3 Juan 1:5 - Wounaan Meu

⁵ Hermano, pua chadcha Cristo gaaimua maach khodkha thʉnʉm khʉʉn dʉijã Ẽwandamau waupim khõsi aajemjota aajem am dʉi; pari maagjem chan sĩi pʉch khapkhʉʉn aawai khaba, warpmua Ẽwandam iek jawaan bee nʉm khʉʉn dʉita pua mag wajapha aajem.

Woun Meu

⁵ Hermano, pua chadcha Cristo gaaimua maach k'odk'a t'ʌnʌm k'ʌʌn dʌ̈ijã Hẽwandamau waupim k'õsi haajemjöta haajem ham dʌ̈i; pari maagjem chan sĩi pʌch k'apk'ʌʌn haawai k'aba, warpmua Hẽwandam hiek jawaan bëe nʌm k'ʌʌn dʌ̈ita pua mag wajap'a haajem.

3 Juan 1:5 Iomraidhean Croise

San Mateo 24:45

Mag jajawagmamua ĩchab ich Jesuupai deeu ich bee nʉm ora jãga naaju aai nʉm khap amkhĩir awi magjim: —Khanim nemjo patrón ãb simua ich chaaug maagpaawai ich chog ãb simʉg warm khʉʉn porkhapinaa ich magʉgpai ich nem thumaa jaau pʉabajem.

San Mateo 25:16

Mag i petaawai chi piyón mag cinco mil autarrau ag phatkhonau phidkhabaadewi ag ʉ̃r deeu cinco mil gan aujim aajem.

San Lucas 12:42

—Pãragpai khabamgui ajim anʉm; mua mag chirʉmʉn pãach thum chi mʉ iek ʉkha nʉm khʉʉnagau. Magnaa, Pãade ũrbat ajim anʉm: khanim nemjo patrón ãb simua ich chaaug maagpaawai ich chog ãbamʉg warm khʉʉn porkhapinaa ich magʉgpai ich nem thum jaau pʉabajem.

Hechos 1:15

Ich mag Ẽwandamag jewaag am ãba biirdʉdʉkham ed gaai, biek ãb Pedroou tagam khʉʉn agjo Jesús iek ʉkha nʉm khʉʉn khapan ciento veinte nʉm jãrr dʉnʉʉunaa,

Romanos 12:13

Mʉg Ẽwandam iek ʉkha durrum gaaimua i õorkha thʉnʉm khʉʉnau nem iigwai pãachdeuchata ig nʉmjo abat, am nem ig nʉmdam jopkhaa audeeg. Warpmua khãijã beewi pãach aig khãyaag di jeeucheewai am dʉi o wajapha abat.

Gálatas 6:10

Keena, maguata muan pãragan, ʉuta dich khapeen juag ooju aai nʉm aiguin thumaam khʉʉn dʉita ajapha aju aai nʉm a chirʉm. Pari mag nʉm aigjã Cristo gaaimua maach khodkha thʉnʉm khʉʉn dʉita maadeu ʉ̃rcha ajapha aju aai nʉm.

Colosenses 3:17

Mamʉ magʉm nem thum pãachdeu jaauwai wa waauwai khãijã, chadcha maach Por Jesús denkha naawai, ichdeu waupim khõsimjo waum khõsita waubat. Magnaa ĩchab ich Jesús gaaimua ich Ẽwandam chi Ayagjã ʉu ajim abat.

Hebreos 13:2

Pãach aig õor beewaijã amag di ĩgkhaba warag pãach aig jẽerpim khõsita jẽerpibat; kharin õrau amach o ajaugau ich Ẽwandamaucha angelnaan pʉitarr khʉʉnpa amach aig jẽerpiejeejim, mamʉ sĩi parhoobam khʉʉnpii awi mag Ẽwandam chognaanjã khaugbata amach aig jẽerpiejeejim.

3 Juan 1:10

Ich jãg chitʉm athee, mʉchcha jam baarwai mua pãar dakhĩir irig iekhaju; maumua mua ũurwai ichdeuta jãg mʉ eugarjã seukha chadam iek khabampa õrag jaau nʉrraajem aajem. Pari wajapcharan mag seukha simpaijã khaba, hermanonaan warpmua Ẽwandam iek jawaan beewaijã õor recibiiba simta bigaaum khʉʉnau recibiim iigwaijã ideu recibiipiba aajem anʉm. Mag nʉm ee ãbmua khãijã õor recibiimʉn mag hermanodam warre iglesia eemuajã jʉrpʉipiejem aajem, mag warpmua berr recibiitarr kõit.

3 Juan 1:3

Mʉ onee chirʉm chadcha, hermanonaan bee nʉm khʉʉnau jaauwai pʉ chadam iek gaaita ubʉ ogdʉba chiraajem a mʉchig jaauche nʉm ũrwia.