3 Juan 1:8 - Wounaan Meu

⁸ Magua maachdeuta jũrr amau nem ig nʉmjã khap aju aai nʉm, mag amau nemdam ig nʉm dee nʉmua warag Ẽwandam iek chaarta jaaumkhĩir. Mag nʉm aig maadeu warag Ẽwandam iekta maach paarmua aaidʉpi nʉm.

Woun Meu

⁸ Magua maachdëuta jũrr hamau nem hig nʌmjã k'ap haju haai nʌm, mag hamau nemdam hig nʌm dee nʌmua warag Hẽwandam hiek chaarta jaaumk'ĩir. Mag nʌm haig maadëu warag Hẽwandam hiekta maach paarmua haaidʌpi nʌm.

3 Juan 1:8 Iomraidhean Croise

San Mateo 10:14

Maagwai pãach amach aig barpiba ni sĩi pãach iekpaijã ũrmapha abaawai mag di aigmua wa mag phobor eemua khãijã ereubaadet ajim. Mamʉ mag wetaagpamuajã warre amach dakhĩirwe pãach bʉ gaaim jẽb ʉʉrphe ʉʉrphenaa amag, “Pãachdeu jãg ũrba abarm gaaimua Ẽwandam dʉita khĩir khap abat” a iekhawia ereubaadet ajim.

San Mateo 10:40

Mag iekhakhagmamua marag, —Pãar mʉ iek jaau wenʉrrʉm aig, õrau ʉuta pãar amach aig baarpinaa pãar iek ũr nʉmʉn magan mʉpata ĩchab ʉdʉʉr amach aig barpi nʉmgui ajim, muata pãar pʉi chiraawai. Mag amau mʉjã amach aig barpi nʉm aig, ich chi mʉ pʉitarr Jooipata barpi nʉmgui ajim, mʉchjã ichdeuta pʉitarr aawai.

San Lucas 11:7

irua ierrmua jũrr pʉrʉg, “Ideu mʉ khajapha khãaipibá. Ya mʉ put ee chirʉm; mʉ chaainjã ya khãidʉtkha thʉnaawai pod mʉ pʉ aar puertdi wewaanjã mabam; pʉ nem ig sim pod mua deepʉibam” akhiin, ¿jãgaju khai?

2 Corintios 6:1

Mʉchjã Ẽwandam dʉita phidkha chiraawai irua pãach dʉi wajapha am khõsi sim mua jaau chirʉm chan oob pãrau par jʉ̃gʉupai ũrmiet a chirʉm.

2 Corintios 8:23

Ãbmua khãijã Tito igwia pãachig, “¿Jã khaíuma?” abaawai, jũrr mʉ igwia, “Jãan Pablo khaperau, pãach juag oom khõchgau i dʉi ãba phidkhaajem khabahab” abat. Wa jũrr i khapeen ar i dʉi numí wetum khʉʉn igwia khãijã, “¿Jãkhʉʉn chijã khʉʉnauma?” abaawai, “Jãkhʉʉnan mau Macedonia durr iglesia nʉnʉidʉm eem khʉʉnau jʉr auwia pʉitarr khʉʉnau” abat, “ĩchab wajapha maach Cristo iek ig iyʉʉ aajem khʉʉn.”

Filipenses 4:3

Maimua pʉjã, mʉch khapeer ajapham, ĩchab maach peerdʉajem iek eemua bʉ̃ʉrjã ogdʉba nʉrraajeewai pʉrʉgjã jãkhʉʉn ʉʉin wawibá a chirʉm, tag ich jãg wenʉrram ugua. Mua õor ee maach peerdʉajem iek jaau chitaawai jãkhʉʉn ʉʉinauta Clemente dʉimua tagam khʉʉn agjo mʉ dʉi ãba wenʉrrarr khʉʉnpa mʉ bʉ ogdʉba dʉi mʉ ipierr jaau durraajeejim. Mag mʉ dʉi wenʉrrarr khʉʉn thʉ̃r ya ʉ̃gthar Ẽwandamau ichdeu peerdʉ aumam khʉʉn thʉ̃r phãkhamaajem ẽsap gaai ĩchab phãkha thʉnʉm.

Colosenses 4:11

Maach khodam Jesús ibʉʉr wauwi Justo aajemuajã salud deepʉi sim. Mʉig judionaan chi ʉkha durrum khʉʉn ee mʉkhʉʉn thãrjuppaim khʉʉnauta ʉu mʉ ipierr jaau durrum, Cristota amach thãar ee auwi irigta ʉdʉraa amach Porkhapimkhĩir. Magua amauta ĩchab ʉu mʉ khĩirdam jãsenkha wai naajem.

1 Tesalonicenses 3:2

jũrr maach khodam Timoteota mua pʉijim, ĩchab Cristo iek jawaag Ẽwandamau ichig nem mag aawai bʉ̃ʉrjã i ichaaur magʉm aba khitaawai. Iita mua pʉijim, pãar oon mawia pãachdeu ʉkha nʉm iek gaai ubʉ naamkhĩir warag pãrag jaaumkhĩir,

Filemón 1:2

Mʉg ẽsap gaai mam ĩchab salud: maach ʉ̃phʉi Apia athee; Arquipo, maach ipierr dʉi ogdʉba maach Ẽwandam iek jaau khitaajem athee; maimua ĩchab chi ʉkha durrum khʉʉn thum pʉ di aig ãba biirdʉwia Ẽwandamag jeeujem khʉʉn atheejã agjo salud deepʉi chirʉm.

Filemón 1:24

Mag tag ĩchab pʉrʉg salud deepʉi nʉm: Marcoou, Aristarcoou, Demas aajemua, maimua Lucaaujã agjo. Mʉkhʉʉnauta dʉi mʉ ipierr ogdʉba maach peerdʉajem iek jaau durraajem.

3 Juan 1:10

Ich jãg chitʉm athee, mʉchcha jam baarwai mua pãar dakhĩir irig iekhaju; maumua mua ũurwai ichdeuta jãg mʉ eugarjã seukha chadam iek khabampa õrag jaau nʉrraajem aajem. Pari wajapcharan mag seukha simpaijã khaba, hermanonaan warpmua Ẽwandam iek jawaan beewaijã õor recibiiba simta bigaaum khʉʉnau recibiim iigwaijã ideu recibiipiba aajem anʉm. Mag nʉm ee ãbmua khãijã õor recibiimʉn mag hermanodam warre iglesia eemuajã jʉrpʉipiejem aajem, mag warpmua berr recibiitarr kõit.

3 Juan 1:7

Am jãg wenʉrrʉmʉn, chadcha Cristo iek chaar jawaagta jãg wenʉrrabahab; mag wenʉrrʉmjã Ẽwandam iek ʉkhaba nʉm khʉʉnag chan nem jeeuba wenʉrrʉm.

3 Juan 1:9

Mua jam chi ʉkha durrum khʉʉnag ũrmkhĩirta nawe mʉchdeu ẽsap phã deepʉitarr gaai jaaupʉijim, ʉu mag Cristo iek jaau wenʉrrʉm khʉʉn pãach ee recibiimkhĩir. Mamʉ magtarrta Diotrefeeu, ichta thumaam khʉʉn khãaijã ʉ̃rpai am khõsi sĩewai, irua mʉ iek asekasmapha sim.