Apocalipsis 1:3 - Wounaan Meu

³ Chi mʉg mua phãbarm ẽsap thʉ̃r sim woun onee aju; maimua onee ajurau ĩchab mʉg ich iek phã sim gaai Ẽwandamau nem thum ichdeu jaau sim iek ãbmua thʉ̃rmam ũrwia ag gaai jaau simjo i ipierraa wenʉrrʉm khʉʉn. Ya chadcha thum mʉg ẽsap gaai ichdeu jaau simjo obeberg maju dakkha pamam.

Woun Meu

³ Chi mʌg mua p'ãbarm hẽsap t'ʌ̃r sim woun honee haju; maimua honee hajurau hĩchab mʌg hich hiek p'ã sim gaai Hẽwandamau nem t'um hichdëu jaau sim hiek hãbmua t'ʌ̃rmam hũrwia hag gaai jaau simjö hi hipierraa wënʌrrʌm k'ʌʌn. Ya chadcha t'um mʌg hẽsap gaai hichdëu jaau simjö höbëbërg maju dakk'a pamam.

Apocalipsis 1:3 Iomraidhean Croise

San Mateo 24:15

Mag ich Jesuu jajawagmamua magjim: —Khĩir eyaa abat, Ẽwandam i jaaumie Daniel khararrau phã pʉarr gaai jaauwai Aai i jeeujem deg ierr ich Ẽwandam sĩejem aarcha ogkhaba dubwi ãbmua parhooba ichdeu am aig aju jaautarr. Magtarr aawai chi ũr nʉm khʉʉnau wajapha khaphʉ abat ajim: chadcha Danielau jaautarrjo woun ãb chi khaigbamta Ẽwandam awi ya Aai i jeeujem deg sĩeichem oobaawai

San Lucas 11:28

Magbaawai jũrr ichdeu, —Jãan chadaugui ajim anʉm, mamʉ mag khãyau ar Ẽwandam iek jaau nʉm ũrwia i ipierraa nʉm khʉʉnta ʉ̃rʉʉcha onee aju aai nʉmgui ajim anʉm.

Romanos 13:11

Pari mag Ẽwandamau jaau simjo wenʉrraju aai nʉmʉn, ya Cristoou maach phe awaan beeju gayaa pam khaphʉ naawaita mag wenʉrraju aai nʉm. Maadeu khaphʉ nʉm, mag i beeju edan warr maachdeu mʉg maach peerdʉajem iek ʉkhaawaim jaram khãaijã ya gayaata sim. Magua tag jãg sĩi khãi nʉmjota wenʉrraju khaba nʉm.

Romanos 13:12

Mʉig eegar wenʉrrʉm aiguin edau kheu thʉnʉʉ awia ãspa urum den deeu aardʉ urumjota sim. Pari mag chi ãspa urumjo sim a chirʉmʉn, ya Cristo beeju gayaa sim igwiata mag chirʉm. Magua, oob tag sĩi khĩchag ee nem wau nʉmjo nem khaigbam waumiet. Mag khãai chadcha Cristoou mag pãach phe awaan beeimʉʉ sim khap i ipierraata abat,

1 Pedro 4:7

Ya Ẽwandamau mʉg durr i agkhaimʉʉ pam. Mag maach oju gayaa pamaawai sĩi donnaanjo nem parhoob wauba, ãba Ẽwandamagta jeeu nʉʉ abat.

2 Pedro 3:8

Mag nʉm dʉi pãade khĩir eyaa abat keena. Mʉchdeu pãar jãsene chitaawai pãrag pʉaba jaau chirʉm: Mag i da beebam awia oob i nʉba amiet. Maach Por Ẽwandamagan mʉg khãai ãb kheubaademʉn, mil añosjota sim; maagwai mil años jũrr khãai ãbpaimjota sim. Maachigta da beeba sim, pari ichigan atcha jophee sĩewaita nʉ sim, õrag ich iek ʉkhamkhĩir.

Apocalipsis 22:10

Maimua ĩchab mʉrʉg magjim: —Ẽwandamau nem thumaamua ichdeu chachmaju mʉg ẽsap gaai jaau simjo aimʉʉ sim aawai, oob pua sĩi õragjã jaauba pʉch thãar eepai khaphʉ wai chitamgui ajim. Mag khãyau thumaam khʉʉnag jaaupet ajim.

Apocalipsis 22:12

Magbaawai, “Eera, mʉʉn jopcha pãar jʉraan majugui” ajim ich Jesuucha. “Mag mʉch mam dʉi mʉch chaainag amachdeu waumarrpierr deemaagjã mua nem phe arrjugui” ajim.

Apocalipsis 22:20

Mʉch chi nem magju thum jaau chirʉmuata chadcha mʉʉn jopcha maju a chirʉm, pãar awaan.” Maadeujã chadcha ich magta jeeuju aai nʉm: “Señor Jesús, deeu jopcha pidú.”

Apocalipsis 3:11

Iin jopcha beeju aajem. Pʉchdeu i iek ʉkhatarr ich jãg ʉkha chirʉmjo, ich jãg wajapha ʉkhapi sim, pʉchig nem deeju arr jũrr chikhamnagta deem ugua.