3 Juan 1:11 - Wounaan Meu

¹¹ Hermano, oob pua ejemplo khaigbam chan au chitam; mag khãai ejemplo wajaphamta athá. Pua khaphʉ sim, ar chi nem khaigbam waaujem khʉʉnan Ẽwandamjã khaugba naawaita mag nem khaigba wau sĩerrjeem; pari nem wajapha wau nʉm khʉʉnan Ẽwandam dʉi naawaita mag nem wajapha waaujem.

Woun Meu

¹¹ Hermano, hoob pua ejemplo k'aigbam chan hau chitam; mag k'ãai ejemplo wajap'amta hat'á. Pua k'ap'ʌ sim, har chi nem k'aigbam waaujem k'ʌʌnan Hẽwandamjã k'augba naawaita mag nem k'aigba wau sĩerrjëem; pari nem wajap'a wau nʌm k'ʌʌnan Hẽwandam dʌ̈i naawaita mag nem wajap'a waaujem.

3 Juan 1:11 Iomraidhean Croise

San Juan 10:27

Chadcha mʉ denkha nʉm khʉʉnaun, jãg ovejanaanau iek gaaipai amach pastor khaug aaujemjo, mʉjã khaphʉ nʉm, mʉ khai agá; maagwai mʉchdeujã mua am khaphʉ chitʉmgui ajim. Mag mʉ khaphʉ naawai mʉʉta am na dʉnʉisimʉn, amachdeujã mʉ ẽudee weetjemgui ajim.

San Juan 12:26

Maimua ĩchab chi chadcha mʉ chogkhanaa mʉ dʉi nʉrram khõsi simʉn, ichdeu khõchagpierr nem wauba, mʉchdeu nem waupim khõsimpaita wau nʉrraju aai sim. Mag amʉn magan am wenʉrrʉmpierr mʉchjã am dʉi chitajugui ajim. Ãbmua magta mʉ chogkha nem wau nʉrrʉmʉn, mʉ Ayaujã ich khĩircha i tho iekhajugui ajim.

San Juan 3:20

Maguata ar thum Ẽwandam dau na nem khaigba wau nʉm khʉʉnan jũrr mag õtdau paa dʉnʉmjo chirʉmta oomapha aajemgui ajim. Mag mʉ oomapha naawaita mʉ igjã igba nʉm, mag amach meraa nem wau nʉm khaugam ugua awia.

1 Corintios 11:1

Keena, pãrau oowai mua jãg ãba Cristoou nem waupi simpaita wau chitʉmjo, ich agjo pãraujã mua nem wau chitʉm oonaa mʉ denjota abat.

1 Corintios 4:16

Magau keena. Maguata muan pãragjã mʉch chitaajemjota wenʉrrapi jaau khitaajem.

Efesios 5:1

Ich Ẽwandamau ich garmuajã chadcha pãar ich chaain jãsene aajeewai ichdeu pãach dʉi aajemjota abat pãachdeujã pãach khapeen dʉi.

Filipenses 3:17

Khodamnaan, pãrau mʉ jua eerpanaa mʉ denjota abat. Magnaa ĩchab pãar ee maach wenʉrraajerrjo wenʉrraajem khʉʉn oonaa agjo ajaphata nʉrrjee abat.

1 Tesalonicenses 1:6

Pãach daúa maar mag wajapha wenʉrrʉm oobaawai, pãrau maar wenʉrraajemjo awia ĩchab maach Por Jesús nʉrrarrjo ajierram. Ich ag gaaimua pãar phithurg aujierrab mamʉ, ich Ẽwandam Akharauta pãar thãar onee api sĩewai pãrau maach peerdʉajem iekjã onee ʉkhajierram.

1 Tesalonicenses 2:14

Khodamnaan, ar pãach durr eepai ãba naajem khʉʉnaupai pãar khaibag wawaag athee pãar ẽudee ẽkha naawai, Judea durrjã agjo Ẽwandam iek ʉkha durrum khʉʉn dʉi arrjota ajierram pãar dʉijã. Amjã pãarjo Jesucristo den aawai pãar dʉi arrjo amach durram khʉʉnaupaita am ẽudee ẽkhaajeejim.

2 Timoteo 3:10

Puata chadcha mua nem jaau chirʉm ipierraa aajem. Pua khaphʉ sim, mʉ jãga chitaajẽ maimua khantheeta mʉ mʉg chitʉ́. Pua khaphʉ sim, õor dʉijã mʉ khĩir machag chukhu chitʉm. Magju khãai mua thumaam khʉʉn kha khõsi chitʉm dʉi ĩchab mʉ Ẽwandam gaaijã ubʉ chirʉm,

Hebreos 6:12

Nem ajapha wawaag chan oob khuseukhamiet. Magju khãai maach jooin otarr khʉʉnau aajerrjo warag ʉkhanaat a chirʉm. Amau ogdʉba ʉkha durruu aajerr jũrr Ẽwandamau warrgarwe amachig deeju aajerrjã ya amach jua ee wai nʉm, ya ich dʉichata wenʉrraawai.

1 Pedro 3:11

Chikham dʉi khaigba aju khãai, õor dʉi nem ajapha waujuuta jʉrnaa khõinaa ajuuta ẽkhabá.

1 Pedro 3:13

Ẽwandam mag sĩerraawai ichdeu magpibam aig chan i dau jam õrau pãar chig abarju, nem ajapha wau nʉm paar.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:10

Ar nem wajapham wauba ni dich khapeenjã kha khõchkhaba sim chan Ẽwandam den khaba sim. Mag gaaimua ĩchab khaphʉ aajem, chijã khʉʉnta Ẽwandam chaainá maimua chijã khʉʉnta mepeer chaainá.

1 Juan 4:1

Keena Cristo gaaimua khodamnaan, ĩsin õor seunemkham khʉʉn neeme thʉnʉm; mag seukha wenʉrrʉmta amach iiupain Ẽwandamau jaaupitarr iekta jaau wenʉrrʉm aajem, sĩi magʉm gaaimua õor khũguraag. Oob jãg parhooba nem jaau nʉmta Ẽwandamau jaaupitarr iekta jaau wenʉrrʉm aajem khʉʉn iek ʉkhamiet. Amau jaau nʉm khap aag, ʉkhaju nawe ajapha khĩirjubat, chadcha Ẽwandam Akhaar chaar amach ee wai naawaita mag iekha nʉ wa sĩi dosãtauta mag iekhapi sĩ.