Apocalipsis 12:3 - Wounaan Meu

³ Mag ʉʉi oberchetarr khur deeum ijaaur edjã ee oberjim. Mag ijaaur jũrr mʉg ajim: Õoirjo nem pooma sĩi phurii simta ãbam gaaipai por khapan siete nener simpierr porsir panhappha sĩejim. Mag simʉn ĩchab kach khapanjã jʉjʉrʉr diez wai sĩejim, phak kachjo sĩsidʉm.

Woun Meu

³ Mag hʌʌi höbërchëtarr k'ur deeum hijaaur hedjã hee höbërjim. Mag hijaaur jũrr mʌg hajim: Hõoirjö nem pöoma sĩi p'uríhi simta hãbam gaaipai pör k'apan siete nener simpierr pörsir panhapp'a sĩejim. Mag simʌn hĩchab kach k'apanjã jʌjʌrʌr diez wai sĩejim, p'ak kachjö sĩsidʌm.

Apocalipsis 12:3 Iomraidhean Croise

Apocalipsis 12:1

Maimua edaujã ee ijaaur oberjim, Ẽwandamau ich jua theeg oomkhĩir pʉitarr. Mag ijaaur obertarr mʉg ajim: Ʉʉirauta sĩi ãsdawam edauta khajũajo jũanaa jũrr edaram edau arg gaai oo dʉnʉm edjã eemua oberchejim. Ich mag ʉʉirau porsir jũa sim gaai phĩdag sĩi docen ãb phuphup sĩejim.

Apocalipsis 12:13

Ya mag chi meperau ich mʉg jẽb gaai barapʉim oobaawai khĩir machgau jũrr mag ʉʉi chaai emkhooi ootarr ẽudeeta ẽkhabaadejim.

Apocalipsis 12:17

Magbaawai chará chi mepeer mag õoirjo sĩerr warag chi ʉʉi dʉita meeukha sĩsiwi, jũrr chi chaain ewagam khʉʉn gaaita jua machag deeju awi, warag am dʉi werbʉan petajim. Mag chi chaain ewagam khʉʉn anʉmʉn, ar Ẽwandamau nem jaau sim thum ipierraanaa Jesucristoou chadcharam iek jaautarrjã ʉkhawi agtha ogdʉba ich mag ʉkha wenʉrrʉm khʉʉnau.

Apocalipsis 12:4

Mag simua dur phis a thũaphebaraau warre edjã eem phĩdagjã jãrrchapaím mʉg durr ʉ̃r thũphãau sĩujim. Magwi mag ʉʉi chaai awaag bi machkha sĩerr khĩirphee nʉ sĩsijim, ich dakhĩir athaawai ag bʉrre chi chaaidam khopʉyaag.

Apocalipsis 12:7

Maimua magtarr khur edjã ee juurhi phiidʉjim. Ʉ̃gtharm Ẽwandam chog Miguel anʉmta tagam ich khapeen agjo Ẽwandam chognaan dʉimua jũrr mag mepeer õoirjo simta sĩi por khapan sim dʉi werbʉ naajim. Mag õoirjo sim igar nʉm khʉʉnjã agjo khapan thʉnaajim.

Apocalipsis 12:9

Magta chadcha chi mepeer mag õoirjo sim ich khapeen ich igar thʉnarr khʉʉn dʉi ãba ʉ̃gtharmua mʉg jẽb gaai barkhʉʉipʉijim. Ich mag mepeerpaita warrgarwe nemkhõr gaai thʉ̃rnaa ĩchab Satanás a thʉ̃ʉrjem, durrpierr õor thumaam khʉʉn khũgurmie, ajapcharan dosãtma.

Apocalipsis 13:1

Makhʉʉn dʉi werbʉagta mag chi õoirjo simua sĩi phũas igaau nʉ dʉnʉisijim. Maimua mua oowai mepeer pom sĩi ãbam gaaipai por khapan siete nenernaa kach khapanjã diez jʉjʉr simta phũas eemua mʉ dakhĩraa oberchejim. Mag phak kachjo jʉjʉr sĩsidʉmpierr porsir jũakhanaa ĩchab mag por khapan nener sĩsidʉm gaaijã Ẽwandam igwi parhoobata phã sĩsid ajim.

Apocalipsis 13:2

Mag mepeer phũas eemua oberbaichem mua ootarr, sĩi khum chi jojothorjo sĩejim. Mamʉ mag simta jũrr chi bʉ, jos bʉkhanaa, i i, león ikha sĩejim. Mag simʉg mag ãbakhai sĩi õoirjo sĩerrau ich jua theeg deebaawai ichjo iek theeg apijim.

Apocalipsis 13:4

Magphobaademua warag mag õoirjo simʉgta Ẽwandamagamjo jeeujierram, mag ãbakhai phũas eemua oberchetarrag ich jua theeg deetarr jũrr. Mamʉ mag khumjo simʉgjã ĩchab Ẽwandamagamjo jeeumamua, “¿Khaita magan jãg mepeerjo jua theegnaa emkhooikha sĩ, i dʉi jãwaag?” a iekhamajierram.

Apocalipsis 15:1

Maimua deeu edaujã ee ijaaur maach dauderraa ompa joisijim. Ma, mʉg ajim: Ẽwandam chognaanta siete edjã eemua oberdʉtkhachejim. Makhʉʉnauta ãbmiecha wajappha õor dau aug waupiju khʉʉn ajim. Magbarm dʉi ĩchab ya mag amau nem thumaamua mag chach dichdimaawai Ẽwandam khĩir machagjã ich maigpai meeuju ajim.

Apocalipsis 16:13

Maimua mua oowai, mag nacha mepeer õoirjo sĩerr i eemua jʉcheumiejo sim oberwi, ãbakhai khum chi jojothorjo sĩerr i eemuajã oberwi, maimua ãbakhai chi seukha nem ĩgkhamie kach numpai cordero denjo jʉjʉr sĩerr ag i eemuajã agjo jʉcheumiejoo khitʉm oberjim.

Apocalipsis 17:12

Maimua mag jajawagmamua, —Mag chi mepeer kach khapan diez jʉjʉr sĩerrau ĩchab chi kach khapanagpierr agjo reinaan diez nʉmta jaau simgui a jaaumajim mʉrʉg chi Ẽwandam chogau. Makhʉʉnau agtha bʉ̃ʉrjã gobernaaba nʉm. Mamʉ Ẽwandamau amag mag chi mepeer phũas eemua oberchetarr dʉi iek theeg apijugui ajim, sĩi khũchpaim athee.

Apocalipsis 17:16

Maagwai ar phũas eemua mepeer pom sim oberchetarr gaai kachjo khapan jʉjʉr diez thʉnʉmjã, i kach chaar khaba, jãkhʉʉnan reinaan i dʉi ãba mʉg durr gobernaaju khʉʉnaugui ajim. Ich jãkhʉʉnaupai jãg chi ʉʉi chi durpathierrmie oomaug aphobaademua i khaibag wawaag i ẽudeejã ẽkhaju. Maimua i jua eem nemjã khechthʉgwi, ich ap barpʉawi, i dijã orpʉijugui ajim.

Apocalipsis 17:7

Mag oowia mua khĩirju chirʉʉ paawai chi Ẽwandam chogau mʉrʉg, —¿Khanthee atcha khĩirju sĩma? ajim. Mua pʉrʉg jaaubajup ajim, chijã agá jãg ʉʉi, maimua khai agá ĩchab ar chi mepeer por khapan sietenaa kach khapanjã diez wai simua ich ʉ̃r chi ʉʉi juppi warrum.

Apocalipsis 19:12

Mag sim dau oowain, sĩi õtdau khĩirjota nem dapag phuphup sĩsid ajim. Ich por gaai porsir khapan paarnaa ĩchab ich gaai ich thʉ̃rjã phã wai sĩejim. Mamʉ mag thʉ̃r chan bigaaum khʉʉnaujã khaugba, ãba ich chi warrum khʉʉupaita khaphʉ sĩejim ich thʉ̃r.

Apocalipsis 20:2

Mag beewia, mag nem pom õoirjo sim pʉr athaichejim. Mag õoirjo simta warrgarwe “nemkhõr” a thʉ̃ʉrjem; ich arpai ĩchab mepeer a thʉ̃rnaa Satanás a thʉ̃ʉrjem. Mag pʉr auwi mil años sĩi ibʉʉr sĩujim.