Biblia Todo Logo
Bìoball air-loidhne

- Sanasan -




Apocalipsis 11:18 - Wounaan Meu

18 Durrpierram khʉʉnta pʉ dʉin meeukha thʉnʉm; mamʉ ya pua am gaai pʉch khĩir machag meeuju ed pachejim. Ĩsin chad pua nawe khechtarr khʉʉn khĩircha jaaumamua amachdeu nem waaujerrjo pʉchdeujã am dʉi aju. Ĩsta ĩchab pʉch chogkhanaa pʉch i jaaumien dʉijã wajaphanaa pʉch chaainkha nʉm khʉʉn dʉijã wajapha aju edau, thethem khʉʉn wa sĩi parhoobam khʉʉn awijã ar pʉchig ee aajerr khʉʉn dʉi. Mamʉ ĩchab ĩsta pua ar mʉg jẽb gaai nem ãr nʉm khʉʉnjã opʉiju edau” anaajim, irig ee nʉmua.

Faic an caibideil Dèan lethbhreac

Woun Meu

18 Durrpierram k'ʌʌnta pʌ dʌ̈in meeuk'a t'ʌnʌm; mamʌ ya pua ham gaai pʌch k'ĩir machag meeuju hed pachëjim. Hĩsin chad pua nawe k'ëchtarr k'ʌʌn k'ĩircha jaaumamua hamachdëu nem waaujerrjö pʌchdëujã ham dʌ̈i haju. Hĩsta hĩchab pʌch chogk'anaa pʌch hi jaaumien dʌ̈ijã wajap'anaa pʌch chaaink'a nʌm k'ʌʌn dʌ̈ijã wajap'a haju hedau, t'et'em k'ʌʌn wa sĩi parhoobam k'ʌʌn hawijã har pʌchig hee haajerr k'ʌʌn dʌ̈i. Mamʌ hĩchab hĩsta pua har mʌg jẽb gaai nem hãr nʌm k'ʌʌnjã höpʌ̈iju hedau” hanaajim, hirig hee nʌmua.

Faic an caibideil Dèan lethbhreac




Apocalipsis 11:18
48 Iomraidhean Croise  

Pari pãach dʉi maagwaijã, oob okhĩirjuu amiet ajim anʉm. Magju khãai warag onee abat; pãar mag nʉm jũrran ʉ̃gtharin pãar athee nem wajapham poomata thʉnʉm. Ĩs jãg pãar dʉi khaibag thʉnʉmjo aba aajeejieb ajim anʉm warrgarwejã am jooinau Ẽwandam i jaaujerr khʉʉn dʉi. Pari magtarr ĩs am ʉ̃gthar Ẽwandam dʉi onee naabahab a jaaumajim aajem.


Mʉg atagjã ar pʉch ipierraam khʉʉnan ich jãg pua am dau ee aug khaug paraa chitaju.


Maadeu khaphʉ nʉm, maach cha khitheem khʉʉn thum biek ãbpaita meejem, maimua mʉg atag Ẽwandamau maach i agkham edta ichdeuta maachig maach jãga wenʉrrajĩ a jaauju.


Ya ãbmiecharam Ẽwandam chogau sieteem ich trompeta sirbaadeewai Ẽwandamau ichdeu ich thãar eepai nem wauju khaphʉ sĩerr thumaa ich i jaaumienag jaautarrjo aagpamgui ajim chi Ẽwandam chogau.


Mamʉ ar daau gajãrcha õor biirdʉajem weu wejom chan oob chacham ajim, jã sĩi bʉ̃ʉrjã ʉkhaba aajem khʉʉn atheem aawai. Makhʉʉnauta año thãrjup awi jãrr Ẽwandam phobor dʉi sĩi amachdeu ampierr ajugui ajim.


“Preso maag thaabatarr khai, chadcha preso pʉr auju. Thuthuíu thõog thaabatarr khai, chadcha thuthuíu thõju.” Pari mag nʉmʉn, thum Ẽwandam iek ʉkha nʉm gaaimuau. Maguata Ẽwandam chaainan, amach mag phithurg auju khap, sĩi amachdeu ʉkhatarr iek gaaita warag ubʉ ʉkha wenʉrraju aai nʉm.


Mamʉ magpaijã khabajim. Mag ich khĩirkha wau sĩerr iiupi athaawai thumaam khʉʉnag ich dauchachta jua gaai wa dag gaai khãijã phãkhapi jaaujim. Chaaindam bʉ̃rʉʉmdam gaai, ya dʉrrcharam khʉʉn gaai, phatkhon paraam khʉʉn gaai, dau aphʉʉm khʉʉn gaai, sĩi chikham chogkha sĩsidʉm khʉʉn gaai, chikham chog khaba amach khõchagpierr nʉrrjeem khʉʉn gaaijã, thumaa mag dauchachta ʉdʉraa amach gaai phãkhapi jaaujim.


ichiita Ẽwandam khĩir machag sĩi maach thõojem benenjo simta ãwatab khaba ãwatjugui” ajim. “I khĩir machag mag simta am gaai meubapäaiwai Cordero dakhĩir maimua pekau chukhu ʉ̃gthar nʉm khʉʉn dakhĩirjã õtdau azufre dʉi waaureu wejom eeta jẽerjugui” a sĩejim, “ich mag dau aphʉʉ ag ee õt khierr jẽmer wenʉrramkhĩir.


Maimua deeu edaujã ee ijaaur maach dauderraa ompa joisijim. Ma, mʉg ajim: Ẽwandam chognaanta siete edjã eemua oberdʉtkhachejim. Makhʉʉnauta ãbmiecha wajappha õor dau aug waupiju khʉʉn ajim. Magbarm dʉi ĩchab ya mag amau nem thumaamua mag chach dichdimaawai Ẽwandam khĩir machagjã ich maigpai meeuju ajim.


Mag am oberdʉtkhabaicheewai nacha mag nemchaainjo ich paar sĩsidʉm jayap narr eem ãbmua amag amachpierr jarrdam phĩr den ãhãbdo deemajim. Makhʉʉn jarrdampierr maach Ẽwandam ichta warrgarjã ich mag sĩerrawi mʉg atagjã ich mag sĩerraju ag khĩir machgauta khajapham do denjo ipir sĩsid ajim. Mag sĩsidʉm chookhʉʉibaadeewaita ichdeu chachmampierr nem khĩir pogkhe obermaju.


Magnaa jũrr ich chognaanagta, “Ichdeu chikham dʉi aajerrjo abat” ajim, “jũrr i dʉi. Ichdeu nem khaigba waaujerr ʉ̃r jũrr ag khãai atcha biek numí i gaai deebat. Ichdeu chikhamnag dopiejerr khãaijã jũrr athuucha nem achag waaureu deebat.


Mag cabaai bäpphä sim gaai oberchetarrau durrpierr õor nʉnʉidʉm jua khʉaba pãaukhapʉimaag ich i ee thuthui dee khitʉm wai sĩejim. Ichdeuta mʉg durr thum jʉ̃a wai sim aawai jũrr ich jua jʉmpiba dajẽkta wai sĩsiju. Magbaademua õran sĩi uva cho piirjʉu awaag bʉʉu eeg pibthai nʉmjota aju am gaai. Magnaata amachigpai Ẽwandam thumaam khʉʉn khãaijã ʉ̃rpai sĩerrʉm ag khĩir machag khajapham dojo jarr ee choo wejomta dopipʉimaju.


Pãar atheen thʉnʉm: reinaan mod, soldaaun porkhanaa emkhooinkha thʉnarr khʉʉn mod, cabaai mod, mag cabaai gaai nʉrrjee arr khʉʉn mod, maimua thumaam khʉʉn mod. Õor sĩi chikham chogkha nʉrrjee arr khʉʉn mod, maimua chikham chogkhaba sĩi amach khõchagpierr nʉrrjee arr khʉʉn modjã agjo thʉnʉmgui ajim. Magnaa, ¡Khobat, jã pãar atheemʉugui! a jaaujim, nemchaainag.


Makhʉʉnau magbaawai ĩchab mag Ẽwandam khu juupjem pom sim aarmuajã õor iekjo, “Maach Ẽwandamta thobathʉ̃” a sĩejim, “pãach thum ar i okhonaa i chogkha nʉm khʉʉnau. Jooinaujã i thonaa chaainaupa iita thobat” a sĩejim.


Õor nawe khechmarr khʉʉnjã Ẽwandam khĩirphee bʉjãaupai dʉnʉnʉid thʉnʉm mua oojim, mʉg jẽb gaai aawai chi thierrnaan arr khʉʉnpa. Mag ich khĩirphee õor phʉʉrbaadem dʉi, aig libro thʉnarr gaai eeureutkha oopijim. Mag eeureutkha oopiwiata mag libro thʉnarr gaai phã sĩsid arrjo thumaa mʉg jẽb gaai aawai amachdeu nem waumatarrpierr am dau aphʉʉ aju jaaumajim. Pari magaagan, khech nʉm khʉʉn akhaar naajem aarmuajã thumaa Ẽwandam dakhĩir oberchejierram, phũas ee khãijã okhoowi khechtarr khʉʉnpa. Mag thum ãbam aig nʉisiewaita, chadcha am dʉi Ẽwandamau amachdeu nem waumaajerrpierr ajim. Mamʉ deeum libro sĩejim ĩchab; mag gaaita thʉnʉm, õor ich mag iiu wenʉrraju khʉʉn thʉ̃r.


Magbaawai, “Eera, mʉʉn jopcha pãar jʉraan majugui” ajim ich Jesuucha. “Mag mʉch mam dʉi mʉch chaainag amachdeu waumarrpierr deemaagjã mua nem phe arrjugui” ajim.


Lean sinn:

Sanasan


Sanasan