Apocalipsis 15:1 - Wounaan Meu

¹ Maimua deeu edaujã ee ijaaur maach dauderraa ompa joisijim. Ma, mʉg ajim: Ẽwandam chognaanta siete edjã eemua oberdʉtkhachejim. Makhʉʉnauta ãbmiecha wajappha õor dau aug waupiju khʉʉn ajim. Magbarm dʉi ĩchab ya mag amau nem thumaamua mag chach dichdimaawai Ẽwandam khĩir machagjã ich maigpai meeuju ajim.

Woun Meu

¹ Maimua deeu hedaujã hee hijaaur maach dauderraa hompa jöisijim. Ma, mʌg hajim: Hẽwandam chognaanta siete hedjã heemua höbërdʌtk'achëjim. Mak'ʌʌnauta hãbmiecha wajapp'a hõor dau haug waupiju k'ʌʌn hajim. Magbarm dʌ̈i hĩchab ya mag hamau nem t'umaamua mag chach dichdimaawai Hẽwandam k'ĩir machagjã hich maigpai meeuju hajim.

Apocalipsis 15:1 Iomraidhean Croise

Apocalipsis 10:3

Mag dʉnʉʉuchewi nem iek theeg äaa ajim. Mag äa a simʉn sĩi león puu a sim iekjo sĩejim. Mag irua äa abaawai pagthʉm siete narrauta dʉi i iek ʉkha, äaa ajierram.

Apocalipsis 11:14

Ma, trompeta seim sirtarr õor dau aug wauju jaau sim ajim, biek thãrjup waaur narr eem ya biek numiim. —Mamʉ agtha chacham ãb waaur sim ajim, thãrjupam. Ma nau jopcha oopijugui ajim mʉrʉg.

Apocalipsis 14:10

ichiita Ẽwandam khĩir machag sĩi maach thõojem benenjo simta ãwatab khaba ãwatjugui” ajim. “I khĩir machag mag simta am gaai meubapäaiwai Cordero dakhĩir maimua pekau chukhu ʉ̃gthar nʉm khʉʉn dakhĩirjã õtdau azufre dʉi waaureu wejom eeta jẽerjugui” a sĩejim, “ich mag dau aphʉʉ ag ee õt khierr jẽmer wenʉrramkhĩir.

Apocalipsis 14:19

Magbaawai chadcha mag thuthui jua ee wai sĩerrau mʉg durr ʉ̃r ʉʉrphe, waa uvado nʉnʉid arr eem thumaa thʉrrkha aunaa chi cho piirjʉʉujem ee barkhʉʉipʉijim chi cho piirjʉumkhĩir. Mag chi cho piirjʉumkhĩir a simʉn, maan wajapcharan Ẽwandamau õor gaai jua khʉaba ich khĩir machag meeujuuta jaau sim.

Apocalipsis 16:1

Maimua mua ũurwai mag Aai i jeeujem deg naar jĩu wejom eemuata mag Ẽwandam chognaan siete narr khʉʉnag nem theeg woun iekjo, “Ereubaadewi jãg mʉ khĩir machag jarr siete nʉm ee dojo jojoid thʉnʉm, jẽb ʉ̃r chookhʉʉibamit” ajim ich Ẽwandamaucha.

Apocalipsis 17:1

Magbaawai Ẽwandam chognaan mag jarr panhapha siete narr eem ãb beewi mʉrʉg, —Pidú mua pʉrʉg oopikhimgui ajim, chi durpathierrmie ar dojã nem pooma bau wejom ʉ̃r oo sim khaibag wauju.

Apocalipsis 19:15

Mag cabaai bäpphä sim gaai oberchetarrau durrpierr õor nʉnʉidʉm jua khʉaba pãaukhapʉimaag ich i ee thuthui dee khitʉm wai sĩejim. Ichdeuta mʉg durr thum jʉ̃a wai sim aawai jũrr ich jua jʉmpiba dajẽkta wai sĩsiju. Magbaademua õran sĩi uva cho piirjʉu awaag bʉʉu eeg pibthai nʉmjota aju am gaai. Magnaata amachigpai Ẽwandam thumaam khʉʉn khãaijã ʉ̃rpai sĩerrʉm ag khĩir machag khajapham dojo jarr ee choo wejomta dopipʉimaju.

Apocalipsis 21:9

Maimua Ẽwandam chognaan siete narr khʉʉnau amach pipied agjo jarr siete wai narr ee ãbmiecha agua õor khaibag wauju waiberr khʉʉn eem ãb beewi mʉrʉg, —Mau pidú, mua pʉrʉg oopikhimgui ajim, Cordero ʉʉi paju.

Apocalipsis 8:13

Magbaa mua oo nʉʉ aawai Ẽwandam chogta edjã ee ʉapepergmamua iekha jorrajim. I iekhamatarr mʉg ajim: “¡Eh! ¡Aaay, ĩsin chad! Agtha Ẽwandam chognaan thãrjupam khʉʉnau amach trompeta sirju waaur nʉm. Nau jãkhʉʉnau sirphobaadeewai mʉg jẽb gaai jooba durrum khʉʉnan chadcha aphʉʉta durraju” a iekha jorrajim chi Ẽwandam chogau.

Apocalipsis 8:2

Mag khĩu thʉnʉʉ arr khur mua oowai Ẽwandam chognaanta siete i na dʉnʉnʉid thʉnaajim. Makhʉʉnag siete trompetas deejim, amach pipied ãhãbdo auwi okhar ichdeu jaaumam aig sirmamkhĩir.

Apocalipsis 8:6

Maimuan chad mag Ẽwandam chognaan siete amach pipied trompeta ãhãbdo wai narr khʉʉnau ya siraag paaukhabaadejim.

Apocalipsis 9:20

Mamʉ mag õor pom odubtarr ee chi iiu nʉisierr khʉʉnau amach daúa mag ootarrjã amachdeu mag nem khaigba waaujerr chan bʉ̃ʉrjã pʉabajierram. Mag khãai warag meperagta Ẽwandamagamjo jeeunaa, sĩi nem parhoob phĩr den, phatkhon den, bronce den, mokdau den maimua pa denpa nem oob waunaa, ni iiujã iiuba sĩsid aawai dʉrdʉrjã aba ni amachig jeeu nʉmjã khaugba sĩsidʉmʉgta warag jeeu nʉisijim.