2 Juan 1:5 - Wounaan Meu

⁵ Ĩsjã nawe pãachig jaautarr iekpaita deeu pʉaba pãrag, agdaujo dich khapeen kha khõsi aju aai nʉm a chirʉm. Mua pãrag mag phã deepʉi chirʉm chan iek iiur khabam; mʉg iekhan warr pãachdeu ũrtarr iekpaiu.

Woun Meu

⁵ Hĩsjã nawe pãachig jaautarr hiekpaita deeu pʌaba pãrag, hagdaujö dich k'apeen k'a k'õsi haju haai nʌm ha chirʌm. Mua pãrag mag p'ã deepʌ̈i chirʌm chan hiek hiiur k'abam; mʌg hiek'an warr pãachdëu hũrtarr hiekpaiu.

2 Juan 1:5 Iomraidhean Croise

San Juan 15:12

Mua pãrag jaau pʉa chirʉmʉn, mʉchdeujã ich jãg pãar daupii chirʉmjo pãach eepaijã jũrr agdaujo chikhamnaan daupii abat a chirʉmʉugui ajim.

San Juan 15:17

Deeu mua pãrag, agdaujo jũrr dich khapeen daupii abat a chirʉmgui ajim.

Gálatas 5:22

Mag khãai Ẽwandam Akharagta ichdeu khõsi simjo ʉdʉraa pãachig nem jaaupi nʉmʉn chad warag pãar ee agdaujo pãach khapeen kha khõsinaa, onee, khõinaata wenʉrraju. Mag nʉm dʉi ĩchab chikhamnau khãijã dich meeukhapiju ẽkhaawaijã sĩi ãwatpʉpʉi aa khaphʉnaa, ich odeg bigaaum khʉʉndamjã ʉuta wenʉrrapim khõsi, õor dʉi o ajaphanaa, dich khapeenag nem magju abarmjã chadcha dich iekhatarrjo nem wau wenʉrraju.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

1 Tesalonicenses 4:9

Mʉg Ẽwandam iek ʉkha nʉm gaaimua khodkha thʉnʉm khʉʉn aphajã warag chikham kha khõsi amkhĩir chan mua tag pãrag bʉ̃ʉrjã jaaupʉibam, ich Ẽwandamauchata ya pãar mag khõsi wenʉrraa khaugpi sĩewai.

Hebreos 13:1

Mua pãar wawí chirʉm ũrbat keena: Pãach khapeen thum khod ãbam khʉʉn appai thʉnʉmjo daupii abat.

1 Pedro 4:8

Pari ʉ̃rcha dich khapeenta daupii abat. Mag chadcha am daupii wai nʉm chan, maach dʉi biek khapan khaigba awiajã, am dʉi magʉm iek igba sĩi warag am perdonaaju.

2 Pedro 1:7

Magnaa dichjo Ẽwandam iek ʉkha durrum khʉʉnjã kha khõsinaa bigaaum khʉʉnjã thumaa daupii abat.

1 Juan 3:11

Keena, warrcha pãrag maach Por Jesucristo iek jaauwai pãrau ũrtarran agdaujo dich khapeen kha khõsita api jaaujim; ma ajim pãrau nacha ũrtarr iek.

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 4:20

Ãbmua khãijã, “Mua Ẽwandam khõsi chitʉm” a sim; pari mag simta dich khapeenjã kha khõchkhaba simʉn, magan maan sĩi seukhaawaita mag iekha sim. Chi mag iekha simua ich khapeen dʉi khĩircha oo simta mag kha khõchkhaba sim khai, jãga mag Ẽwandam ichdeu bʉ̃ʉrjã ooba aajemta irua khõsi abarju.

2 Juan 1:1

Mʉʉn Juanau. Mʉch chi jooirauchata pãar ich Ẽwandamaucha ich iglesiakha autarr khʉʉn athee mʉg ẽsap phã chirʉm, ag ee thum chi ʉkha durrum khʉʉnag. Mua chadcha pãar khõsi chitʉm; wajapcharan mʉch appaimua khaba, thum ar maachjo Ẽwandam iek chaarta khaphʉ nʉm khʉʉnaujã agjo pãar khõsi nʉm.