3 Juan 1:10 - Wounaan Meu

¹⁰ Ich jãg chitʉm athee, mʉchcha jam baarwai mua pãar dakhĩir irig iekhaju; maumua mua ũurwai ichdeuta jãg mʉ eugarjã seukha chadam iek khabampa õrag jaau nʉrraajem aajem. Pari wajapcharan mag seukha simpaijã khaba, hermanonaan warpmua Ẽwandam iek jawaan beewaijã õor recibiiba simta bigaaum khʉʉnau recibiim iigwaijã ideu recibiipiba aajem anʉm. Mag nʉm ee ãbmua khãijã õor recibiimʉn mag hermanodam warre iglesia eemuajã jʉrpʉipiejem aajem, mag warpmua berr recibiitarr kõit.

Woun Meu

¹⁰ Hich jãg chitʌm hat'ee, mʌchcha jam baarwai mua pãar dak'ĩir hirig hiek'aju; maumua mua hũurwai hichdëuta jãg mʌ hëugarjã sëuk'a chadam hiek k'abampa hõrag jaau nʌrraajem haajem. Pari wajapcharan mag sëuk'a simpaijã k'aba, hermanonaan warpmua Hẽwandam hiek jawaan bëewaijã hõor recibiiba simta bigaaum k'ʌʌnau recibiim hiigwaijã hidëu recibiipiba haajem hanʌm. Mag nʌm hee hãbmua k'ãijã hõor recibiimʌn mag hermanodam warre iglesia heemuajã jʌrpʌ̈ipiejem haajem, mag warpmua berr recibiitarr kõit.

3 Juan 1:10 Iomraidhean Croise

San Lucas 6:22

Onee abat ajim anʉm, mʉch chi Emkhooi Iewaa iek ʉkha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.

San Juan 9:22

Pari amau jaaumapha magpai jaau narran, ar Jesús igwiata chadcha ich warrgarwe pʉiju aajerrta jãg nʉrrʉm a iekha nʉm khʉʉnan judionaan chi thethem khʉʉnau Ẽwandam iek jaaujem degjã tag dubpiba aag ya ibep nʉm khaphʉ narr aawaita magpai jaau naajim anaabá.

Hechos 1:15

Ich mag Ẽwandamag jewaag am ãba biirdʉdʉkham ed gaai, biek ãb Pedroou tagam khʉʉn agjo Jesús iek ʉkha nʉm khʉʉn khapan ciento veinte nʉm jãrr dʉnʉʉunaa,

2 Corintios 13:2

Ar nawe pekau wautarr khʉʉnag maimua thumaam khʉʉnagpa mua ũwaai pʉaba jaau chirʉm, ar ãbmiecha pãar oothuurwai mʉchdeu jaau chirarrjo: mʉʉta ũwaai pãar aar barju atheen, mua chan pãar dʉi ithũu iekhabaju.

Gálatas 6:10

Keena, maguata muan pãragan, ʉuta dich khapeen juag ooju aai nʉm aiguin thumaam khʉʉn dʉita ajapha aju aai nʉm a chirʉm. Pari mag nʉm aigjã Cristo gaaimua maach khodkha thʉnʉm khʉʉn dʉita maadeu ʉ̃rcha ajapha aju aai nʉm.

1 Timoteo 5:13

Chaainaam khʉʉn thʉ̃rpa pãach ẽsap gaai phãkha sĩumʉn, amachig sĩi nem dedee aju khaphʉ aphobaadeewai, sĩi warag khuseugau dikha phobaadeewai, dipierr ober ober aphobaadem dʉi ĩchab khuseugau dikhaju. Mamʉ sĩi magpaijã khabam. Magphobaadem dʉi warag nem ieknem nem ĩgkhanaa, õor amach ap iekha nʉmjã amach dʉita iekha nʉmjo bigaau naawia chikham ipeermie athaadephʉm dʉi, iekhaju ayaa khabampata õor jʉ̃g daar iekhaa khaugjurau.

2 Juan 1:10

Ãbmua khãijã pãach di aig beewia Cristoou jaau pʉarr iek khabamta jaaucheewai oob pãach di aig jẽerpimiet, ni sĩi irig ʉu pʉ beejim wa ʉu pet khãijã amiet.

2 Juan 1:12

Pãrag nem jaauju pooma wai chirʉm; pari sĩi mʉg ẽsap gaaipai chan mua jaaupʉibam. Magju khãai mʉchchata pãar aar mawia pãar dʉi khĩirchata iyʉʉ am khõsi chirʉm, maach thumaa ãba wajapcha onee aag.

3 Juan 1:3

Mʉ onee chirʉm chadcha, hermanonaan bee nʉm khʉʉnau jaauwai pʉ chadam iek gaaita ubʉ ogdʉba chiraajem a mʉchig jaauche nʉm ũrwia.

3 Juan 1:5

Hermano, pua chadcha Cristo gaaimua maach khodkha thʉnʉm khʉʉn dʉijã Ẽwandamau waupim khõsi aajemjota aajem am dʉi; pari maagjem chan sĩi pʉch khapkhʉʉn aawai khaba, warpmua Ẽwandam iek jawaan bee nʉm khʉʉn dʉita pua mag wajapha aajem.