jorrarr iek mʉg ajim: “Ẽwandam dau na nem khaigbam wauju okho abat. Mag khãai irig jeeunaa iita tho iekhabat. Ya ĩsta irua õor ich aar phe auju wa phe auba warag isegju khãijã amach khĩircha jaauju ed pabaichem. Mʉg edjãjã ompaawi mʉg jẽbjã ompaatarragta jeeubathʉ̃. Ichdeuta ĩchab phũasjã ompaawi jẽb eemua do khumdʉ ober sĩsidʉmjã ompaajim” a jaau jorrajim, ũrr jorromua. Ma nacharamua iek jaau dichtarr ajim.

Apocalipsis 15:4

Señor, ¿khaíuta mʉg thʉnʉm aig pʉ ogkhabaju abarí? ¿Khaíuta bʉ̃ʉrjã pʉrʉg jeeubaju khai? Pʉch appaita bʉ̃ʉrjã pekau chukhu khitaawai durrpierram khʉʉnau beewi ãba pʉrʉgta jeeuju. Ya pua thumaam khʉʉnag jaaubarm, chijã khʉʉnta pua pʉch aar phe auju khʉʉn agá, maimua chijã khʉʉnta pua barkhʉʉiju khʉʉn agá” a aumajierram, meukharau.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.

Apocalipsis 4:10

Mag i tho iekhakhakhampierr mag jooin veinticuatro ohood wejom khʉʉnau i jup sim khĩirphee, “Pʉchta chadcha chi jua thierrau” anaa amach porsir phĩr den jũa narr jua ee auwia irig ʉanaa phõbkhakha aajeejim, mag ichta thõjã thõba warrgarwe ich mag iiu sĩerrʉmʉg jeeuwai.