Apocalipsis 18:3 - Wounaan Meu

³ “Warran iin chadcha jãg ich parhooba deeum gaaijã pʉrpʉr sĩerrarr gaaimua durrpierram khʉʉnta nag denjo thumaa khech wai sim dʉi ichig paa wai sĩejim. Reinaanagjã amach ʉʉi dʉímjo ich dʉita khapes apiwi, nem jua paraam khʉʉnagjã sĩi mag ag ee nem parhooba amachdeu khõchagpierr nem waupi sim gaaimua warag phatkhon paraam khʉʉnag paapʉijim. Mamʉ ich paarmua maagjerrta ĩsin jũrr ichta eegar pabaadem” a jaaumajim.

Woun Meu

³ “Warran hiin chadcha jãg hich parhooba deeum gaaijã pʌrpʌr sĩerrarr gaaimua durrpierram k'ʌʌnta nag dënjö t'umaa k'ëch wai sim dʌ̈i hichig paa wai sĩejim. Reinaanagjã hamach hʌʌi dʌ̈ímjö hich dʌ̈ita k'apes hapiwi, nem jua paraam k'ʌʌnagjã sĩi mag hag hee nem parhooba hamachdëu k'õchagpierr nem waupi sim gaaimua warag p'atk'on paraam k'ʌʌnag paapʌ̈ijim. Mamʌ hich paarmua maagjerrta hĩsin jũrr hichta heegar pabaadëm” ha jaaumajim.

Apocalipsis 18:3 Iomraidhean Croise

San Lucas 7:25

Magan ¿khanim wounta oon wetjierráma? ¿Woun khajũa ajappha jũa simta oojupii awia oon wetjierrá? Pãrau khaphʉ nʉmgui ajim anʉm, khajũa ajapha jũanaa thach biwaa khoojem khʉʉnan sĩi phobor ee di ooimʉm eeta naajem, reinaan dʉi ãba.

1 Timoteo 5:11

Mamʉ ar khoopaa ʉʉin agtha sesenta añojã barba nʉm khʉʉn thʉ̃r chan oob jʉchag pãach ẽsap gaai phãmiet; am agtha kha chaainaa sĩsid aawai eeu deeu ũmaai emkhooin khĩirju phobaadeewai jaai jʉrdukham, Cristo athee nem wau wenʉrrʉm gaaipai wenʉrraju a iekhatarrjã khĩirjuba.

Apocalipsis 14:8

Mag ẽudee deeum Ẽwandam chog agjo ähäag urajim. Magua, Babilonia phoboron ya eegar pabaademta jaau jorrajim. “Ya eegar pajim” a sĩejim, “ar ich denjo durrpierram khʉʉnag parhoob pekau waupiejerr phobor.”

Apocalipsis 17:2

Magnaa mʉrʉg, Mʉg durr gayam reinaanau thumaam khʉʉnau ich ag ʉʉipaita wai khãijierramgui ajim. Maagwai tagam khʉʉn agjo mʉg jẽb gayam khʉʉnjã sĩi mag parhooba saak ʉʉi bag che simjo sĩerr gaaimua ichig paa wai simgui ajim.

Apocalipsis 18:19

Magnaa chadcha amach gaai masi nʉm õrag oomkhĩir, amach por ee jẽb phopʉinaa ʉapeperkham dʉi bĩe nʉmua, “¡Eh! ¡Aay, phobor pooma khitarr! Maar thum phũas ee barco paraam khʉʉn, pʉ gaaimuata chadcha maar riknaanag paaukhajimgui” aju. “Magtarrta jopcha arr ee pʉʉn warreta eegar pabaademgui” aju.

Apocalipsis 18:23

“Pʉʉta jãgbarm chan mʉg atag pawiajã pʉ ee õtdaudam phuu dʉnʉmjã ooba, ni õor jua pʉʉrwai onee serereu aajerr iekjã ũrbam. Pʉ eem nem jua paraam khʉʉnan, chadcha mʉg durr gaai chi jua thierrnaan ajim. Maimua pʉchdeujã pua durrpierram khʉʉn sĩi khũgur wai sĩejim, pʉchdeu nem khaigba wau simta õrau khaugbam gaaimua. Pari mag sĩerrta, ya pʉʉn chadchata eegar pabaademgui” ajim.

Apocalipsis 18:7

Jãg ichdeupai ich thowi parhooba ichdeu khõchagpierr aajerr paar, ich agjo i gaai mas waunaa i dau aug waupibat” ajim. “Iruan ichdeupai ich igwi, ‘Mʉʉn mʉiguin rey ʉʉijota ʉm, mʉ chan khoopaa ʉʉi khabam; mʉg ʉrrʉm chan mʉ chan bʉ̃ʉrjã dau aphʉʉ ʉrrabaju’ a iekhaajem.

Apocalipsis 18:9

Mag phobor orbapäaiwai, reinaan ag ee amach ʉʉin dʉímjo khapes awi parhooba amachdeu ampierr arr khʉʉnau ʉapeperkhamua, i athee bĩeju anaabá, chi naar appai ʉ̃gthaa edjã ee jĩu thʉnʉm oowia.