Apocalipsis 1:18 - Wounaan Meu

¹⁸ “Mʉchpai khabahab” ajim, “ar meewi deeu iiu phiidʉtarr; magtarr cha agtha iiu chirʉm, mʉg atagjã ich mag iiu chitʉm iekhau. Mʉchdeuta khap chirʉmgui” ajim, “jãagwaichata õor meepiju, maimua mag meewaijã chijã khʉʉnta khĩmie durr wetju” a iekhamajim mʉrʉg.

Woun Meu

¹⁸ “Mʌchpai k'abahab” hajim, “har meewi deeu hiiu p'iidʌtarr; magtarr cha hagt'a hiiu chirʌm, mʌg hatagjã hich mag hiiu chitʌm hiek'au. Mʌchdëuta k'ap chirʌmgui” hajim, “jãagwaichata hõor meepiju, maimua mag meewaijã chijã k'ʌʌnta k'ĩmie durr wëtju” ha hiek'amajim mʌrʌg.

Apocalipsis 1:18 Iomraidhean Croise

San Mateo 11:23

Maagwai Capernaumpien igwiajã, ¿khan abarju? ajim anʉm. Magnaa ichdeupai, ¡Eh! Amaun amach tho nʉmgui ajim anʉm, amachta chi wäjäaun awia. Amaun ʉ̃gthar paaukhabaimaajã amachta chi pornaan khajupii nʉm. Mamʉ jãkhʉʉn chan Ẽwandamau ich aar obeerpiba, khĩmie durrta warag barkhʉʉipʉijugui iekhamajim aajem. Sodoma phobor eeta jãg pãar ee õrau ooba aajem nem waumatarr wautarr amuan, jãg phobor agtha sĩerrakham, Ẽwandam iek ʉkhatarr gaaimua.

San Mateo 16:19

Pedro, pʉrʉgta mua mʉch iek jaaumkhĩir jaau chirʉmgui ajim. Pua mʉ iek jaaubaadem ũrwi ʉkha nʉm khʉʉn mʉ denkha nʉisiju. Mamʉ ĩchab pua jaau khitʉm ũr nʉmjã asekasba warag iseg nʉm khʉʉnan amach mag nʉm gaaimua warag ich mag okhoo wenʉrrajugui ajim. Mag nʉm aiguin pua chi mʉ aar oberju aai nʉm khʉʉnag puertdi weeu deenaa pod dubbaju aai nʉm khʉʉn athee sĩi warag phãar sĩsiukhamjota aju.

San Lucas 24:5

Magbaawai jãphierr ajaugau pod am khĩir eerpaba sĩi eeg ʉ̃thʉ phobaadeewai makhʉʉnau amach garmua amag magjierram anʉm: —¿Chi monakhamta khanthee pãrau i jʉr wenʉrrʉmma ajierram anʉm, mʉg jẽbdi õor kheraag watarr ee?

San Juan 11:25

Magbaawai irig Jesuu magjim: —Muata õor phiriu aunaa ich mag wai chirsiejem. Chi mʉ iekta ʉkha sim khʉʉn meewiajã deeu iiujugui ajim.

San Juan 14:19

Nau mʉigmua jopcha pom khaba nʉm ee, mʉg jẽb gaai mʉ iek ʉkhaba nʉm khʉʉnau tag mʉ oobaju. Pari mag amau mʉ ooba awiajã pãar dʉin deeu maach oojugui ajim. Mag deeu maach oobaawaita pãrau khaphʉ ajugui ajim, pãachjã mʉchjo ich mag iiu wenʉrraju.

Romanos 6:9

Maadeu khaphʉ nʉm, Cristo iiu phiidʉtarr aawai tag meebam; í tag maach dajẽkhum khʉʉnjo khaba sĩsim.

2 Corintios 13:4

Amau i thõowain chadcha juapadam theegjã chukhumjo pa gaai ʉdʉraa ich meerphepijim; pari magtarran ĩsin jũrr ich Ẽwandam jua theegauta phiriu auwia iiu sĩejem. Jãg kha thũu ʉdʉraa ich meerphepitarrjo mʉchjã agjo kha thũumjo ithũuta pãrag iekha chitʉm; pari agtha khaigba wenʉrraajem khʉʉnag ikhʉaba iekhaagan nem khĩir ubag chirʉm, Ẽwandam Cristo phiriu autarr ag juapaata wai chiraawai.

Gálatas 2:20

Maguata nem khaigbam wawaagan mʉʉn nawe Cristo thõo naawai i dʉi ãba pakuls gaai thõrrjota chirʉm, magʉm ley ʉʉrkha nʉmuata tag mʉch peerdʉjujã khĩirjuba. Pari tag warramjo mag khĩirjuba chirʉmʉn mʉch khĩraupai khaba, Cristo mʉ thãar ee sim ag juapaauta mʉrʉg magpi sim. Maguata Ẽwandamau khõsimjo wawaag ich Iewaa Cristoou mʉchig juapá deeju khĩirju chirʉmuata nem wau chitʉm, chadcha ichdeuta ich garmua mʉ khõsi awi mʉ kõitjã ichta thõopitarr aawai.

Colosenses 3:3

Pãran ya nem parhoobam wauju khĩirjug isegtarr khʉʉnau. Magtarr aawai pãran Ẽwandamau ich aar phe auwia Cristo dʉi ãba jooba wenʉrrapiju khʉʉnau.

Hebreos 1:3

Ichdeuta ĩchab mag ich Aai dʉimua nem thumaa ompaatarrjã sĩi ich iiu aawai ichdeuta wai dʉnʉm. Ichta ich Aai khĩir thegnaa beetarr aawai i gaaimuata ĩchab Ẽwandam ajaugjã khaphʉ aajem. Ichta maach kõit ʉdʉraa ich thõopiwi, ichdeuta ich bagau maach khaibag thumaa chugpaawi, ʉ̃gthar mawi, Ẽwandam juachaar gar jupimajim, ichta ich mag maach thumaam khʉʉn Porkha sĩerraag.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

Hebreos 7:25

Maguata ich gaaimua Ẽwandam jʉr nʉm khʉʉnan, irua peerdʉ aub khaba peerdʉ auwi ich mag ich denkha wai sĩsiejem. Mag ichjã ich mag iiu sĩerraawai ich iek ʉkha nʉm khʉʉn kõitjã ich mag ichdeuta Ẽwandamag jeeu nʉrraju.

Apocalipsis 10:6

—Ẽwandam ichta ich mag meejã khaugba sĩerranaa mʉg edaujã ompaawi, mʉg jẽb, mʉg phũas maimua makhʉʉn ee nem thʉnʉm thum ompaatarr Jooi iekhau, mʉgbarm aigmua ya chadcha maachdeu jaau nʉmjo aimʉʉ pamgui ajim.

Apocalipsis 15:7

Mag am oberdʉtkhabaicheewai nacha mag nemchaainjo ich paar sĩsidʉm jayap narr eem ãbmua amag amachpierr jarrdam phĩr den ãhãbdo deemajim. Makhʉʉn jarrdampierr maach Ẽwandam ichta warrgarjã ich mag sĩerrawi mʉg atagjã ich mag sĩerraju ag khĩir machgauta khajapham do denjo ipir sĩsid ajim. Mag sĩsidʉm chookhʉʉibaadeewaita ichdeu chachmampierr nem khĩir pogkhe obermaju.

Apocalipsis 2:8

Esmirna phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi Nacharam anaa chi Ãbmiecharam aajemuata pʉrʉg ich imeerba mʉg ẽsap phã deepʉipijim; ajapcharan ar meewi deeu iiu phiidʉtarrauma. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau:

Apocalipsis 20:14

Mag ẽsap õor iiu wenʉrraju jaau sim gaai thʉ̃r oberba abarm khʉʉnan, mag thʉrrdo õtdaujo uu wejom eeta barkhʉʉipʉijim, ajapcharan khĩmie durrma. Mag barkhʉʉi nʉmta, mʉg jẽb gaai meewi deeu ũwaai mee nʉm aajem. Maigta ĩchab õor denjo maach dajẽgpiejerrjã tag dajẽgba aadeju, ichpa chi khaigbam khʉʉn dʉi mag thʉrrdo õtdaujo wejom ee barbapäaiwai.

Apocalipsis 3:7

Filadelfia phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan Cristo iekhau, ar ichta bʉ̃ʉrjã pekau chukhunaa seu chukhu khitʉm iek. Ichdeuta warr rey David khararr yabmejã wai chirʉm aajem. Iruata mag yabmeeu puertdi weeu sĩubarm chan ni ãbmuajã pod phãar aubam aajem; wa iruata warag khãijã phãar sĩubarm chan ãbmuajã pod weeu aubam aajem. Ich mag sĩerrʉmuata pʉrʉg ich iek jaaupʉipitarr aawai pʉrʉg jaaukhim:

Apocalipsis 4:9

Mag sĩi ich khapan sĩsidʉmua maach Ẽwandam ichta ich mag thõojã khaugba mag ich porkhau gaai oo simʉg jeeu nʉmua, ʉu ajim anaa i tho iekha naajim.

Apocalipsis 5:14

Magbaawai mag khanjo ich paar sĩsidʉm khʉʉnau ĩchab amach paarmua o ãba, “Jãan chadcha ich magau” aajeejim. Makhʉʉnau magbarm dʉi ĩchab mag jooin veinticuatro narr khʉʉnaujã deeu jĩepor phõbkhanaa am wajaug tho iekhajierram amag jeeumamua.

Apocalipsis 6:8

Magbaa mua agʉg oowai cabaai uashãu khĩirkha sim gaai ãb wounjo simta mua oojim. Mag wounjo sim thʉ̃r “Chi Meem” a thʉ̃r sĩejim. Mag gar deeum urajim. Ma, i thʉ̃r “Khĩmie Durr” a thʉ̃r naajim. Makhʉʉnag jua theeg deewi mʉg durr peer jãrrchapaím amag jaaujim, esparau õor khechnaa, jãdaúajã khechnaa, ben theeg õor ee burrpiwi agʉmuajã khechnaa, sĩi nem pabʉ eem nem maach khoojemʉgjã õor khechpʉimkhĩir.

Apocalipsis 9:1

Maimua chadcha chi Ẽwandam chognaan sirju waaur narr eem ãbmua ich trompeta tẽee aadejim. Mag siram cincoom gaai, Ẽwandam chogta edjã eemua phĩdagjo phug beem mua oopʉijim. Magʉg, sĩi jẽbdijo ierr maach dau warp ithurm jaaba wejom ee thʉrrdo sim den chi yabme deepijim ich Ẽwandamau.