Apocalipsis 11:8 - Wounaan Meu

⁸ Mag khechpʉiwi, thumaam khʉʉnag ich jua oomkhĩir, maach Por Jesucristo meerphe thõotarr ag phoborjã weug ee amach numwe sĩi eudʉtkha sĩuju. Mag phobor Jerusalenta ich khaibag gaaimua jũrr Sodoma a thʉ̃rnaa ĩchab Egipto gaai thʉ̃r sim, makhʉʉnjã ich agjo khaibag athee thʉ̃rphoo sĩerrjee arr aawai.

Woun Meu

⁸ Mag k'ëchpʌ̈iwi, t'umaam k'ʌʌnag hich jua hoomk'ĩir, maach Pör Jesucristo meerp'ë t'õotarr hag p'öbörjã wëug hee hamach numwe sĩi hëudʌtk'a sĩuju. Mag p'öbör Jerusalenta hich k'aibag gaaimua jũrr Sodoma ha t'ʌ̃rnaa hĩchab Egipto gaai t'ʌ̃r sim, mak'ʌʌnjã hich hagjö k'aibag hat'ee t'ʌ̃rp'öo sĩerrjëe harr haawai.

Apocalipsis 11:8 Iomraidhean Croise

San Mateo 10:15

Mʉ cha iekha chirʉm iekhau, mag amau pãar igba, ni pãar iekjã ũrmapha abarm jũrran warrgar Ẽwandamau Sodomapien dʉi maimua Gomorrapien dʉi atarr khãaijã am gaai athuuchata burrju a jaaumajim ich Jesuu maachigcha.

Hechos 9:4

Mag phʉr jẽer athamua warre Saulo phãr werppʉimjota jẽkhʉt buju aimajim aajem. Mag jẽkhʉt panaa ũurwai õor chukag eemuata irig, —Saulo, ¿khantheeta pua jãgcha jãg mʉ iek ʉkha durrum khʉʉn khaibag wawaag am ẽudee ẽkha nʉrrʉ́ma? a sĩejim anʉm.

Hebreos 13:12

Ich mag ajim ĩchab Jesuu mag maach kõit nemchaaijo ich thõopiewaijã: Warag phobor igaau arrnaata i thõopʉijierram, mag ich bag ãrbarmuata Ẽwandam dau na õor ajapha naaju ayaa apäaig. Ichdeu magtarraupaita maach Ẽwandam dau na ajaug paajeewai, khanthee maadeu mag nem inag khoju aai nʉ wa khoju khaba khãijã sĩ a jaau nʉmta ipierraa aju aai nʉ.

Hebreos 6:6

ũwaai ewag mawi warre Ẽwandam iseg simʉg chan parta deeu Ẽwandam iek ʉkhapi awaag ẽkhaju. Mag sim aig ʉkhaba khabahab, magʉm gaaimua pakuls gaai i meerphetarr khʉʉn denjo ichdeujã ich paarmua Ẽwandam Iewaata thumaam khʉʉnag isegpi jaaunaa parhoobam khʉʉnjo i wau iekhapi simjo sĩewai.

2 Pedro 2:6

Ẽwandamau ĩchab phobor dau numí narrjã orpʉiwi warre khʉrr mephorr appaita bau joppijim anaabá. Makhʉʉn phobor Sodoma ajim aajem, Gomorra dʉi. Ẽwandamau am dʉi magtarran, amach mag khaigba thʉnarr gaaimua ewag pawiajã ich mag nʉm khʉʉnan ich agjo khaigba aju thumaam khʉʉnag khap amkhĩir ajim.

Judas 1:7

Khĩir eyaa abat ĩchab jãgajĩ Ẽwandamau Sodomapien dʉi, Gomorrapien dʉi maimua ag dakha deeum phobor nʉnʉid arr khʉʉn dʉijã agjo. Amau parhooba sĩi amach ʉʉin khabam dʉita amachdeu am aig anaa amach khamannaan aphajã ʉʉin dʉímjo aajeejim. Amach mag thʉnarr gaaimua Ẽwandamau sĩi chi phobor thum ag ee õor thʉnarrpa warre orpʉijim. Mag am ortarran, magʉm gaaimua jãga khĩmie durrjã mag phobor ortarrjo õt uu wejom thõjã thõba sĩerrʉm eeta ichdeu barkhʉʉiju thumaam khʉʉnag khap amkhĩir ajim.

Apocalipsis 11:13

Am mag ʉ̃gthar paaukhabaadem ee ʉʉur theega duuibaademua phobor eem dijã di khapan sĩi dʉrbagkhaju. Mag di chʉabagkhabarmua õor siete mil warre khechju. Magbaawai mag ʉʉurʉu khechba ʉu iiu nʉisim khʉʉnau ĩchab jãphierr durrumua Ẽwandam ʉ̃gthar kheraajem tho iekha nʉmua irig, “Ẽwandam, pʉchta chadcha emkhooirau; pʉjom chan ni ãbjã chukhum” ajurau, jãphierr nʉm iekhau.

Apocalipsis 11:9

Mag khechpʉiwi khãai thãrjup awi jãrr sĩi kaaijã ee eudʉtkha sĩuju, õor phoborpierram khʉʉn amach meupierr meu khĩir pogkhe bee thʉnʉm khʉʉnag oomkhĩir. Mamʉ iwiir ãbam khʉʉnau mag oowi bepam iigwaijã chi khechtarrau ʉdʉʉr beppibaju.

Apocalipsis 14:20

Magta phobor igaau arrnaa chi cho piirjʉupʉijim. Mag piirjʉubaadee, ag eemua chi cho sĩi dosĩgjo phur jĩubaademua, warpham magwe trescientos kilómetros sĩi bag phur ũur joisijim. Mag dojo ũur wejom naug ee cabaai dʉnʉʉupi ootarr akhiin, i opierrjo sĩejim, chi naug. Mag dojo ũur wejom a simʉn, õor khech nʉm jaar bag pom ãrjuuta jaau sim.

Apocalipsis 14:8

Mag ẽudee deeum Ẽwandam chog agjo ähäag urajim. Magua, Babilonia phoboron ya eegar pabaademta jaau jorrajim. “Ya eegar pajim” a sĩejim, “ar ich denjo durrpierram khʉʉnag parhoob pekau waupiejerr phobor.”

Apocalipsis 16:19

Magbaademua phobor pom sim Babilonia anʉm eegarta waa sĩi jẽb thorrdʉkhʉr aademua, phoboron warreta perás thãrjup obeerpʉijim, jẽb thorrdʉbaademua. Magbaadem dʉi ĩchab deeum durrjã phobor eem di khapaana sĩi pogueu pʉamajim. Magbaawaita Ẽwandamau Babilonia phobor gaaita ʉ̃rcha jua khẽgkhapʉijim, ich pekau waaujerr khĩir okhooba wai sĩerr gaaimua.

Apocalipsis 17:1

Magbaawai Ẽwandam chognaan mag jarr panhapha siete narr eem ãb beewi mʉrʉg, —Pidú mua pʉrʉg oopikhimgui ajim, chi durpathierrmie ar dojã nem pooma bau wejom ʉ̃r oo sim khaibag wauju.

Apocalipsis 17:18

Ĩchab ar pua ʉʉi oo simjã jã chan ʉʉi chaar khabam. Jãan ar phobor ãbpai nem pom simuata mʉg jẽb gaai reinaanag thumaa ichdeuta nem khap jajaau aajem ag phoborougui ajim. Magta chi Ẽwandam chogau ichdeu oopimatarr thumaa mʉrʉg jaaumajim.

Apocalipsis 17:5

I dag gaai oowai i thʉ̃r anʉmta maadeu wajappai khaugba sĩi, “Babilonia ichta phobor pomaacharam, thum chi durpathierrmie ãd anaa nem khaigbam thum mʉg jẽb gaai thʉnʉm ag ãd” a phã sĩejim.

Apocalipsis 18:10

Mag oowia degolp amach gaaijã agjo aju khĩirjuwi, aigjã beeba, warp amach nʉm aarpaimua, “¡Eh! ¡Aay, Babilonia! Phobor poomanaa chi jua thierr arrta ĩs chad pʉ chan at oobam. Sĩi seukhabarmjo abarm ee pʉ gayan Ẽwandamau masta deebarmgui” aju jũrram khʉʉnau.

Apocalipsis 18:18

Mam warppaimua mag phobor uurdʉ thʉnʉm naar edjã ee phʉis jĩu thʉnʉm oowia, thet ähäakhamua, “¿Jamta deeum phobor ich mʉgjokham maadeu oog agá?” aju anʉm.

Apocalipsis 18:2

Magua thet ähäagmamua mag sĩejim: “¡Ya Babilonia phoboron eegar pajim! Ĩsin ya sĩi pabʉ ee sĩerrjeem khʉʉn diiu; mepeen khaigbam khĩirpierr naajem di anaa pabʉ eem nem maach khoojem khʉʉn diigta pabaadebahab” a sĩejim.

Apocalipsis 18:21

Magbaawai ãb Ẽwandam chog ĩchab nem jua theega simua, mok por pooma sim phũas ee barpʉinaa magjim: “Babilonia, phobor pomaam, pʉʉn cha mua mok barbapʉimjota buudimamgui” ajim.

Apocalipsis 18:24

Magta chadcha Babilonia phobor eegar paju. Mamʉ mag i eegar pajuun, ag eeta Ẽwandam chaain bag ãrtarr pooma thʉnʉm gaaimuau. Aigta thʉnʉm: Ẽwandam i jaaumien dʉi thum i chaain bag ãrmatarr, maimua thum ar i gaaimua durrpierr chikhamnau juau thõopʉimarr khʉʉn bagjã agjo.