3 Juan 1:12 - Wounaan Meu

¹² Magta sim maach hermano Demetrio. Chadam iek ichdeu khaugtarr ipierr nem ajapha wau simuata ich iiucha jaau simjo merag chukhu khaphʉ api sim, ichdeu chadcha nem wajapha wau sim. Magua thum chi ʉkha durrum khʉʉnau i eugar wajapha jaaujem. Mʉchdeujã mag khaphʉ chiraawaita irua chadcha nem wajapha wau sim a chirʉm. Pua khaphʉ sim, mua chadcha nem jaau chitʉm.

Woun Meu

¹² Magta sim maach hermano Demetrio. Chadam hiek hichdëu k'augtarr hipierr nem hajap'a wau simuata hich hiiucha jaau simjö merag chuk'u k'ap'ʌ hapi sim, hichdëu chadcha nem wajap'a wau sim. Magua t'um chi hʌ̈k'a durrum k'ʌʌnau hi hëugar wajap'a jaaujem. Mʌchdëujã mag k'ap'ʌ chiraawaita hirua chadcha nem wajap'a wau sim ha chirʌm. Pua k'ap'ʌ sim, mua chadcha nem jaau chitʌm.

3 Juan 1:12 Iomraidhean Croise

San Juan 19:35

Mʉch chi mag jaau chirʉmuan mʉch daúacha ootarr aawaita chadcha mag jaau chirʉm. Mua khaphʉ chirʉm, mʉchdeu chadchata nem jaau chirʉm. Mag chadcha arr nemta jaau chiraawai pãrag ʉkhamkhĩirta mʉg phã chirʉm.

San Juan 21:24

Jesuu mʉ igwia mag iekhatarr ich ag wounaupaita mag thumaa cha jaau chirʉm mʉg ẽsap gaai, mʉchjã i dʉi ogdʉba chitʉmua mʉch daúa oojerr aawai. Maagwai tagam khʉʉnaujã khaphʉ nʉm, mua mʉg phã chirʉm nem chadcha arrta jaau chirʉm.

Hechos 10:22

Magbaa amachdeu, —Maar beejimgui ajim anʉm, capitán Cornelioou chogbapäaiwai. I iek mag Ẽwandam chog beewi irig pʉ jʉraan õor pʉipi jaaujim aajemgui ajim anʉm, mag pʉ i di aar petaawai pua nem jaaumam ichdeu ũraag. Jãg capitanan chadcha õor ajaphamʉu. Ẽwandam dau najã agpierraa aajeewai Judionaanaujã thumaam khʉʉnau i kha khõsi aajemgui ajim aajem Pedroog.

Hechos 22:12

Magnaa, —Mag phobor ee sĩejimgui ajim, woun jooi ãb Ananías anʉm. Mag jooi Ẽwandam dau na agpierraanaa ĩchab Ẽwandamau Moiseeg ich iek phãpitarr gaai nem jaau sĩsidʉmjã ajapha ʉʉrkhaajerr aawai, judionaan thum mag Damasco phobor ee naajerr khʉʉnau i eugar ajapha ig iyʉʉ aajeejimgui ajim.

Hechos 6:3

Maimua amachdeupai, Khodamnaan, ar mʉig pãach ee õor agpierraanaa chikhamnau am eugar bʉ̃ʉrjã khaigba jaau nʉm ũrba aajem khʉʉn emkhooin apha siete jʉr athat ajierram anʉm, ar pãachdeu oowai amach gaai Ẽwandam Akhaar phẽs paraanaa ĩchab khĩirjugdamjã khaphʉm khʉʉn. Magbaawai makhʉʉnag jũrr marau mʉg phidag jaau pʉajugui ajierram aajem,

1 Tesalonicenses 4:12

Maagwai bithurgam khʉʉn Ẽwandam iek ʉkhaba nʉm khʉʉnaujã pãach mag oowai, pãar eugar khaigba iekhabaju; mag nʉm dʉi ĩchab pãach mag phidkhaawai pãachdeu nem ig nʉm atheejã pãar augchebaju.

1 Timoteo 3:7

Meperan ãba õrag pekau waupijuuta ẽkha sĩerraawai bʉ̃ʉr abarm gaaimua chi porkha nʉm khʉʉn eugarta Ẽwandam iek ʉkhaba aajem khʉʉnag khaigba iekhapim khõsi aajem. Maguata mag chi porkha nʉm khʉʉnan ar ʉkhaba nʉm khʉʉn daarjã agchata wenʉrraju aai nʉm.