Apocalipsis 16:10 - Wounaan Meu

¹⁰ Mag khur Ẽwandam chog cincoom beewi, ĩchab ichdeu jarrdam wai nʉrrarr eem mag phũas eemua mepeer oberchetarr juupjem porkhau ʉ̃r choopʉijim. Mag choobapäaiwai irua durr jʉ̃a sĩerrpierr thumaa khĩchag ee joisijim. Magbaawai õor i igar nʉm khʉʉnan gaai machgauta sĩi amach meukhĩirpaijã thetthe khabaadep aajeejim.

Woun Meu

¹⁰ Mag k'ur Hẽwandam chog cincoom bëewi, hĩchab hichdëu jarrdam wai nʌrrarr heem mag p'ũas heemua mepeer höbërchëtarr juupjem pörk'au hʌ̃r choopʌ̈ijim. Mag choobapäaiwai hirua durr jʌ̃a sĩerrpierr t'umaa k'ĩchag hee jöisijim. Magbaawai hõor hi higar nʌm k'ʌʌnan gaai machgauta sĩi hamach meuk'ĩirpaijã t'ett'e k'abaadëp haajeejim.

Apocalipsis 16:10 Iomraidhean Croise

San Mateo 13:42

Mag ãbamʉg jʉr phenaa orno paa dʉnʉmjo sim eeta barkhʉʉiju. Magbaawai mag eeta icharaucha bĩenaa gaai machgau am khierr ujãkkhʉr abarjugui ajim.

San Mateo 13:50

magnaa mag chi ãkhãraam khʉʉn mag orno paa simjo sim ee barkhʉʉipʉiju. Mag barkhʉʉibapäaiwai mamta icharaucha bĩenaa gaai machgau am khierr ujãkkhʉr ajugui ajim, amach khaigba wenʉrrarr jũrr.

San Mateo 22:13

Mag par jeeu ahaukhamjã ich iek ʉkhaba abaawai mes gaai thep paa narr khʉʉnagta, “I bʉ dʉi juapa bʉʉrnaa daaugajãr khĩchag ee barbapʉit” ajim anʉm chi reíu, “i gaai wajaugau icharaucha bĩenaa ich mag agäa agäa sĩerramkhĩir.”

San Mateo 8:12

Pari mag ed pãar chi israelnaanta chadcha Ẽwandam thumaam khʉʉn Porkha sim aar naaju aai nʉmta, pãachdeu ʉkhaba nʉm gaaimua pãachta jũrr khĩmie durr barkhʉʉipʉiju ajim anaabá, amach khĩircha. Mam barkhʉʉibapäaiwaita icharaucha pãar bĩep jẽbʉ abarju. Maigta mamag khaphobaademʉn ich maig ich mag nʉisim iekhau a jaaumajim anaabá.

San Lucas 13:28

Pãrau oowai chadcha pãach daaugajãrpai thʉbagkha nʉisim oobaawai, pãrau icharaucha sereeu oo thʉnʉmua, warag gaai machgaupa ihesse aadephʉmua, pãrau oojugui ajim anʉm: jooi Abrán, Isá, Jacob, maimua tag warrgarwe Ẽwandam i jaaujerr khʉʉn ich dʉi ãba i bigaau onee ohoodo nʉm. Maagwai pãachta khõinaa am mag onee nʉmjo i dʉi wenʉrraju aajerr khʉʉnta pãran ich mag iseg nʉisim iekhaugui ajim anʉm.

1 Pedro 2:17

Agdaujo dich khapeen thumaam khʉʉn respetaabat. Cristo gaaimua pãach khodnaankha thʉnʉm khʉʉnjã daupii abat. Ẽwandamta thumaam khʉʉn khãaijã okho abat, maimua mʉig eegar ichdeu õor chi porkhapi nʉm khʉʉnjã ĩchab respetaabat.

Apocalipsis 11:10

Makhʉʉn numí mag Ẽwandam iek jaau wenʉrrʉm khʉʉn mag mepeer sĩi khanjo simua khechbapʉim abaawai, õor durrpierram khʉʉnta onee ajurau, Ẽwandam i jaau durrum gaaimua amach khajap sĩuba aajerr khʉʉnta ya khechbapäaiwai. Mag onegau jũrr agdaujo chikhamnag regalojã ʉahʉanaa phiestajã wauju.

Apocalipsis 11:2

Mamʉ ar daau gajãrcha õor biirdʉajem weu wejom chan oob chacham ajim, jã sĩi bʉ̃ʉrjã ʉkhaba aajem khʉʉn atheem aawai. Makhʉʉnauta año thãrjup awi jãrr Ẽwandam phobor dʉi sĩi amachdeu ampierr ajugui ajim.

Apocalipsis 11:8

Mag khechpʉiwi, thumaam khʉʉnag ich jua oomkhĩir, maach Por Jesucristo meerphe thõotarr ag phoborjã weug ee amach numwe sĩi eudʉtkha sĩuju. Mag phobor Jerusalenta ich khaibag gaaimua jũrr Sodoma a thʉ̃rnaa ĩchab Egipto gaai thʉ̃r sim, makhʉʉnjã ich agjo khaibag athee thʉ̃rphoo sĩerrjee arr aawai.

Apocalipsis 17:17

Amau mag nʉmʉn, ich Ẽwandamau juau amag magpi sĩewaita mag amachdeu ampierr thʉnaajugui a jaaumajim. Magnaa, Maguata amau amach reinaan appai iekhawi, chi mepeer mag phũas eemua oberchetarragta amach iek theeg thum deejugui ajim, Ẽwandamau ichdeu jaautarrjo ober nʉm ora.

Apocalipsis 17:9

Maimua mʉrʉg, —Wajapha ũrbá, mua pʉrʉg jaaukhimgui ajim chi Ẽwandam chogau: Jãg ãbam mor gaaipai por khapan siete nʉm pua oo sim, jã chi ʉʉi oo sim eegar durrsĩ khapanag siete nʉmta jaau simgui ajim.

Apocalipsis 18:2

Magua thet ähäagmamua mag sĩejim: “¡Ya Babilonia phoboron eegar pajim! Ĩsin ya sĩi pabʉ ee sĩerrjeem khʉʉn diiu; mepeen khaigbam khĩirpierr naajem di anaa pabʉ eem nem maach khoojem khʉʉn diigta pabaadebahab” a sĩejim.

Apocalipsis 18:21

Magbaawai ãb Ẽwandam chog ĩchab nem jua theega simua, mok por pooma sim phũas ee barpʉinaa magjim: “Babilonia, phobor pomaam, pʉʉn cha mua mok barbapʉimjota buudimamgui” ajim.

Apocalipsis 18:23

“Pʉʉta jãgbarm chan mʉg atag pawiajã pʉ ee õtdaudam phuu dʉnʉmjã ooba, ni õor jua pʉʉrwai onee serereu aajerr iekjã ũrbam. Pʉ eem nem jua paraam khʉʉnan, chadcha mʉg durr gaai chi jua thierrnaan ajim. Maimua pʉchdeujã pua durrpierram khʉʉn sĩi khũgur wai sĩejim, pʉchdeu nem khaigba wau simta õrau khaugbam gaaimua. Pari mag sĩerrta, ya pʉʉn chadchata eegar pabaademgui” ajim.

Apocalipsis 8:12

Maimua deeum chi Ẽwandam chog agjo aig sĩerrau ĩchab ich trompeta sirjim. Ma, jayapam ajim. Mag sirbarmua mʉg edau ãsdawam jãrrchapaím thõo auwia, edaram ed argjã jãrrchapaím thõo aunaa, phĩdagjã ĩchab jãrrchapaím dau thõokha aujim, amach wʉʉjemjo wʉʉm ugua. Maimua edau kheubaadeewaijã sĩi athuuchata khĩssu aademua da ãspabajojoomjota aadejim.

Apocalipsis 9:2

Magbaa mag yabmeeu mag ithurm jaaba wejom eem thʉrrdo weeu athaawai, ag eemua orno pomkham eemjo sĩi ʉ̃gthaag naar phʉissi khõrr jĩubaademua edau khĩir gar thʉa joisiewai, warre edaujã khĩssu aadejim.