3 Juan 1:6 - Wounaan Meu

⁶ Mag amau mʉrʉg pʉ jaaucheewai amau chi ʉkha durrum khʉʉn khapan thʉnʉm dakhĩirta jaau naajim, jãga pua ʉu am khĩir jãsenkhajĩ. Jãkhʉʉn wounaan deeu pʉch aar weetwai Ẽwandamau waupi jaau simjo amau nemdam ig nʉm thumaa amag jʉr deebá, amach dʉi warramkhĩir.

Woun Meu

⁶ Mag hamau mʌrʌg pʌ jaaucheewai hamau chi hʌ̈k'a durrum k'ʌʌn k'apan t'ʌnʌm dak'ĩirta jaau naajim, jãga pua hʌ̈u ham k'ĩir jãsenk'ajĩ. Jãk'ʌʌn wounaan deeu pʌch haar weetwai Hẽwandamau waupi jaau simjö hamau nemdam hig nʌm t'umaa hamag jʌr deebá, hamach dʌ̈i warramk'ĩir.

3 Juan 1:6 Iomraidhean Croise

Hechos 15:29

Par Ẽwandam chaar khabamʉg jewaag wai narr nemek mod oob khomiet. Nem thõowia ag bag den reyen wau sĩsidʉmjã khoba, ni nem sĩi begone bag ãrba thõo sim modjã oob khomiet. Mag nʉm dʉi ĩchab dich õor khabam dʉi chan oob bʉ̃ʉrjã khapes amiet. Cha marau jaaupʉi nʉmta chadcha pãrau mag sʉrkha nʉmʉn, magan pãar ʉu wenʉrrʉm. Ma ajim marau pãrag jaaum ig narr. Ayoo Keena” a phã sĩejim aajem, chi ẽsap gaai.

Hechos 15:3

Mag chadcha Antioquía phobor ee chi ʉkha durrarr khʉʉnau amach pʉibapäaiwai ereubaadewi, Fenicia durr dichwia, Samaria durrjã dichjierram aajem. Mag wenʉrrʉmua amach wetumpierr õrag jaaujeejim aajem, jãga judionaan khabam khʉʉnaujã amach jooin warrgarm khʉʉn i isegwia khĩirjug iiurta aujierrá, Ẽwandam iek chaarcha ʉkhaag. Mag amau nem ĩgkhamam ũrwia thum chi ʉkha durrum khʉʉn onee durrajim aajem ĩchab.

Hechos 21:5

Mamʉ par mag mapiba jaau nʉm ãba, seman ãb dichdimam ee maar wetaagpajim. Mag maar wetum aadeewai Ẽwandam gaaimua maach khodkha nʉm khʉʉn thum amach ʉʉin dʉi amach chaainpa phobor igaau jer maar oopäain beejim. Maig jer mosjã ee pachewi, maach thum jĩepor phõbkhanaa, Ẽwandamag jeeujim.

Romanos 15:24

Españaag mamuata pãar oon mab khaba oon maju khĩirju chirʉm. Mua khaphʉ chirʉm, mag maach ãba onee naawia maigmua mʉ mam edjã pãrau mʉ juag ooju, ʉu España barmkhĩir.

2 Corintios 1:16

Mʉch khĩirjugan Macedoniaag mamuajã nacha pãar aigta jẽerimawi deeu ewag beewaijã ũwaai pãar aigta chiraicheju khĩirju chirajim. Mag, mʉ Judeaag maagpaawaijã ʉu pãrau mʉ juag oomjo mua nemdam igju thumaa mʉrʉg deepʉikham.

Filipenses 4:14

Mag ab mamʉ, pãrau mʉ juag ooju aai khaba naajimjã aba chirʉm. Ante ʉuta pãrau mʉ juag oob khaba oojierram.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

1 Tesalonicenses 2:12

Mag wawimamua marau pãrag “Chadcha Ẽwandam dau na wenʉrraju aai nʉmjota wenʉrrathʉ̃” aajeejim, ichdeu durr jʉ̃a sim gaai wenʉrramkhĩir ichdeuta maach thʉ̃r sĩewai.

Tito 3:13

Ĩchab abogado Zenas juag oonaa Apolos juagjã oobá. Am biekkhaju aawai, pʉch paarmua thachdamjã jʉr deewi amau nemdam igju thumaa khĩirjunaa phedeebapʉi.

1 Pedro 2:20

Mamʉ nem khaigba wau nʉm gaaimuata pãach gaai mag athuucha wau nʉmjã sĩi khĩu jʉm nʉm paar chan, oob Ẽwandamau pãach tho iekhaju amiet. Magarrau nem ajapha wau nʉm paarta warag pãach dau aug wau nʉmjã khĩu jʉm durrumʉn chadau, chadcha Ẽwandamau pãar tho iekhab khaba tho iekhaju.

3 Juan 1:12

Magta sim maach hermano Demetrio. Chadam iek ichdeu khaugtarr ipierr nem ajapha wau simuata ich iiucha jaau simjo merag chukhu khaphʉ api sim, ichdeu chadcha nem wajapha wau sim. Magua thum chi ʉkha durrum khʉʉnau i eugar wajapha jaaujem. Mʉchdeujã mag khaphʉ chiraawaita irua chadcha nem wajapha wau sim a chirʉm. Pua khaphʉ sim, mua chadcha nem jaau chitʉm.