Apocalipsis 11:19 - Wounaan Meu

¹⁹ Amau mag Ẽwandamag jeeuphobaadem ee mua oowai Ẽwandamag jeeujem diita weeudʉ joisijim, ʉ̃gthar. Mag weeudʉbaadem ee ierr mag warrgarwe ich chaain dʉi iek deetarr ãkhaajem baaudiita dawaa aadejim. Mag chi Ẽwandam di weeudʉbaadeewai, pagthʉmdau phʉr jẽjẽer khabaadem dʉi õor iekjo sereu joisimua, pagthʉm theega wʉwia ʉʉur theegjã duuibaadem dʉi noseg dau dap sĩi mokdaujo sĩsidʉmta che thʉnʉisijim.

Woun Meu

¹⁹ Hamau mag Hẽwandamag jëeup'öbaadëm hee mua hoowai Hẽwandamag jëeujem diita weeudʌ jöisijim, hʌ̃gt'ar. Mag weeudʌbaadëm hee hierr mag warrgarwe hich chaain dʌ̈i hiek deetarr hãk'aajem baaudiita dawaa haadëjim. Mag chi Hẽwandam di weeudʌbaadeewai, pagt'ʌmdau p'ʌr jẽjẽer k'abaadëm dʌ̈i hõor hiekjö sereu jöisimua, pagt'ʌm t'eega wʌwia hʌʌur t'eegjã duuibaadëm dʌ̈i noseg dau dap sĩi mokdaujö sĩsidʌmta chë t'ʌnʌisijim.

Apocalipsis 11:19 Iomraidhean Croise

Apocalipsis 11:13

Am mag ʉ̃gthar paaukhabaadem ee ʉʉur theega duuibaademua phobor eem dijã di khapan sĩi dʉrbagkhaju. Mag di chʉabagkhabarmua õor siete mil warre khechju. Magbaawai mag ʉʉurʉu khechba ʉu iiu nʉisim khʉʉnau ĩchab jãphierr durrumua Ẽwandam ʉ̃gthar kheraajem tho iekha nʉmua irig, “Ẽwandam, pʉchta chadcha emkhooirau; pʉjom chan ni ãbjã chukhum” ajurau, jãphierr nʉm iekhau.

Apocalipsis 11:15

Mag dau ãb waaur sim atarr aawai chadcha ĩchab deeum Ẽwandam chogau chi ãbmiecharam ich trompeta sirjim. Ma, sieteem ajim, ãbmiecharam. Mag sirbaadeewai ʉ̃gthar sĩi õor iekjo sereubaademua mag naajim: “Mʉg durran thumaa maach Por Ẽwandamaujã jʉ̃anaa, ichdeucha jʉr auwi maach Porkhapitarr dʉimuata jʉ̃aju aai nʉm. Mag, maach Ẽwandamauta mʉg durr gaai thum ichta ich mag chi Porkha sĩsiju” anaajim. (Éx. 15:18; Dn. 7:14,27)

Apocalipsis 12:1

Maimua edaujã ee ijaaur oberjim, Ẽwandamau ich jua theeg oomkhĩir pʉitarr. Mag ijaaur obertarr mʉg ajim: Ʉʉirauta sĩi ãsdawam edauta khajũajo jũanaa jũrr edaram edau arg gaai oo dʉnʉm edjã eemua oberchejim. Ich mag ʉʉirau porsir jũa sim gaai phĩdag sĩi docen ãb phuphup sĩejim.

Apocalipsis 16:1

Maimua mua ũurwai mag Aai i jeeujem deg naar jĩu wejom eemuata mag Ẽwandam chognaan siete narr khʉʉnag nem theeg woun iekjo, “Ereubaadewi jãg mʉ khĩir machag jarr siete nʉm ee dojo jojoid thʉnʉm, jẽb ʉ̃r chookhʉʉibamit” ajim ich Ẽwandamaucha.

Apocalipsis 16:18

Mag irua ya aaipabaadem abaawai, pagthʉmta dau phʉrphʉr abarmʉn jẽbʉ ahau khabaadem dʉi, sĩi iyʉʉmjo joisimua ʉʉur theegajã duui dichjim. Mag ʉʉur theeg duui dichjujo chan mʉg jẽb ompaatarr aigmua ewag pawiajã duuiba aajem.

Apocalipsis 16:21

Magbaawai ĩchab edjã eemua sĩi noseg dau dap mokdaujo che thʉnʉisijim. Chi noseg dau chʉgag ochenta libras sĩsid ajim. Ẽwandamau mag noseg chepiwi wajappha amach dau aug waubarm oowi, õrau warag Ẽwandam thʉ̃rcha thʉ̃rnaa, parhoobaaa amachdeu iekham aig iekha thʉnʉʉujierram. Ma ajim Ẽwandam chogau ãbmiecha ich jarr eem Ẽwandam khĩir machag choobapʉim mua ootarr. Mamʉ mag mua oojim a chirʉmʉn, maan mʉg atagjã thum cha mʉchdeu jaau chirʉmjo ajuuta mʉrʉg mʉch daúacha oopimajim.

Apocalipsis 19:11

Mʉchig magbaawai, mua phiidʉnaa oo nʉʉ aawai, edaujãata sĩi weeudʉ wejoojim. Mag edjã weeudʉ wejom eemua woun ãb cabaai bäpphä sim gaai oberchejim. Mag thʉ̃r “Mʉchdeu Nem Wauju Abarmʉn Chadcha Wau Chitʉm” ajim i thʉ̃r, ichdeuta thum wajapha gobernaanaa juurhi eejã werbʉajeewai.

Apocalipsis 4:1

Mag mʉrʉg thumaa jaau dichtarr khur mua oowai, edjãata puertdijo weeudʉ wejom mua oobaadejim. Mag eemua nacha mag mʉchdeu trompeta jẽbag sim iek ũrtarr ag odijo simuata mʉrʉg, “Mau ʉ̃gthar pidú, mʉg atag nem thumaa obeberg maju mua pʉrʉg oopikhim” a sĩejim.

Apocalipsis 4:5

Mag porkhau warm khʉʉn jãrrcha sim aarmua pagthʉm dau phʉr jẽjẽer khabaadem dʉi ĩchab phiphis khabaademua sĩi iyʉʉmjo aadep sĩejim. Mag porkhau pom sim khĩirphee õtdau siete paakhanaa dʉnʉnʉid thʉnaajim. Makhʉʉn ich Ẽwandam Akhaar ajim.

Apocalipsis 7:15

“Magwiata jãg bʉ̃ʉrjã ijeeu khaugba edaram magwe porkhau gaai oo sim khĩirphee i ipierraa irig ich khĩircha jeeu durrumgui” ajim. “Maagwai jãg porkhau gaai oo simuata am thʉa wai sĩeju.

Apocalipsis 8:5

Maimua mag chi Ẽwandam chogau ichdeu incienso phaajem bʉ̃rʉʉ khitʉm waiberr auwi, jũrr nasãd gaai chi daupaam eemta auwia, ich den ee ipiirnaa mʉg jẽb gaai phopʉijim. Mag phobapäaiwai, pagthʉmta bubuju khabaadem dʉi õor iekjo iyʉʉmjo joisim ee, pagthʉm dau phʉr jẽjẽer khabaademua ʉʉurpa duuibaadejim. Ma ajim ãbmiecha sieteem sello thʉrreupʉi nʉm mʉrʉg oopitarr.

Apocalipsis 8:7

Chi nacha sir sĩerrau ich trompeta sirbaadeewai nosegdau dap mokporjo sĩsidʉmta õtkhĩir sĩi bag phuriimjo sĩsidʉm dʉi khʉibaadejim mʉg jẽb ʉ̃r. Magbaawai pabʉ jãrrchapaím khechwi phũakdam phãauraa khekhed arrjã sĩi thumaa phaadubjim.