Apocalipsis 13:16 - Wounaan Meu

¹⁶ Mamʉ magpaijã khabajim. Mag ich khĩirkha wau sĩerr iiupi athaawai thumaam khʉʉnag ich dauchachta jua gaai wa dag gaai khãijã phãkhapi jaaujim. Chaaindam bʉ̃rʉʉmdam gaai, ya dʉrrcharam khʉʉn gaai, phatkhon paraam khʉʉn gaai, dau aphʉʉm khʉʉn gaai, sĩi chikham chogkha sĩsidʉm khʉʉn gaai, chikham chog khaba amach khõchagpierr nʉrrjeem khʉʉn gaaijã, thumaa mag dauchachta ʉdʉraa amach gaai phãkhapi jaaujim.

Woun Meu

¹⁶ Mamʌ magpaijã k'abajim. Mag hich k'ĩirk'a wau sĩerr hiiupi hat'aawai t'umaam k'ʌʌnag hich dauchachta jua gaai wa dag gaai k'ãijã p'ãk'api jaaujim. Chaaindam bʌ̃rʌʌmdam gaai, ya dʌ̈rrcharam k'ʌʌn gaai, p'atk'on paraam k'ʌʌn gaai, dau hap'ʌʌm k'ʌʌn gaai, sĩi chik'am chogk'a sĩsidʌm k'ʌʌn gaai, chik'am chog k'aba hamach k'õchagpierr nʌrrjëem k'ʌʌn gaaijã, t'umaa mag dauchachta hʌdʌraa hamach gaai p'ãk'api jaaujim.

Apocalipsis 13:16 Iomraidhean Croise

Hechos 26:22

Mamʉ ʉu Ẽwandamau mʉ eeg oowia agtha monakha i iek jaau pʉʉrba chitʉmgui ajim aajem, thumaam khʉʉnag. Chi thethem khʉʉnagjã jaaunaa ĩchab sĩi parhoobam khʉʉnagjã jaaujem. Mua mag jaaujemʉn, warrgarwe Ẽwandam i jaaumienau Moisés dʉimua jaauwai ĩs ewag paawai maach ee mag nem oomaju aajerrta muajã amag jaaujemgui ajim anʉm. Mag tag mua nem khĩethuu amag jaauba chitʉmgui ajim anʉm.

1 Corintios 12:13

Judionaan wa judionaan khabam khʉʉn, sĩi chikham chognaan wa amach cuenta nʉrrjeem khʉʉnpa maachin thum ãba ãbam Ẽwandam Akhaar auwiata por choo nʉm, mag i Akhaar athaawai maach thumaam khʉʉnag Cristo mor ãbpai obeer aumkhĩir. Magua mʉg maach khapan thʉnaab mamʉ, ãbam Akhaarpaita wai naawai chadcha maachta Cristo morkha nʉm.

Gálatas 3:28

Mag naawai ya ĩs chan ãbmuajã, “Mʉʉn judioou” wa “Mʉ chan judío khabam” ajujã khaba, ni chikham chog wa chikham chog khabamjã aba, ni “Mʉʉn emkhooi aawai ʉʉi khãaijã mʉchta ʉ̃rpai chirʉm” ajujã khabam. Pãran thum Cristo denkha naawai õor ãbpaimjota nʉm.

Gálatas 6:17

Keena, mʉ ajim mua pãrag jaaum ig chirarr. Mʉigmua atag chan ni ãbmuajã tag mʉchig mag dich khakhua dauchachpi jaau nʉm iek igpimapha chirʉm. Magʉm dauchachta igju khãai, Cristo iek jaau chitʉm gaaimua õrau mʉ pʉrnaa wʉ wai nʉmua pedphemarrta mʉch mor gaai chadcha dauchachjo wai chitʉm. Jãgʉm oo nʉm gaaimuata õrau khaphʉ aju aai nʉm, mʉ chadcha i chogkha chitʉm.

Efesios 6:8

Ya pãrau khaphʉ nʉm, mʉig eegar aawai sĩi chikham chog wa chikham chog khaba arr awiajã, mʉg atag paawai dichdeu nem ajapha waaujerrpierr maach Por Cristooujã maach dʉi ich agjo aju.

Colosenses 3:11

Pãar mag naawai ni ãbmuajã ich ajaug thoju khaba sim: judioou wa judío khabamua, meheu thʉʉ simua wa thʉʉba simua, chi durrkhʉʉu wa durr chaauramua, agtha chikham chogkha simua wa chikham chog khaba simua, chi khapcha simua wa khaugba simua, ni ãbmuajã maata iwiir ãb ʉ̃rpai sim aju khaba sim. Magʉmta khĩirjuju khãai dichdeu Cristo wai simta nem thum thʉnʉm khãaijã ʉ̃rpai sim khaphʉnaa ichpaita ĩchab thum ich iek ʉkha nʉm khʉʉn ee sĩejemjã khap aju aai nʉm.

2 Timoteo 3:8

Ich jãgta ajierram warrgarjã benkhʉʉn Janes aajerrau ãb agjo Jambres aajerr dʉimua. Moiseeu Ẽwandam iek jaau khitaawai jũrr makhʉʉnau warag i ichaaur ajierram. Ĩsjã ich agjota nʉm. Ar jãg nem khaigba jaau wenʉrrʉm khʉʉnan sĩi warag khĩirjug memerkhomjota sĩsidʉm. Mag gaaimua jãgʉm khʉʉnan ya chi okhoomta nʉm, Ẽwandam iek ʉkhaba naawai.

Apocalipsis 11:18

Durrpierram khʉʉnta pʉ dʉin meeukha thʉnʉm; mamʉ ya pua am gaai pʉch khĩir machag meeuju ed pachejim. Ĩsin chad pua nawe khechtarr khʉʉn khĩircha jaaumamua amachdeu nem waaujerrjo pʉchdeujã am dʉi aju. Ĩsta ĩchab pʉch chogkhanaa pʉch i jaaumien dʉijã wajaphanaa pʉch chaainkha nʉm khʉʉn dʉijã wajapha aju edau, thethem khʉʉn wa sĩi parhoobam khʉʉn awijã ar pʉchig ee aajerr khʉʉn dʉi. Mamʉ ĩchab ĩsta pua ar mʉg jẽb gaai nem ãr nʉm khʉʉnjã opʉiju edau” anaajim, irig ee nʉmua.

Apocalipsis 15:2

Mag khur mua oojim ĩchab, phũasta sĩi vidrio denjo sim igaau Ẽwandamau amachig sirmkhĩir arpa deetarr dʉi ag panhapha õor dʉnʉnʉid thʉnʉm. Makhʉʉn mag mepeer khum chi jojothorjo sim phũas eemua oberchetarragjã jeeuba, ni i khĩirkha wau simʉgjã jeeuba, ni i thʉ̃r ni i dauchachjã ʉdʉraa amach gaai phãpiba arr gaaimua mag mepeer amach garmua podtarr khʉʉn ajim.

Apocalipsis 19:18

Pãar atheen thʉnʉm: reinaan mod, soldaaun porkhanaa emkhooinkha thʉnarr khʉʉn mod, cabaai mod, mag cabaai gaai nʉrrjee arr khʉʉn mod, maimua thumaam khʉʉn mod. Õor sĩi chikham chogkha nʉrrjee arr khʉʉn mod, maimua chikham chogkhaba sĩi amach khõchagpierr nʉrrjee arr khʉʉn modjã agjo thʉnʉmgui ajim. Magnaa, ¡Khobat, jã pãar atheemʉugui! a jaaujim, nemchaainag.

Apocalipsis 19:20

Mamʉ magbaadem ee chi mepeer mag phũas eemua oberchetarr preso sĩsijim. Mag preso sĩsim dʉi ãbakhai chi seukha nem jaau nʉrraajerrjã agjo pʉr auwi, dʉi ĩchab preso sĩsijim. Ich mag seukha nem jaaumieuta mag khumjo sim phũas eemua oberchetarr dakhĩir õrau nem ooba aajempa wau nʉrrʉm gaaimua õor khũgur aumaawai, ʉdʉraa amach gaai mag phũas eemua oberchetarr ag dauchachjã amach gaai phãpiwi i khĩirkha wau simʉgjã Ẽwandamagamjo jeeujierram. Mag amach numwe pʉrkha auwi, ich jãg thõojã thõoba iiu sĩsidʉmta thʉrrdo ee azufre õtdau dʉi waaureu uu wejom ee barkhʉʉipʉijim.

Apocalipsis 19:5

Makhʉʉnau magbaawai ĩchab mag Ẽwandam khu juupjem pom sim aarmuajã õor iekjo, “Maach Ẽwandamta thobathʉ̃” a sĩejim, “pãach thum ar i okhonaa i chogkha nʉm khʉʉnau. Jooinaujã i thonaa chaainaupa iita thobat” a sĩejim.

Apocalipsis 20:12

Õor nawe khechmarr khʉʉnjã Ẽwandam khĩirphee bʉjãaupai dʉnʉnʉid thʉnʉm mua oojim, mʉg jẽb gaai aawai chi thierrnaan arr khʉʉnpa. Mag ich khĩirphee õor phʉʉrbaadem dʉi, aig libro thʉnarr gaai eeureutkha oopijim. Mag eeureutkha oopiwiata mag libro thʉnarr gaai phã sĩsid arrjo thumaa mʉg jẽb gaai aawai amachdeu nem waumatarrpierr am dau aphʉʉ aju jaaumajim. Pari magaagan, khech nʉm khʉʉn akhaar naajem aarmuajã thumaa Ẽwandam dakhĩir oberchejierram, phũas ee khãijã okhoowi khechtarr khʉʉnpa. Mag thum ãbam aig nʉisiewaita, chadcha am dʉi Ẽwandamau amachdeu nem waumaajerrpierr ajim. Mamʉ deeum libro sĩejim ĩchab; mag gaaita thʉnʉm, õor ich mag iiu wenʉrraju khʉʉn thʉ̃r.

Apocalipsis 20:4

Maimua khu juupjem khapan thʉnʉmjã mua oojim. Ag gaai ohood aphobaadejim, amach garmua warm khʉʉn khaibag waumkhĩir wa am kõit khãijã iekhamkhĩir ich Jooirau iek theeg apitarr khʉʉn. Ĩchab maig naajim, Jesucristoou Ẽwandam iek jaautarr ʉkhawia jũrr amach paarmua jaau durrum gaaimua chikhamnau o thʉrrphe khechtarr khʉʉn akhaar. Makhʉʉnta ĩchab mag phũas eemua khum chi jojothorjo sim oberchetarragjã jeeuba ni amach dag gaai wa jua gaai khãijã i thʉ̃r phãpiba arr khʉʉnau. Makhʉʉnta deeu iiu nʉisiwi Cristo dʉi ãba mil años chi pornaankha nʉisijim.

Apocalipsis 6:15

Mʉg durr gayam reinaanjã mag oobaa, ãaur khʉʉn jẽb degjã ierr paaukhamaawai, ãaur khʉʉn durrbʉ ee mokpor dapagkham eegarjã dubjierram, daumeerwai. Mamʉ makhʉʉn appaijã khabajim. Ich agjo daumerjierram ĩchab, chi daphʉm khʉʉn, soldaaun pornaan, riknaan, chi jua thierrnaan, sĩi chikham chogkha par phidkha sĩsid arr khʉʉnpa; thumaam khʉʉn ich agjoo daumerjierram, jãphierr nʉm iekhau.

Apocalipsis 7:3

“Ẽwandam iek jaau wenʉrraju khʉʉn dag gaai marau agtha ich Ẽwandam dauchach phãkhaba nʉwe chan, oob jʉchag mʉg jẽb, mʉg phũas, ni pabʉjã khaibag waumiet” ajim amag.