Apocalipsis 1:19 - Wounaan Meu

¹⁹ Maimua mʉrʉg, “Cha pʉchdeu nem oobarm dʉi nau pʉchig oopibarmpa ẽsap gaai thumaa phã sĩubá” ajim, “mʉʉgwai nem in thʉnʉm, maimua mʉgtarr khurjã nem obeberg maju thum phã sĩubá” ajim.

Woun Meu

¹⁹ Maimua mʌrʌg, “Cha pʌchdëu nem hoobarm dʌ̈i nau pʌchig hoopibarmpa hẽsap gaai t'umaa p'ã sĩubá” hajim, “mʌʌgwai nem hin t'ʌnʌm, maimua mʌgtarr k'urjã nem höbëbërg maju t'um p'ã sĩubá” hajim.

Apocalipsis 1:19 Iomraidhean Croise

Apocalipsis 1:1

Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Apocalipsis 1:11

“Nau mua pʉchig nem oopibarm thumaa ẽsap gaai phãnaa Asia durr phobor siete nʉm ee mʉ iek ʉkha nʉm khʉʉn aar deebapʉi” ajim: “Efesopienag, Esmirnapienag, Pérgamopienag, Tiatirapienag, Sardipienag, Filadelfiapienag maimua Laodiceapienagjã agjo.”

Apocalipsis 1:12

Mʉchig mag iekhabaichem khap aag awi mua ewag phʉʉrbanaa oowai, lámpara bʉ ausĩiujemta phĩr den phurii khitheem ãbam aig siete nʉm oojim.

Apocalipsis 10:4

Maimua mag pagthʉm siete narrau iekha dichdimaawai ya mua ẽsap gaai phãag ẽkha chirajim. Mamʉ magbaa ĩchab ʉ̃gtharmua mʉrʉg woun iekjo, —Jãg pagthʉm siete narrau nem jaaubarm pʉchdeu ũrtarr oob phãm; sĩi pʉch thãar eepai wai sĩsí ajim.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.