Apocalipsis 18:1 - Wounaan Meu

¹ Magtarr khur mua oo nʉʉ aawai Ẽwandam chog dewamta ʉ̃gtharmua beem oojim. Mag simʉn ĩchab chi jua thierr aawai nem iek theeg sĩejim. Mag pierrwai jẽben sĩita araraa aadejim, i mor gaaimua.

Woun Meu

¹ Magtarr k'ur mua hoo nʌʌ haawai Hẽwandam chog dewamta hʌ̃gt'armua bëem hoojim. Mag simʌn hĩchab chi jua t'ierr haawai nem hiek t'eeg sĩejim. Mag pierrwai jẽbën sĩita hararaa haadëjim, hi mor gaaimua.

Apocalipsis 18:1 Iomraidhean Croise

San Lucas 17:24

Mʉch chi Emkhooi Iewaa beewain, thumaam khʉʉnauta mʉ oojugui ajim anʉm, ich jãg pagthʉm dau phʉr jẽer athaawai edjã thum arar athaajemjo. Magua õrau mag pãachig ya mʉ barbaichem a jaauwaijã oob ʉkhamiet ajim anʉm.

2 Tesalonicenses 2:8

Mag ideu ʉdʉraa ich beepibaawain chadau mag woun chi khaigbam beewi sĩeicheju; mamʉ par mag khaibag sĩewiajã maach Por Jesuu, sĩi phuasirbapʉimjo, ich ooimʉgau ich jua theeg dʉimua warre thõopʉiju.

Apocalipsis 10:1

Magtarr khur mua oo nʉʉ aawai, Ẽwandam chog dewam nem jua theeg simta ʉ̃gtharmua sĩi jʉʉnthumie bau thʉnʉm eemua beewi, mʉ dakhĩir bʉchaar garm bʉ phũas ee dʉnʉʉunaa bʉwe garm bʉ durr jẽb gaai dʉnʉʉuchejim. Mag simua pirm ich por ʉ̃r wai sĩejim. I khĩir, sĩi edau khĩirjo bʉ̃ʉʉ maach dau khakhaisamjo sĩewai i bʉ sĩi õtdau ʉ̃gthaag uu jẽjẽerkhamjota sĩejim. Ẽsapdam pa gaai pʉʉrthʉ khitʉmjã jua ee wai sĩejim.

Apocalipsis 17:1

Magbaawai Ẽwandam chognaan mag jarr panhapha siete narr eem ãb beewi mʉrʉg, —Pidú mua pʉrʉg oopikhimgui ajim, chi durpathierrmie ar dojã nem pooma bau wejom ʉ̃r oo sim khaibag wauju.

Apocalipsis 17:7

Mag oowia mua khĩirju chirʉʉ paawai chi Ẽwandam chogau mʉrʉg, —¿Khanthee atcha khĩirju sĩma? ajim. Mua pʉrʉg jaaubajup ajim, chijã agá jãg ʉʉi, maimua khai agá ĩchab ar chi mepeer por khapan sietenaa kach khapanjã diez wai simua ich ʉ̃r chi ʉʉi juppi warrum.

Apocalipsis 21:23

Ich Ẽwandamaupaita ich mor gaaimua arar wʉʉ jẽer wai sĩewai mag phobor chan mʉg ãsdawam edaujã chukhu ni edaram edaujã chukhu sim. I lamparaan ĩchab chi Corderodampaiu.