Apocalipsis 13:7 - Wounaan Meu

⁷ Magʉg ĩchab Ẽwandam iek ʉkhawi i chaainkha durrum khʉʉn dʉi werbʉmkhĩirjã jua theega apijim, mag werbʉwi ich garmua am podpʉimkhĩir. Magʉg ĩchab ichta ʉ̃rpai iek theeg apijim mʉg durr gaai õor thumaam khʉʉn dʉi. Magbaawai durrpierram khʉʉn dʉi ichta ʉ̃rpai sĩsijim, thumaam khʉʉn khãaijã.

Woun Meu

⁷ Magʌg hĩchab Hẽwandam hiek hʌ̈k'awi hi chaaink'a durrum k'ʌʌn dʌ̈i wërbʌmk'ĩirjã jua t'eega hapijim, mag wërbʌwi hich garmua ham pödpʌ̈imk'ĩir. Magʌg hĩchab hichta hʌ̃rpai hiek t'eeg hapijim mʌg durr gaai hõor t'umaam k'ʌʌn dʌ̈i. Magbaawai durrpierram k'ʌʌn dʌ̈i hichta hʌ̃rpai sĩsijim, t'umaam k'ʌʌn k'ãaijã.

Apocalipsis 13:7 Iomraidhean Croise

San Lucas 4:6

Mag oopiwia magjim anʉm, chi dosãt garmua irig: —Mua pʉrʉgta durr mʉg wejom dʉi ag gaai nem thʉnʉmpa thum deejugui ajim anʉm, pʉchta thumaam khʉʉn porkhanaa thʉ̃rphoo chirsimkhĩir. Mua mʉchdeu deem khõsim khʉʉnag deeju aai chirʉmgui ajim anʉm, mʉch den aawai.

San Juan 19:11

Magbaawaita jũrr ich Jesús garmua irig, —Ich Ẽwandamauta jãg pʉ iek theeg apiba arr amuan, ĩs pʉ bʉ̃ʉrjã mʉ dʉi iek theeg chukhu chirakhamgui ajim anʉm. Mag pʉchta chi thierr awia mʉ dʉi mag chirʉm gaaimua, pʉchjã dʉi kulp wai chirʉmgui ajim anʉm. Pari ar pʉrʉg mʉ dʉi mʉgamkhĩir õor khaigbamjo mʉ mʉig pʉr waiberr khʉʉnta pʉ khãaijã ʉ̃rʉʉcha kulp paraa nʉmgui ajim anʉm, amachdeu khaphʉ nʉmta mʉ dʉi jãg naawai.

Apocalipsis 10:11

Magbaawai mag chi mʉrʉg ẽsap dee sĩerrau mʉrʉg, —Agtha Ẽwandamau nem waumaju pooma thʉnaawai puajã agjo phãju pooma chirʉmgui ajim, phoborpierr õor meu khĩir pogkhe amach meupierr nʉnʉidʉm ee durrpierr reinaanagpa jawaag.

Apocalipsis 11:18

Durrpierram khʉʉnta pʉ dʉin meeukha thʉnʉm; mamʉ ya pua am gaai pʉch khĩir machag meeuju ed pachejim. Ĩsin chad pua nawe khechtarr khʉʉn khĩircha jaaumamua amachdeu nem waaujerrjo pʉchdeujã am dʉi aju. Ĩsta ĩchab pʉch chogkhanaa pʉch i jaaumien dʉijã wajaphanaa pʉch chaainkha nʉm khʉʉn dʉijã wajapha aju edau, thethem khʉʉn wa sĩi parhoobam khʉʉn awijã ar pʉchig ee aajerr khʉʉn dʉi. Mamʉ ĩchab ĩsta pua ar mʉg jẽb gaai nem ãr nʉm khʉʉnjã opʉiju edau” anaajim, irig ee nʉmua.

Apocalipsis 11:7

Maimua mag año thãrjup awi jãrr Ẽwandam iek jaau wenʉrrʉʉ awi, thum jaau aaipabaadee, mag ierr ithurm wejom ee thʉrrdo sim eemua mepeer sĩi jãgaamjo sim oberchewi, am dʉi werbʉchewi, ich garmuata am podpʉiwia am khechpʉiju.

Apocalipsis 12:17

Magbaawai chará chi mepeer mag õoirjo sĩerr warag chi ʉʉi dʉita meeukha sĩsiwi, jũrr chi chaain ewagam khʉʉn gaaita jua machag deeju awi, warag am dʉi werbʉan petajim. Mag chi chaain ewagam khʉʉn anʉmʉn, ar Ẽwandamau nem jaau sim thum ipierraanaa Jesucristoou chadcharam iek jaautarrjã ʉkhawi agtha ogdʉba ich mag ʉkha wenʉrrʉm khʉʉnau.

Apocalipsis 17:15

Maimua deeu mʉrʉg magjim, chi Ẽwandam chogau: —Ar pua jãg chi durpathierrmie oo sim eegar dojãjo nem pooma bau wejom oo sim chan, dojã chaar khabam. Jãan õor khapanagta jãg thʉnʉmgui ajim, durrpierram khʉʉn amach meupierr meu khĩir pogkhe.

Apocalipsis 5:9

Makhʉʉn jooin mag thʉkhokhood thʉnʉmua chi Cordero thumeukharmamua meukhaar iiurta au naajim. Amau meukhaar au narr mʉg ajim: “Pʉchdeupaita ãba jãg ẽsap jua ee auwi chi khaar sĩsidʉmjã thʉrreu werbaju aai sim, pʉchta thumaam khʉʉn kõit ʉdʉraa pʉch thõopitarr aawai. Pʉch thõo nʉm aig bag ãrtarrauta pua õor durrpierram khʉʉn amach meupierr Ẽwandam athee perkha aujim.