3 Juan 1:7 - Wounaan Meu

⁷ Am jãg wenʉrrʉmʉn, chadcha Cristo iek chaar jawaagta jãg wenʉrrabahab; mag wenʉrrʉmjã Ẽwandam iek ʉkhaba nʉm khʉʉnag chan nem jeeuba wenʉrrʉm.

Woun Meu

⁷ Ham jãg wënʌrrʌmʌn, chadcha Cristo hiek chaar jawaagta jãg wënʌrrabahab; mag wënʌrrʌmjã Hẽwandam hiek hʌ̈k'aba nʌm k'ʌʌnag chan nem jëeuba wënʌrrʌm.

3 Juan 1:7 Iomraidhean Croise

San Juan 15:21

Amau mag amachdeu am aig pãar khaibag wauju a chirʉmʉn, pãach mʉ dʉi khapeerkha nʉm gaaimuata pãar dʉi amau magju. Pari mag nʉmʉn, mʉ pʉitarr Ẽwandam amachdeu khaugbam gaaimuata pãar dʉi amau magjugui ajim marag.

Hechos 20:33

Khaphʉ abat pãrau ĩchab: Mʉ chan mʉg chitʉm aig chikham phatkhondam wa khajũadam khãijã wajappha oowai, “¡Ih! jãgʉm thumta mʉ deneg pabaadekhiina” aba chitʉmgui ajim.

Hechos 20:35

Mʉchjo mag phidkhamkhĩirta mʉch chitʉmpierr mua ich mag pãrag jaau chitaajem, mag phidkha nʉmua ĩchab dau aphʉʉ amachdeu nemdam ig nʉmjã pod auba durrum khʉʉn juag oo wenʉrramkhĩir. Pãade maach Por Jesuu iekhatarr khĩir eyaa abat ajim: Iin chadcha i iekhõoin “Dich garmua chikhamnag nemdam deewaita maach oneecha aajemgui ajim, chi au sim khãaijã.”

Hechos 5:41

Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai.

Hechos 8:4

Mamʉ ĩchab amach eugar mamagkham ee, Jerusalén phobormua deeum durrag dʉr wettarr khʉʉnau warag amach wenʉrrʉmpierr õrag maach peerdʉajem iek jaau wenʉrrajim aajem.

Hechos 9:16

Mua mʉchdeucha irig jaaukhimgui ajim anʉm, jãga mʉ gaaimua i dau aphʉʉ phithurg aju.

1 Corintios 9:18

Magua mʉch khĩrauta mag i iek jaau chitaawai mʉ onee chiraajem, ni Ẽwandamaujã mag par jaaupiba sim ee mʉchdeupaita par jaau chitaawai. Mʉch mag chirʉm gaaimua onee chirʉmta mʉrʉgan ya phatkhonaucha jua ee phagbarmjo sim. Chadcha pãrag nem jeeuju aai chirʉmta, Ẽwandam iek jaauba chitʉmjota bʉ̃ʉrjã pãrag jeeuba chirʉm.

2 Corintios 12:13

Ãba mua pãar ee aubajimjoo arran, tagam iglesia ee arrjo khaba pãar jua eem nemdamta mua bʉ̃ʉrjã aubajim, eeu degolp mʉ gaaimua jũrr pãachta augchem ugua awia. Mamʉ jãg pãach jua eem nem auba aajerr paar pãachdeujã dʉi mʉ jaauju khaphʉnaa warag dʉrrchata pãrag jeeupʉitarr amuan pãrau mʉ jãsenecha khãijã wai naakham.

2 Corintios 4:5

Mʉ chan pãrag wir aig mʉchta pãar porkha chirʉm a jaauba chitʉm, muan Jesucristota õrag amach porkhapimkhĩir jaau chitaajem; í khabahab chadcha maach Por. Mʉch garmuajã Jesucristo khõsi chirʉm gaaimua, mʉg i iek jaau chitʉmua mʉʉn sĩi pãar chogkhata chitʉm.

Filipenses 2:9

Mamʉ magtarr jũrr Ẽwandamau irig ichta thumaam khʉʉn khãai ʉ̃rpai apiwia ichta tagam khʉʉn khãaijã ajapcharam gaai thʉ̃rjim.

Colosenses 1:24

Mag maach peerdʉajem iek jaau chitʉm gaaimuata mʉʉn mʉg dau aphʉʉ preso chirʉm. Mamʉ mʉch mʉg chirʉmjã jũrr pãachta ʉu amkhĩir aawai mag aphʉʉ chirab mamʉ onee chiraajem. Mʉch mʉg wai nʉm gaaimuata, ich jãg Cristoou iglesia ich morkha sim athee ich dau aphʉʉ wai naawai ãwattarrjo, mʉchdeujã agjo i denjo aju ẽkha chiraajem.

3 Juan 1:8

Magua maachdeuta jũrr amau nem ig nʉmjã khap aju aai nʉm, mag amau nemdam ig nʉm dee nʉmua warag Ẽwandam iek chaarta jaaumkhĩir. Mag nʉm aig maadeu warag Ẽwandam iekta maach paarmua aaidʉpi nʉm.

Apocalipsis 2:3

I iek pʉ chadcha i gaaimua phithur khitaajem aajem. Mamʉ magʉmjã pʉ khĩir bʉ̃ʉ aa khaugba ni khajewaajã khaugba phidkha khitaajem aajem.