Apocalipsis 16:2 - Wounaan Meu

² Magbaawai chadcha ãbmua petawi ich jarr ee wai sĩerr mʉg jẽb ʉ̃r choopʉijim. Mag choobapäaiwai thum mag mepeer khum chi jojothorjo sim phũas eemua oberchetarr khĩirkha wau simʉg jeeunaa i dauchachjã wai narr khʉʉn gaai ben burrjim. Mag benen mor gaai sĩi phĩedaujo oberdʉtkhabaademta machaaga sĩejim. Mag simuan waragta õor ãrmaajeejim.

Woun Meu

² Magbaawai chadcha hãbmua petawi hich jarr hee wai sĩerr mʌg jẽb hʌ̃r choopʌ̈ijim. Mag choobapäaiwai t'um mag mepeer k'um chi jojot'orjö sim p'ũas heemua höbërchëtarr k'ĩirk'a wau simʌg jëeunaa hi dauchachjã wai narr k'ʌʌn gaai bën burrjim. Mag bënën mor gaai sĩi p'ĩedaujö höbërdʌtk'abaadëmta machaaga sĩejim. Mag simuan waragta hõor hãrmaajeejim.

Apocalipsis 16:2 Iomraidhean Croise

Hechos 12:23

Õrau serereukhamua ichig mamagkhamjã bʉ̃ʉrjã amag iekhaba, warag ʉdʉraa ichigta Ẽwandamagamjo iekhapijim anaabá. Mamʉ magtarr kõit Ẽwandam chogau i bi ee odomie dau daau ompapiwi ich aguapai warag jʉ thʉrrdʉ meejim aajem, chi Erodes.

Apocalipsis 13:12

Mag simua ĩchab ãbakhai phũas eemua oberchetarr jua theeg thumaa ich gaai wai sĩejim. Maguata ich dakhĩir ich iekhau mʉg jẽb gayam khʉʉn thumaam khʉʉnag mag phũas eemua por pom thoop sim oberchetarragta Ẽwandamagamjo jeeupibaawaijã, chadcha i ipierraa jeeu naajim.

Apocalipsis 14:16

Magbaawai chadcha mag jʉʉnthumie bau wejom ʉ̃r oo sĩerrau ich thuthuíu mʉg jẽb ʉ̃r ʉʉrphebarmua waa nemjĩir dau thumaa eeu aujim.

Apocalipsis 14:9

Makhʉʉn ẽudee ya thãrjupam agjo dewam Ẽwandam chog ũrr jorromua magmajim: “Ar jãg phũas eemua mepeer oberchetarragjã jeeunaa sĩi i khĩirkha wau simʉgjã jeeuwi ʉdʉraa amach dag gaai wa jua gaai khãijã i dauchach phãpitarr khʉʉnan

Apocalipsis 16:1

Maimua mua ũurwai mag Aai i jeeujem deg naar jĩu wejom eemuata mag Ẽwandam chognaan siete narr khʉʉnag nem theeg woun iekjo, “Ereubaadewi jãg mʉ khĩir machag jarr siete nʉm ee dojo jojoid thʉnʉm, jẽb ʉ̃r chookhʉʉibamit” ajim ich Ẽwandamaucha.

Apocalipsis 16:11

Mamʉ mamagkhamjã amachdeu nem khaigba wau nʉm chan pʉajojoopaijã khaba aajeejim. Magju khãai chãddauta mor gaai sĩi phĩedaujo dau dap sĩsidʉm machgau, Ẽwandam ʉ̃gthar chiraajem dʉita khujʉrmjo warag parhoobaa irig iekha thʉnʉʉujierram.

Apocalipsis 8:7

Chi nacha sir sĩerrau ich trompeta sirbaadeewai nosegdau dap mokporjo sĩsidʉmta õtkhĩir sĩi bag phuriimjo sĩsidʉm dʉi khʉibaadejim mʉg jẽb ʉ̃r. Magbaawai pabʉ jãrrchapaím khechwi phũakdam phãauraa khekhed arrjã sĩi thumaa phaadubjim.