Apocalipsis 1:9 - Wounaan Meu

⁹ Mʉʉn pãach khod ar Jesús iek gaaimua pãachjo phithurg au pʉʉrba khitaajemuata pãrag mʉg ẽsap phã deepʉi chirʉm. Mag phithurg aaujeeb mamʉ, ich Jesucristoouta magʉm ãwataagjã juapá deejeewai, magʉmjã igba, phithurg jẽedʉ khitʉmua i aar barwi i khĩir wajaug oo wai chitaju. Ẽwandam iek jaau chitʉm dʉi Jesuu nem wau nʉrrarr mʉch daúacha oojerrta jaau chitʉm gaaimua, mau dojãrr phʉram Patmos anʉm gaai preso chirʉm.

Woun Meu

⁹ Mʌʌn pãach k'od har Jesús hiek gaaimua pãachjö p'it'urg hau pʌʌrba k'itaajemuata pãrag mʌg hẽsap p'ã deepʌ̈i chirʌm. Mag p'it'urg haaujeeb mamʌ, hich Jesucristoouta magʌm hãwataagjã juapá deejeewai, magʌmjã higba, p'it'urg jẽedʌ k'itʌmua hi haar barwi hi k'ĩir wajaug hoo wai chitaju. Hẽwandam hiek jaau chitʌm dʌ̈i Jesuu nem wau nʌrrarr mʌch daúacha hoojerrta jaau chitʌm gaaimua, mau döjãrr p'ʌram Patmos hanʌm gaai preso chirʌm.

Apocalipsis 1:9 Iomraidhean Croise

San Mateo 20:23

Magbaa deeu Jesuu ichdeupai amag, —Chadcha pãrau õrau pãach dau aphʉʉ wau nʉm ãwatma ajim. Pari mag mʉch juachaar gar wa juawe gar khãijã mʉch dʉi ãba juppiju chan mua pod jaauju khaba chirʉmgui ajim, ya jãig paawain mʉ Ayauta ichdeu khap jaauju aawai.

San Marcos 10:39

Magbaawai chi Santiagoou Juan dʉimua, —Eera, marau ãwatbajup ajierram anʉm. Mamʉ magbaawaita Jesuu amag, —Pãrau chadcha õrau pãach dau aphʉʉ wau nʉmjã ãwatwi mʉ thõbarmjo thõma ajim anʉm.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

Hechos 1:15

Ich mag Ẽwandamag jewaag am ãba biirdʉdʉkham ed gaai, biek ãb Pedroou tagam khʉʉn agjo Jesús iek ʉkha nʉm khʉʉn khapan ciento veinte nʉm jãrr dʉnʉʉunaa,

Hechos 14:22

Makhʉʉn phobordam ee chi ʉkha durrum khʉʉn khĩir onee apieg, am oo phʉʉrdʉ wenʉrrʉmua amachdeu maach Por iek ʉkhatarr iekta warag ogdʉba ʉkhapi jaaujeejim aajem amag. Mag nʉm dʉi ĩchab, “Ẽwandam sim aar mawia, i dʉi ich mag wenʉrraagan, ichiita ich jãg i gaaimua maach dau aphʉʉ wenʉrrajugui” aajeejim aajem.

Romanos 8:17

Mag chadcha i chaainkha naawai, ich Ẽwandamau ich aar paaukhabaimaa, maachig deeju a simjã chadcha deeju, magbaawai Cristo dʉi ãba maachdeujã nem thum wai naamkhĩir. Pari mag ich Ẽwandamau Cristo dʉi arrjo maach dʉijã wajapcha amkhĩran, ich jãg Cristo dau aphʉʉ mʉig eegar nʉrraajerrjo maachjã agjo i gaaimua dau aug au wenʉrraju.

Romanos 8:25

Mamʉ ich agjo mag dichdeu oom khõchag thʉnʉmjã chadcha agtha ooba sim khai, magan oobam aigjã nem pʉabaju. Magua, mag dau aug wau wenʉrrawiajã ãba Ẽwandamau mʉg atag maach dʉi wajapha ajuuta khĩirju wenʉrrʉm.

2 Corintios 1:7

Mua khaphʉ chirʉm, pãarjã Cristo gaaimua mʉjo dau aphʉʉ naawai jãg ichdeu mʉ khĩir jãsenkhatarrjo pãarjã agjo irua khĩir jãsenkhaju.

Filipenses 1:7

Mʉrʉgan pãarta mʉ thãrau. Maagwai pãar gaaimuata Ẽwandamagjã ich mag onee ʉu ajim aju aai chirʉm. Pãarta mʉig mʉ dʉi cárcel deg ãba nʉmjo nʉm. Mua thethemnaan na maach peerdʉajem iek kõit iekhaawaijã pãrauta mʉ ipierr dʉi ag kõit iekha nʉmjo nʉm, jammua pãachdeu Ẽwandamag jeeu durrum gaaimua. Pãran warp nʉm, mamʉ Ẽwandamau mʉrʉg phidag deetarr pãrau sĩi mʉchig appai deeba, ʉu pãrau dʉi mʉ juag oo nʉm, irig jeeu nʉmua.

Filipenses 4:14

Mag ab mamʉ, pãrau mʉ juag ooju aai khaba naajimjã aba chirʉm. Ante ʉuta pãrau mʉ juag oob khaba oojierram.

2 Tesalonicenses 3:5

Mag pãrau maach ipierraa aju khaphʉ naab mamʉ, warag Ẽwandamag jeeu nʉm, ich jãg ichdeujã maach khõsi arrjo pãragjã warag wir aig pãach agdaujo daupiicha amkhĩir. Magnaa ĩchab maach Por Jesucristo juapaata pãrag deepi jeeu nʉm, chikham jua machgau pãach dau aphʉʉ awiajã ich denjo ãwatamkhĩir.

2 Timoteo 1:8

Timoteo, oob pʉchdeu maach Por Jesucristo khaugtarr igwia õrag jaauju chigaa chiram, ni Cristo gaaimua mʉ mʉg preso chirʉm õrag jaaujujã oob chigaa am. Magju khãai Ẽwandamau pʉchig juapadam deetarrau warag mʉ ipierr dʉi maach peerdʉajem iekta jaaum khõsi jaaubá, agʉm gaaimua pʉch aphʉʉ ajujã khĩirjuba.

Hebreos 10:36

Mamʉ mag ich Ẽwandamau khõsimjo nem wawaagan, dau aug wau wenʉrrʉmjã magʉm aba, ichiita warag ãwat wenʉrraju aai nʉm. Mag nʉmʉn chadau ichdeu jaau simjo pãar dʉi ajaphanaa ich dʉi ich mag wenʉrrapiju.

1 Pedro 5:1

Ãbmiecha paawai pãar iglesia ee jooin chi pornaankha nʉm khʉʉnagjã wawí iekham khõsi chirʉm. Ya mʉchjã ĩchab jooinau amjo. Mua mʉch daúa pakuls gaai Cristo dau aphʉʉ jochkherʉm oojim; mag Cristo deeu ich jua theeg thum beem edjã mʉchjã amjo ĩchab i dʉi chiraju. Mag am wawim ig chirʉmʉn mʉgau:

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 1:2

Magbaawaita Ẽwandamau Jesucristo dʉimua mʉchig oopinaa mʉchig ũrpitarrpa thumaa phã chirʉm.

Apocalipsis 1:4

Mʉʉn Juanau. Muata mʉg ẽsap phã deepʉi chirʉm Asia durr phobor siete nʉm ee Ẽwandam iek ʉkha nʉm khʉʉnag. Mua pãar kõit jeeu chirʉm, ichta warrgarwe ich mag sĩerranaa mʉg atagjã ich mag sĩerraju igwia, ich khu juupjem khĩirphee ich Ẽwandam Akhaar sĩerrʉm igwia, maimua Jesucristo chadam iek chaarcha jaauchetarr igwiajã jeeu chirʉm, pãar dau ee aug khaug paraanaa pãar ʉu wai nʉm dʉi ĩchab pãar khõinaa wai wenʉrramkhĩir. Mag Cristota meeba arrjo nacha iiu phiidʉwia mʉg reinaan thʉnʉm khãaijã iek theeg ʉ̃rcha sĩerrʉm. Ich ag Cristota maach daupigau ʉdʉraa ich thõopijim. Magbarmua maach khaibag chugpaapʉiwia

Apocalipsis 1:6

ich Aai anaa ich Ẽwandam athee maachta phadnaankha aujim, ich dʉi agdaujo iek thethe wenʉrramkhĩir. Irigta ãba thumaam khʉʉnau, “Ich appaita ãba Ẽwandam chaarkha sĩerrʉm” a iekhanaa, “Ichdeupaita warrgarwejã nem thum khaphʉnaa mʉg atagjã khaphʉ sĩerraju; maata maach Ẽwandamau” a tho iekhaju aai nʉm.

Apocalipsis 11:7

Maimua mag año thãrjup awi jãrr Ẽwandam iek jaau wenʉrrʉʉ awi, thum jaau aaipabaadee, mag ierr ithurm wejom ee thʉrrdo sim eemua mepeer sĩi jãgaamjo sim oberchewi, am dʉi werbʉchewi, ich garmuata am podpʉiwia am khechpʉiju.

Apocalipsis 12:11

Maimua jẽb gaaijã maach khodamnaanau amach garmuata mag mepeer podbapʉim, corderodamjo ʉdʉraa ich thõopitarr iekta ʉkhawia ag bagauta Ẽwandamag amach khaibag ʉpi nʉmua. Mag nʉm dʉi ĩchab amach dau aphʉʉ khechjujã igba, warag ogkhaba i iekta jaau durrarr gaaimuapata chadcha amach garmua i podpʉijierram.

Apocalipsis 12:17

Magbaawai chará chi mepeer mag õoirjo sĩerr warag chi ʉʉi dʉita meeukha sĩsiwi, jũrr chi chaain ewagam khʉʉn gaaita jua machag deeju awi, warag am dʉi werbʉan petajim. Mag chi chaain ewagam khʉʉn anʉmʉn, ar Ẽwandamau nem jaau sim thum ipierraanaa Jesucristoou chadcharam iek jaautarrjã ʉkhawi agtha ogdʉba ich mag ʉkha wenʉrrʉm khʉʉnau.

Apocalipsis 13:10

“Preso maag thaabatarr khai, chadcha preso pʉr auju. Thuthuíu thõog thaabatarr khai, chadcha thuthuíu thõju.” Pari mag nʉmʉn, thum Ẽwandam iek ʉkha nʉm gaaimuau. Maguata Ẽwandam chaainan, amach mag phithurg auju khap, sĩi amachdeu ʉkhatarr iek gaaita warag ubʉ ʉkha wenʉrraju aai nʉm.

Apocalipsis 14:12

Magam uguata ar Ẽwandam denkhanaa irua nem jaau sim ipierraanaa ĩchab Jesús bʉjã ogdʉba wenʉrrʉm khʉʉnan warag ubʉta ʉkha wenʉrraju aai nʉm. Ma ajim Ẽwandam chog thãrjupamua jaau dichtarr.

Apocalipsis 19:10

Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.

Apocalipsis 20:4

Maimua khu juupjem khapan thʉnʉmjã mua oojim. Ag gaai ohood aphobaadejim, amach garmua warm khʉʉn khaibag waumkhĩir wa am kõit khãijã iekhamkhĩir ich Jooirau iek theeg apitarr khʉʉn. Ĩchab maig naajim, Jesucristoou Ẽwandam iek jaautarr ʉkhawia jũrr amach paarmua jaau durrum gaaimua chikhamnau o thʉrrphe khechtarr khʉʉn akhaar. Makhʉʉnta ĩchab mag phũas eemua khum chi jojothorjo sim oberchetarragjã jeeuba ni amach dag gaai wa jua gaai khãijã i thʉ̃r phãpiba arr khʉʉnau. Makhʉʉnta deeu iiu nʉisiwi Cristo dʉi ãba mil años chi pornaankha nʉisijim.

Apocalipsis 3:10

Pʉchdeu irua jaautarr ipierraanaa bʉ̃ʉrjã jua ʉ̃yaajã khaugba khitaajeewai irua pʉ thʉa wai chitaju aajem. Ichdeuta mag pʉ thʉa wai chirʉm chan mʉg jẽb gaaim khʉʉn thum Ẽwandamau chachwi okhĩirjug pooma thʉnʉm jaarjã pʉ warm khʉʉnjo khabaju anaabá, ichdeuta pʉ thʉa wai sĩewai.

Apocalipsis 6:9

Mag khur chi Corderodamau chi cincoom sello thʉrreubapäaiwai nasãdjo wau sim eegar mua oojim, Ẽwandam iek jaau durrum gaaimua khechpʉimarr khʉʉn.

Apocalipsis 7:14

Magbaa mua irig, —Señor, pʉchdeuta khap chirabahab, mua chan khaugba chirʉm a chirajim. Magbaa ichdeu mʉrʉg jaaubaadewi magjim: —Jãkhʉʉnan Ẽwandamau õor okhĩirjug pooma api nʉm jaar ʉu i iek ogdʉba ʉkha durrawia peerdʉtarr khʉʉnaugui ajim. Magua khabahab ajim, jãg am khajũa bäpphä jũa sĩsidʉm, chadcha ich chi Cordero bag ãrtarrauta amach khaibag thum chugpaatarr aawai.