Apocalipsis 12:10 - Wounaan Meu

¹⁰ Magbaawai angelnaanta sereubaadem mua ũrjim. Mag sereubaademua mag naajim: “Ĩsta ya õor peerdʉju ed pabaichem. Mʉg durr gayam jua theeg thum jũrr maach Ẽwandam deneu. Maach Por Cristo ichdeucha jʉr autarrjã warag atcha iek theegta sĩsim. ¿Khan jãgwi? Edaram magwe maach hermanonaan eugar Ẽwandamag seukha nem ĩgkha nʉrraajerr ʉ̃gtharmua isegbapäaiwaima.

Woun Meu

¹⁰ Magbaawai angelnaanta sereubaadëm mua hũrjim. Mag sereubaadëmua mag naajim: “Hĩsta ya hõor peerdʌju hed pabaichëm. Mʌg durr gayam jua t'eeg t'um jũrr maach Hẽwandam dënëu. Maach Pör Cristo hichdëucha jʌr hautarrjã warag hatcha hiek t'eegta sĩsim. ¿K'an jãgwi? Hedaram magwe maach hermanonaan hëugar Hẽwandamag sëuk'a nem hĩgk'a nʌrraajerr hʌ̃gt'armua hisegbapäaiwaima.

Apocalipsis 12:10 Iomraidhean Croise

San Mateo 26:64

Magbaa Jesuu irig, —Pua khabá ag eyaa jaaubapʉim ajim anʉm. Mʉ cha iekha chirʉm iekhau mʉg woun Emkhooi Iewaa Ẽwandam chi jua thierr bigaau i juachaar gar oo sim pãrau pãach daujãau oowi edjã baug ee urumjã oojurau a iekhajim aajem, aig narr khʉʉn dakhĩir.

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

San Mateo 6:10

Pʉrʉgta marau maach dʉi pʉchdeu ampierr apinaa pʉchta thumaam khʉʉn Porkhapim khõsi nʉm. Ʉ̃gtharjã jãg pʉchdeu nem waupi jaau nʉm appai waaujemjo, mʉig eegarjã thum pʉchdeu jaau simjota apim khõsi nʉm.

San Lucas 11:2

Magbaawai ichdeu amag magjim aajem: —Pãach Ẽwandamag jeeuwai magbat: “Ẽwandam, pʉʉta maar Aai ʉ̃gthar chiraajemʉu. Pʉch appaita chadcha pekau chukhu chitʉm. Pʉrʉgta marau maach dʉi pʉchdeu ampierr apinaa pʉchta thumaam khʉʉn Porkhapim khõsi nʉm. [Ʉ̃gtharjã jãg pʉchdeu nem waupi jaau nʉm appai waaujemjo, mʉg jẽb gaaijã thum pʉchdeu jaau simjota apim khõsi nʉm.]

San Lucas 22:31

Maimua ĩchab magjim aajem maach Por Jesuu Simonag: —Simón, dosãtau Ẽwandamag jeeu wai simgui ajim anʉm, pʉ dʉi ichdeu ampierr awia pʉ dau aug waupieg.

1 Corintios 5:4

Pãar cha mua jaau chirʉm iek iekhaag ãba biirdʉawai khĩircha chan pãar aar khaba chirajup mamʉ mʉ akharan pãar aar sĩeju. Mag mʉchta pãar aar chirʉmjo chirʉm dʉi ĩchab maach Por Jesús i jua theegjã pãar dʉi sĩeju.

2 Corintios 12:9

Pari mag ichig jeeuwai warag sĩi mʉrʉg, “Mʉ pʉ dʉi ogdʉba chitabahab, mua pʉ khõsi chitʉm. Jãg kha thũumjo nʉm gaaimuata mʉch juapá õrag oopiba aajeeb” a iekhaajem Ẽwandamau. Ichdeuta mʉ mag wai sĩewai ʉuta jãg mʉ serbiiba chitʉm, mʉch mag chitʉm gaaimua warag Cristo jua theegta õrau ooju aawai.

Tito 2:3

Ich agjo ũanaanagjã chadcha Ẽwandam iekpai ʉkhanaa irigpai jeeujem khʉʉnjota wenʉrrapi jaaubá, seunem nem ĩgkha nʉrrjee khaba, nag pigjã khaba. Magju khãai amag agpierraata wenʉrrapi jaaubá, chaainpaim khʉʉnau mag oowai amjã ich agjota wenʉrraju aai nʉm a khap amkhĩir.

1 Pedro 5:8

Khĩir khaphʉ abat: Meperan khumau nem pʉr aum ig sim aig sĩi jĩerrbʉgthʉ aadephʉmjota sim maach bigaau, maach pekau ee burrpiju ẽkhaawai.

Apocalipsis 11:15

Mag dau ãb waaur sim atarr aawai chadcha ĩchab deeum Ẽwandam chogau chi ãbmiecharam ich trompeta sirjim. Ma, sieteem ajim, ãbmiecharam. Mag sirbaadeewai ʉ̃gthar sĩi õor iekjo sereubaademua mag naajim: “Mʉg durran thumaa maach Por Ẽwandamaujã jʉ̃anaa, ichdeucha jʉr auwi maach Porkhapitarr dʉimuata jʉ̃aju aai nʉm. Mag, maach Ẽwandamauta mʉg durr gaai thum ichta ich mag chi Porkha sĩsiju” anaajim. (Éx. 15:18; Dn. 7:14,27)

Apocalipsis 2:26

Ar ewag wetba warag amachdeuta magʉm thum ãwatpʉiwi ichdeu nem jaau simpai wau wenʉrrʉm khʉʉnag irua ich jãg ich Ayau ichjã iek theeg apitarrjo amjã iek theeg apiju aajem, ich dʉi ãba mʉg durr gaai õor thum thʉnʉm porkhamkhĩir.

Apocalipsis 7:10

Mag thʉnʉm khʉʉnau serereukhamua, “Ar porkhau gaai oo sim gaaimua maimua Cordero gaaimuata maachin ʉu peerdʉ nʉm” a serereu khajierram.