Apocalipsis 1:1 - Wounaan Meu

¹ Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.

Woun Meu

¹ Mʌʌn Juanau, Jesucristo chog. Muata pãrag mʌchdëu hootarr jaaum hig chirʌm. Mʌg mua jawaagpam hiek'an hich Hẽwandamaucha Jesucristoog jaautarrau. Mag hichig jaaubaawaita mʌ k'ãaipi hauwi mʌrʌg jaaujim, jũrr mua hich hiek hʌ̈k'a durrum k'ʌʌnag jaaumk'ĩir. Mʌg hiek t'um hich jaaubarmjö chadcha jöpcha haju k'ap hamk'ĩir, Jesucristoou hich chog hãb hʌ̃gt'ar hich dʌ̈i sĩejemʌgta jaaujim, mag mʌ k'ãaipi hat'am hee jũrr magua mʌrʌg jaaumk'ĩir.

Apocalipsis 1:1 Iomraidhean Croise

San Juan 12:49

Chi mʉ iek iseg nʉm khʉʉnaun khaphʉ aju aai nʉmgui ajim, sĩi mʉch khĩrauta mʉch iekham aig iekhaba chitʉm. Mʉ Ayauta mʉ pʉitarr aawai, ichdeuta mua iekhamajujã jajawag maawai, ich agpierrpaita jaau chitʉmgui ajim.

San Juan 15:15

’Sĩi chikham chogkha nʉm khʉʉnau chan amach patronnaanau nem wau nʉmjã khaugba aajeewai ya mua tag pãar sĩi mʉch chognaan gaai thʉ̃rbam. Mag thʉ̃rju khãai sĩi mua mʉch khapeen ata thʉ̃rjugui ajim, ya mʉch Ayau jaaupitarrjã thumaa meerba pãrag jaau wai chiraawai.

San Juan 17:8

Pua jaaupitarr iek ya mua amag jaaujim; mag jaaubaawai amachdeujã ʉkham khõsi ʉkhajierramgui ajim. Magnaa ich Ayag maar kõit iekhamamua, Ya amau ʉkha nʉmgui ajim, chadcha pʉ aarmuata mʉ beejim, pʉchdeu mʉ pʉiwia.”

San Juan 3:32

Mamʉ irua magba, mʉ khãaijã ʉ̃gtharmta ichdeucha oowia ichdeucha ũrtarrta jaau sĩebahab ajim anʉm Jesús igwia. Mamʉ magʉmjã khapancha khaba nʉm i iek ʉkha durrum khʉʉn.

San Juan 8:26

Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.

Romanos 16:25

Mʉg maach peerdʉajem iek ich Jesucristo igwia mua jaau chirʉm gaaimua Ẽwandamau pãar ubʉ apiju, ich iek gaai jaau simjo. Mʉg judionaan khabam khʉʉnpa peerdʉju iekhan, warrgar ich Ẽwandamau mʉg durr ompaaju nawe ichdeu ya khĩirju wai sĩejim. Pari magtarrta warrgar ich i jaaumienag jaauwaijã warre dawaa jaauba,

Gálatas 1:12

Mʉg iek chan õrau mʉrʉg jaautarrjã khaba wa mʉch garmua khãijã deeum khʉʉn dʉi khaugtarrjã khabam. Mʉg iekhan ich Jesucristoou mʉchigcha jaautarrau.

Efesios 3:3

Ar warr mʉg ẽsap phãbaadewe pãrag mʉchdeu bʉchkhun jaau chirarrjo, ich Ẽwandamau ich thãar eepai khaphʉ sĩerrjã ichdeuchata mʉrʉg jaautarr aawai mua khaphʉ chirʉm, chadcha pãar judionaan khabam khʉʉnjã irua ich denkha auju aai sim.

Tito 1:1

Mʉʉn Pabloou, Ẽwandam chog anaa ĩchab Jesucristoou ich i jaaumkhĩir jʉr autarr. Magtarr aawai mʉ phidagan, ar ich Ẽwandamau jʉr aumam khʉʉnag warag i iekta ʉkhamkhĩir amag jaau nʉmʉu, mag jaaumam gaaimua chadcha Ẽwandam iek maachdeu ʉkha nʉm chaarta thumaam khʉʉnau khaugphomamkhĩir.

Apocalipsis 1:19

Maimua mʉrʉg, “Cha pʉchdeu nem oobarm dʉi nau pʉchig oopibarmpa ẽsap gaai thumaa phã sĩubá” ajim, “mʉʉgwai nem in thʉnʉm, maimua mʉgtarr khurjã nem obeberg maju thum phã sĩubá” ajim.

Apocalipsis 1:9

Mʉʉn pãach khod ar Jesús iek gaaimua pãachjo phithurg au pʉʉrba khitaajemuata pãrag mʉg ẽsap phã deepʉi chirʉm. Mag phithurg aaujeeb mamʉ, ich Jesucristoouta magʉm ãwataagjã juapá deejeewai, magʉmjã igba, phithurg jẽedʉ khitʉmua i aar barwi i khĩir wajaug oo wai chitaju. Ẽwandam iek jaau chitʉm dʉi Jesuu nem wau nʉrrarr mʉch daúacha oojerrta jaau chitʉm gaaimua, mau dojãrr phʉram Patmos anʉm gaai preso chirʉm.

Apocalipsis 17:1

Magbaawai Ẽwandam chognaan mag jarr panhapha siete narr eem ãb beewi mʉrʉg, —Pidú mua pʉrʉg oopikhimgui ajim, chi durpathierrmie ar dojã nem pooma bau wejom ʉ̃r oo sim khaibag wauju.

Apocalipsis 19:10

Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.

Apocalipsis 21:2

Mʉch daúachata mua oojim, bʉ̃ʉrjã pekau chukhum khʉʉn phobor, Jerusalén chi iiur, ʉ̃gthar Ẽwandam sim aarmua eeg urum. Mag urumʉn ya ʉʉi wajap chihoowi ich jaai dʉi jua pʉraagpamjo, sĩi thum chi khĩir khaugamta urajim.

Apocalipsis 21:9

Maimua Ẽwandam chognaan siete narr khʉʉnau amach pipied agjo jarr siete wai narr ee ãbmiecha agua õor khaibag wauju waiberr khʉʉn eem ãb beewi mʉrʉg, —Mau pidú, mua pʉrʉg oopikhimgui ajim, Cordero ʉʉi paju.

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.

Apocalipsis 22:6

Maimua chi Ẽwandam chogau mʉrʉg, —Mʉg iekhan chadcharam iek aawai, ag gaai ʉkhaju aai nʉmgui ajim. Ich Ẽwandamau ich i jaaumienag wajapha ich iek jaaumkhĩir khĩirjug deejemuachata ʉ̃gtharmua mʉch ich chog pʉibarmgui ajim, jũrr muata õor ich chognaan agjo mʉg jẽb gaai thʉnʉm khʉʉnag ichdeu mʉg atag jopcha nem wauju thum oopimkhĩir.

Apocalipsis 22:8

Mʉch chi Juanauchata cha mʉchdeu nem jaau dichdimam thumaa mua mʉch daúacha oowi mʉch jʉ̃gʉucha ũrjim. Mag mʉchdeucha oowi ũr dichtarr khur, mua chi Ẽwandam chog mag mʉchig nem thumaa oopitarr bʉkhʉrr kanieu phõkhabaimajim, irig jewaag awia.

Apocalipsis 22:9

Mamʉ magbaawai ichdeu mʉrʉg, —Ʉ̃hʉ̃, oob mʉ dʉi jãgam, mʉjã sĩi pʉjo Ẽwandam chog khabahab ajim, pʉ khodnaan Ẽwandam i jaaumien ar mʉg ẽsap gaai phã sim ʉkhawi ag ipierraa aajem khʉʉnjo. Mʉrʉg jeeuju khãyau Ẽwandamagta jeeubá ajim.

Apocalipsis 4:1

Mag mʉrʉg thumaa jaau dichtarr khur mua oowai, edjãata puertdijo weeudʉ wejom mua oobaadejim. Mag eemua nacha mag mʉchdeu trompeta jẽbag sim iek ũrtarr ag odijo simuata mʉrʉg, “Mau ʉ̃gthar pidú, mʉg atag nem thumaa obeberg maju mua pʉrʉg oopikhim” a sĩejim.

Apocalipsis 5:7

Mag chadcha mag corderodamjo khitʉmua mawi, mag porkhau gaai jup simua juachaar gar ẽsap pʉʉrthʉ sim wai sĩerr jũrr i jua eem jeeu auwimajim.