Apocalipsis 1:17 - Wounaan Meu

¹⁷ Mag oobarmʉn mʉʉn sĩi chi meemjota thʉbepjã chukhu i bʉkhʉrr buju aimajim. Mamʉ magbaawai ichdeu mʉ gaai pʉrnaa, “Oob jãphierram” ajim. “Mʉchta nem thum ompaaju nawe chirajim; mʉg durr thum owiajã mʉchta ich mag chirsiju khabahab” ajim mʉrʉg.

Woun Meu

¹⁷ Mag hoobarmʌn mʌʌn sĩi chi meemjöta t'ʌbëpjã chuk'u hi bʌ̈k'ʌrr buju haimajim. Mamʌ magbaawai hichdëu mʌ gaai pʌrnaa, “Hoob jãp'ierram” hajim. “Mʌchta nem t'um hompaaju nawe chirajim; mʌg durr t'um höwiajã mʌchta hich mag chirsiju k'abahab” hajim mʌrʌg.

Apocalipsis 1:17 Iomraidhean Croise

San Mateo 14:27

Pari magbaawai ich Jesuu, —Keena, oob jãphierrmiet; mʉ khabahab ajim marag.

San Mateo 28:4

Soldaaun chi jẽbdi thʉa narr khʉʉn mag oobaawai jãphierr wajaugau kha duuiphobaadewi sĩi warag chi meemjo jẽkhʉt thuphãau aphobaadejim anaabá.

San Mateo 28:5

Pari mag chi soldaaun thuphãau aphobaadem ee, chi Ẽwandam chogau chi ʉʉinag, —Oob jãphierrmiet ajim anʉm. Mua khaphʉ chirʉmgui ajim anʉm, pãrau Jesuuta jʉr wenʉrrʉm, ar amau pakuls gaai meerphe thõotarr.

San Juan 13:23

Maagwai mʉ i bigaau i dʉi ãba thach kho oo chirajim, mʉʉta ʉ̃rcha ichdeu jãsene aajerr aawai.

San Juan 21:20

Maimua ereubaadewi Pedroou deeu ewag oo nʉʉ aawai ich Jesuu ʉ̃rcha daupii aajerrta am ẽudee urajim. Ich ag wounau ajim i thõoju noram ãbmiecha thach kho naawaijã, ichta igarcha oo sĩerr aawai, irig “¿Khaíuta mag pʉ oomapha aajem khʉʉnag pʉ pʉr deeju agá?” a jeeutarr. Wajapcharan magan mʉchma, mʉchta am ẽudee maa ajim.

Apocalipsis 1:11

“Nau mua pʉchig nem oopibarm thumaa ẽsap gaai phãnaa Asia durr phobor siete nʉm ee mʉ iek ʉkha nʉm khʉʉn aar deebapʉi” ajim: “Efesopienag, Esmirnapienag, Pérgamopienag, Tiatirapienag, Sardipienag, Filadelfiapienag maimua Laodiceapienagjã agjo.”

Apocalipsis 1:4

Mʉʉn Juanau. Muata mʉg ẽsap phã deepʉi chirʉm Asia durr phobor siete nʉm ee Ẽwandam iek ʉkha nʉm khʉʉnag. Mua pãar kõit jeeu chirʉm, ichta warrgarwe ich mag sĩerranaa mʉg atagjã ich mag sĩerraju igwia, ich khu juupjem khĩirphee ich Ẽwandam Akhaar sĩerrʉm igwia, maimua Jesucristo chadam iek chaarcha jaauchetarr igwiajã jeeu chirʉm, pãar dau ee aug khaug paraanaa pãar ʉu wai nʉm dʉi ĩchab pãar khõinaa wai wenʉrramkhĩir. Mag Cristota meeba arrjo nacha iiu phiidʉwia mʉg reinaan thʉnʉm khãaijã iek theeg ʉ̃rcha sĩerrʉm. Ich ag Cristota maach daupigau ʉdʉraa ich thõopijim. Magbarmua maach khaibag chugpaapʉiwia

Apocalipsis 1:8

Ich Ẽwandamauta ich igwia, “Mʉchpaita nacharam ẽsapdau Ajonaa chi ãbmiecharam Zetajo chitʉm” a iekhaajem, ich warrgarwejã ich mag sĩerrawi mʉg atagjã ich mag sĩerraju Jooirau. Ichdeu mag sim aawai oob khĩirjumiet. Ichta Ẽwandamau, thumaam khʉʉn Por; i athee chan phithurm nem chukhum.

Apocalipsis 2:8

Esmirna phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi Nacharam anaa chi Ãbmiecharam aajemuata pʉrʉg ich imeerba mʉg ẽsap phã deepʉipijim; ajapcharan ar meewi deeu iiu phiidʉtarrauma. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau:

Apocalipsis 22:13

“Mʉchta nacharam ẽsapdau Ajonaa, chi ãbmiecharam Zetajo chitʉm. Mʉchta nem thum ompaaju nawe chirajim; mʉg durr thum owiajã mʉchin ich mag chirsijugui” ajim, ich Jesuu ich idamaucha.