Apocalipsis 1:11 - Wounaan Meu

¹¹ “Nau mua pʉchig nem oopibarm thumaa ẽsap gaai phãnaa Asia durr phobor siete nʉm ee mʉ iek ʉkha nʉm khʉʉn aar deebapʉi” ajim: “Efesopienag, Esmirnapienag, Pérgamopienag, Tiatirapienag, Sardipienag, Filadelfiapienag maimua Laodiceapienagjã agjo.”

Woun Meu

¹¹ “Nau mua pʌchig nem hoopibarm t'umaa hẽsap gaai p'ãnaa Asia durr p'öbör siete nʌm hee mʌ hiek hʌ̈k'a nʌm k'ʌʌn haar deebapʌ̈i” hajim: “Efesopienag, Esmirnapienag, Pérgamopienag, Tiatirapienag, Sardipienag, Filadelfiapienag maimua Laodiceapienagjã hagjö.”

Apocalipsis 1:11 Iomraidhean Croise

Hechos 16:14

Makhʉʉn ʉʉin ee ʉʉi ãb Lidia a thʉ̃r sim sĩejim, phobor Tiatira anʉm eem. Ichdeu put khichphe khĩir thethemnaanaupai jũajem ooimʉ khanaa peerjeejim aajem. Mag ʉʉirau ĩchab ag nawe Ẽwandamag jeeujeejim aajem. Mag Lidia anʉmua Pablo iekhamam ũr sĩerr aawai maach Por Jesuu warag i thãar sõsõii apijim, Pabloou ich iek jaaumam ajapha thãraucha ʉkhamkhĩir.

Hechos 18:24

Mag Efeso phobor ee Pablo sĩewi petarr khur, woun ãb Apolos anʉm i ẽudee barimajim aajem. Mag woun Egipto durr phobor Alejandría anʉm eem ajim aajem. Ich mag Apoloou Ẽwandam iek phã sim gaaim ajapha khaphʉnaa nem jaau khaug sĩejim aajem.

Hechos 20:17

Mag phobor Mileto anʉm ee barchewia sĩi Efeso iglesia eem jooin chi pornaanag iek jaaupʉijim, ich oon beemkhĩir.

1 Corintios 15:32

Dich khapeenpaijã khaibag sĩi maach khoojemjo sĩsidʉm dʉijã par iekhaupain Efeso phobor ee chadcha maar jãau nʉmjo aadep aajeejim, Cristo gaaimua. Pari chadcha õor o nʉmjã tag phiidʉba aajeekhiin, ¿khanthee mʉ mʉg chitʉʉ aju chad khabam athee? Mag akhiin magan am iekhõoin, “Keena, jopcha khechju nʉpí, magan warag thach khowia onee dojã dotarrau” aju aai nʉm.

1 Corintios 16:8

Pari ya mʉg phiesta Pentecostés burrju gayaa pamaawai ich mʉig Efeso phobor ee chirʉmua warag phiesta dichpiju.

Efesios 1:1

Mʉʉn Pabloou, Ẽwandamau khõsi sĩerrjo Jesucristooucha ich i jaaumkhĩir jʉr autarr. Muata pãrag mʉg ẽsap phã deepʉi chirʉm, Efeso phobor ee Ẽwandam denkhanaa Jesucristo iek ʉkha nʉm khʉʉnag.

Colosenses 2:1

Mʉch mag chirʉmuata pãrag khap apim khõsi chirʉm, chadcha dʉrrcha Ẽwandamag jeeu chiraajem pãar kõit, Laodicea iglesia eem khʉʉn kõit, maimua khĩircha mʉchdeu ooba aajem khʉʉn kõitpa jeeub khaba jeeu chiraajem.

1 Timoteo 1:3

Ar na mʉch Macedoniaag maagpaawai mʉchdeu pʉrʉg jaau chirarrjo, ich jãig Efeso phobor eepai chirsí, jãg sĩi seukha nem agchajã khaba jaau wenʉrrʉm khʉʉnag tag jãgʉm iek jaaupiba aag.

Apocalipsis 1:17

Mag oobarmʉn mʉʉn sĩi chi meemjota thʉbepjã chukhu i bʉkhʉrr buju aimajim. Mamʉ magbaawai ichdeu mʉ gaai pʉrnaa, “Oob jãphierram” ajim. “Mʉchta nem thum ompaaju nawe chirajim; mʉg durr thum owiajã mʉchta ich mag chirsiju khabahab” ajim mʉrʉg.

Apocalipsis 1:19

Maimua mʉrʉg, “Cha pʉchdeu nem oobarm dʉi nau pʉchig oopibarmpa ẽsap gaai thumaa phã sĩubá” ajim, “mʉʉgwai nem in thʉnʉm, maimua mʉgtarr khurjã nem obeberg maju thum phã sĩubá” ajim.

Apocalipsis 1:2

Magbaawaita Ẽwandamau Jesucristo dʉimua mʉchig oopinaa mʉchig ũrpitarrpa thumaa phã chirʉm.

Apocalipsis 1:20

Maimua mʉrʉg, “¿Pua khaphʉ chirʉ́” ajim “khani jaau sĩ ar mua mʉch juachaar gar phĩdag siete wai chirarr, maimua lámpara ausĩiujemjã phĩr den siete wai chirarr?” Magnaa ichdeupai, “Ar phĩdag siete narr, jã mag siete iglesia nʉm ee agjo pastornaan siete nʉm khʉʉnta jaau simgui” ajim. “Maagwai mag chi lámpara ausĩiujem agjo siete narr, jãkhʉʉn Asia durr mag iglesia siete nʉmta jaau simgui” a jaaujim mʉrʉg ich Cristooucha.

Apocalipsis 1:4

Mʉʉn Juanau. Muata mʉg ẽsap phã deepʉi chirʉm Asia durr phobor siete nʉm ee Ẽwandam iek ʉkha nʉm khʉʉnag. Mua pãar kõit jeeu chirʉm, ichta warrgarwe ich mag sĩerranaa mʉg atagjã ich mag sĩerraju igwia, ich khu juupjem khĩirphee ich Ẽwandam Akhaar sĩerrʉm igwia, maimua Jesucristo chadam iek chaarcha jaauchetarr igwiajã jeeu chirʉm, pãar dau ee aug khaug paraanaa pãar ʉu wai nʉm dʉi ĩchab pãar khõinaa wai wenʉrramkhĩir. Mag Cristota meeba arrjo nacha iiu phiidʉwia mʉg reinaan thʉnʉm khãaijã iek theeg ʉ̃rcha sĩerrʉm. Ich ag Cristota maach daupigau ʉdʉraa ich thõopijim. Magbarmua maach khaibag chugpaapʉiwia

Apocalipsis 1:8

Ich Ẽwandamauta ich igwia, “Mʉchpaita nacharam ẽsapdau Ajonaa chi ãbmiecharam Zetajo chitʉm” a iekhaajem, ich warrgarwejã ich mag sĩerrawi mʉg atagjã ich mag sĩerraju Jooirau. Ichdeu mag sim aawai oob khĩirjumiet. Ichta Ẽwandamau, thumaam khʉʉn Por; i athee chan phithurm nem chukhum.

Apocalipsis 10:4

Maimua mag pagthʉm siete narrau iekha dichdimaawai ya mua ẽsap gaai phãag ẽkha chirajim. Mamʉ magbaa ĩchab ʉ̃gtharmua mʉrʉg woun iekjo, —Jãg pagthʉm siete narrau nem jaaubarm pʉchdeu ũrtarr oob phãm; sĩi pʉch thãar eepai wai sĩsí ajim.

Apocalipsis 14:13

Maimua mua ũurwai ʉ̃gtharmuata woun iekjo mʉrʉg, “Cha mua pʉchig jawaagpam phãbá” a sĩejim. Mag irua phãpi sĩerr iek mʉg ajim: —Ĩsmua atagta chadcha ʉuhcha ajugui ajim, ar maach Por Jesús iek thãraucha ʉkha durrumua mee nʉm khʉʉn. Magbaawai Ẽwandam Akharaujã, —Jãan chadcha ich magau a sĩejim. Mʉg jẽb gaai aawai chadcha phithurg aaujerrjã par khaba aju aawai khĩir meeu nʉisijugui ajim, Ẽwandam athee amachdeu nem wajapha waaujerr jũrr.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.

Apocalipsis 2:1

Efeso phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi iglesia siete nʉmpierr nʉrranaa ich juachaar garmua pãar chi pastornaan siete nʉmjã burrpiba wai sĩejemuata pʉrʉg ich imeerba mʉg ẽsap phã deepʉipijim. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau:

Apocalipsis 2:12

Pérgamo phobor eem pastor: Maach Por Jesucristoouta ich imeerba jaaupitarr aawai muata pʉrʉgjã mʉg ẽsap phã chirʉm. Mamʉ chi iekhan mag ich i ee espaar khẽu mii khitʉm phõpá garm magwe dee khitʉm wai sĩejemuata pʉrʉg ich imeerba mʉg ẽsap gaai mʉg jaaupʉipijim. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau:

Apocalipsis 2:18

Tiatira phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan Ẽwandam Iewaa ar dau sĩi õtdau uu thʉnʉmjonaa bʉjã sĩi broncejo phuunaa bʉpá theeg sĩerrʉmuata pʉrʉg mʉg iek jaaupʉipijim. Magtarr aawai chamʉ́ pʉ atheem iek jaaupitarrau:

Apocalipsis 2:24

Mamʉ i iek pãar ar dosãt iekta õrau amachdeupain chadcharam iek awi agʉg ee thʉnarr khʉʉn igar bʉ̃ʉrjã wetba arr khʉʉnag chan irua tag atcha nem waupi jaaubam aajem.

Apocalipsis 2:8

Esmirna phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ich chi Nacharam anaa chi Ãbmiecharam aajemuata pʉrʉg ich imeerba mʉg ẽsap phã deepʉipijim; ajapcharan ar meewi deeu iiu phiidʉtarrauma. Magtarr aawai pʉrʉg jaaukhim, chamʉ́ pʉ atheem iek pʉrʉg jaaupitarrau:

Apocalipsis 21:5

Magbaawai chi khu juupjem gaai oo sĩerrau, “Muata nem thʉnʉm thum chi iiurig paapäaijem” a iekhajim. Mag iekhapʉiwia, jũrr mʉrʉgta, —Cha mua iekhabarm iek thumaa phã athá. Jãan chadcharam iek aawai pãrau ag gaai ʉkhaju aai nʉmgui ajim.

Apocalipsis 22:10

Maimua ĩchab mʉrʉg magjim: —Ẽwandamau nem thumaamua ichdeu chachmaju mʉg ẽsap gaai jaau simjo aimʉʉ sim aawai, oob pua sĩi õragjã jaauba pʉch thãar eepai khaphʉ wai chitamgui ajim. Mag khãyau thumaam khʉʉnag jaaupet ajim.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.

Apocalipsis 3:1

Sardis phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar Ẽwandam Akhaar ich gaai wai sĩenaa phĩdagjã siete wai sĩejemuata pʉrʉg ich imeerba mʉg iek jaaupʉipijim. Magtarr aawai chamʉ́ pʉ atheem iek pʉrʉg jaaupitarrau: I iek pʉʉn chadcha thʉ̃rphoo sim aajem, Ẽwandam i jewaag. Mamʉ mag simʉn pʉʉn pʉch pekau eepai sĩi chi thõmjo simta jãg sim anaabá.

Apocalipsis 3:14

Laodicea phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan ar chadam iekpaita iekha sĩerrʉm iekhau. Ichdeun ich daúa oonaa ich jʉ̃gʉucha ũrtarrjã ich agjoota jaaujem. I gaaimuata warrjã Ẽwandamau nem thum ompaa aujim. Mag sĩerrʉmuata pʉrʉg ich imeerba jaaupʉipitarr aawai pʉrʉg jaaukhim:

Apocalipsis 3:4

Mag naab mamʉ jãig Sardiim iglesia ee ʉu agtha nʉm aajem, ãaur khʉʉn ʉdʉʉr pekaúg amach ʉ̃rpapiba durrum khʉʉn. Makhʉʉnta khajũa bäphä jũanaa i dʉi wenʉrraju anaabá, am amachdeu ich ipierr wajapha arr gaaimua chadcha mag wenʉrraju aai naawai.

Apocalipsis 3:7

Filadelfia phobor eem pastor: Maach Por Jesucristoouta ich imeerba jaaupitarr aawai muata pʉrʉg mʉg ẽsap phã chirʉm. Mamʉ chi iekhan Cristo iekhau, ar ichta bʉ̃ʉrjã pekau chukhunaa seu chukhu khitʉm iek. Ichdeuta warr rey David khararr yabmejã wai chirʉm aajem. Iruata mag yabmeeu puertdi weeu sĩubarm chan ni ãbmuajã pod phãar aubam aajem; wa iruata warag khãijã phãar sĩubarm chan ãbmuajã pod weeu aubam aajem. Ich mag sĩerrʉmuata pʉrʉg ich iek jaaupʉipitarr aawai pʉrʉg jaaukhim: