Apocalipsis 12:7 - Wounaan Meu

⁷ Maimua magtarr khur edjã ee juurhi phiidʉjim. Ʉ̃gtharm Ẽwandam chog Miguel anʉmta tagam ich khapeen agjo Ẽwandam chognaan dʉimua jũrr mag mepeer õoirjo simta sĩi por khapan sim dʉi werbʉ naajim. Mag õoirjo sim igar nʉm khʉʉnjã agjo khapan thʉnaajim.

Woun Meu

⁷ Maimua magtarr k'ur hedjã hee juurhi p'iidʌjim. Hʌ̃gt'arm Hẽwandam chog Miguel hanʌmta tagam hich k'apeen hagjö Hẽwandam chognaan dʌ̈imua jũrr mag mepeer hõoirjö simta sĩi pör k'apan sim dʌ̈i wërbʌ naajim. Mag hõoirjö sim higar nʌm k'ʌʌnjã hagjö k'apan t'ʌnaajim.

Apocalipsis 12:7 Iomraidhean Croise

San Mateo 13:41

Mag ed mʉch chi Emkhooi Iewaau mua mʉch chognaan pʉijugui ajim, sĩi bigaaum khʉʉnagjã pekau waupinaa amachdeupa nem khaigbam wau sĩerrjeem khʉʉn thum ãbamʉg jʉr phemkhĩir.

San Mateo 16:27

Mʉgnaa mʉ Ayau mʉg durr i agkham edjã mʉchta ichdeu jua theeg deetarr dʉi i chognaan angelnaanpa beewi, mʉig eegar amach nem waaujerrpierr aju am dʉi: chi nem wajapha waaujerr khʉʉn dʉijã ich agjo maimua nem khaigba waaujerr khʉʉn dʉijã ich agjo.

San Mateo 24:31

Mag urumua mʉch chognaanag nem jẽbag churo iekjo trompeta sirpijugui ajim, mag sirbarmua mʉchdeu jʉr auwia mʉch iek ʉkhatarr khʉʉn thumaa durrpierram khʉʉn ãbam aig biirdʉ awaag.

San Mateo 25:41

Warm khʉʉnag mag iekhawi ichdeupai jũrr mag chi khaigbam khʉʉn ich juawe gar nʉm khʉʉnag, “Jopai mʉ aigmua chawag ereubaadet” aju anʉm. “Pãar mʉ Ayau chi maldisiem khʉʉn aawai pãadeu khĩmie durr mepeer ich chognaan dʉi sĩemkhĩir wautarr aarta ereubaadet” aju anʉm, “õtdau uu wejom thõojã khaugba ich mag sĩerrʉm ee naaimaag.”

San Mateo 26:53

Mua mʉch chig apibaju akhiin, mʉch Ayag jeeubaawai irua mʉ thʉamkhĩir Ẽwandam chognaan pooma milam khʉʉn apha doce ejércitos khãijã deepʉijugui ajim.

2 Corintios 12:7

Mag Ẽwandamau ichdeu mʉchig nem oopitarr gaaimua wir aig mʉchdeupai mʉch thom uguata juau ogthomjo ʉdʉraa dosãtag mʉ dʉi mʉgpiwi miuta khagthʉgpʉpʉikhamjo agua dau aphʉʉ chitaajem.

Efesios 6:12

¿Khan jãgwi mua mag chirʉ́? Mʉg nʉm aig sĩi dichjom khʉʉn dʉita werbʉba naawaima. Maachin sĩi mepeen chi khaigbam edjã eem magwe thʉnʉm dʉita werbʉ nʉm. Makhʉʉnauta mʉg durr ich khaibagau khĩsumjo simjã khaphʉnaa, iek theegnaa amachta ʉ̃rpai thʉnʉm.

2 Tesalonicenses 1:7

Magnaa pãach chi dau aphʉʉ durrum khʉʉnta mʉg atag maach Por Jesús sĩi õtdau uu thʉnʉm ee ich chognaan chi jua thierrnaan dʉi ʉ̃gtharmua beewai maach thum ãba jua ʉ̃ipiju.

Hebreos 2:10

Nem thʉnʉmʉn thum Ẽwandamau ompaatarrau ich athee, ichdeu ig sĩerrjo amkhĩir. Mamʉ mag ʉ̃rcha ichdeu ig sĩerran, õor pom ich chaainkha auwi ich aar phe awaag ajim. Magaag athee irua ʉdʉraa ich Iewaa Jesuuta dau aphʉʉ apijim, mag aphʉʉ abarm gaaimua ʉu am peerdʉajemkha sĩsiewai ichdeuta Ẽwandam aar õor oberpiejem khamkhĩir.

2 Pedro 2:4

Am khãai ich chognaan ʉ̃gthar ich dʉi ãba naajerr khʉʉnjã irua perdonaabajim aajem, pekau ee burrwai. Perdonaaju khãai warag ich aarmua khĩmie durr barkhʉʉipʉiwi ich mam khĩchag eeta cadenau jʉ̃kha wai sim anaabá, ichdeu mʉg durr i agkham ed “Mam ich mag nʉisiju” amachigcha jawaag.

Judas 1:9

Pari am khãai Ẽwandam chognaan por Arcángel Miguel aajemuajã, Moisés meebaadeewai, i mor athee mepeer dʉi jũrr chikham ipeer ahau khaawaijã bʉ̃ʉrjã irig khaigbajã iekhaba, sĩi warag “Pʉch mʉ dʉi jãg chirʉm paar nau Ẽwandamauta pʉrʉg meeurrau sĩujugui” ajim.

Apocalipsis 12:8

Mamʉ chi angelnaanau amach garmua chi mepeer podbapäaiwai chi mepeer warre ich khapeen dʉi ʉ̃gtharmua jʉr werppʉijim.

Apocalipsis 12:9

Magta chadcha chi mepeer mag õoirjo sim ich khapeen ich igar thʉnarr khʉʉn dʉi ãba ʉ̃gtharmua mʉg jẽb gaai barkhʉʉipʉijim. Ich mag mepeerpaita warrgarwe nemkhõr gaai thʉ̃rnaa ĩchab Satanás a thʉ̃ʉrjem, durrpierr õor thumaam khʉʉn khũgurmie, ajapcharan dosãtma.

Apocalipsis 13:7

Magʉg ĩchab Ẽwandam iek ʉkhawi i chaainkha durrum khʉʉn dʉi werbʉmkhĩirjã jua theega apijim, mag werbʉwi ich garmua am podpʉimkhĩir. Magʉg ĩchab ichta ʉ̃rpai iek theeg apijim mʉg durr gaai õor thumaam khʉʉn dʉi. Magbaawai durrpierram khʉʉn dʉi ichta ʉ̃rpai sĩsijim, thumaam khʉʉn khãaijã.

Apocalipsis 20:2

Mag beewia, mag nem pom õoirjo sim pʉr athaichejim. Mag õoirjo simta warrgarwe “nemkhõr” a thʉ̃ʉrjem; ich arpai ĩchab mepeer a thʉ̃rnaa Satanás a thʉ̃ʉrjem. Mag pʉr auwi mil años sĩi ibʉʉr sĩujim.