2 Juan 1:2 - Wounaan Meu

² Mua mag pãar khõsi chitʉmʉn, Ẽwandam iek chaar mʉchdeu ʉkha chirʉmta pãraujã ʉkha naawaiu; mag chadam iek maachdeu ʉkha nʉmʉn mʉg atag pawiajã ich mag maach thãar ee sĩerraju.

Woun Meu

² Mua mag pãar k'õsi chitʌmʌn, Hẽwandam hiek chaar mʌchdëu hʌ̈k'a chirʌmta pãraujã hʌ̈k'a naawaiu; mag chadam hiek maachdëu hʌ̈k'a nʌmʌn mʌg hatag pawiajã hich mag maach t'ãar hee sĩerraju.

2 Juan 1:2 Iomraidhean Croise

San Juan 14:16

Pãrau magmʉn, mʉch Aai aar paawai mua irig pãar athee dewam mʉch jũrr pʉipi jaaujugui ajim, pãar dʉi ogdʉba ich mag pãar khĩir jãsenkha wai nʉrramkhĩir. Ma ich Ẽwandam Akharaugui ajim.

San Juan 15:7

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

1 Corintios 9:23

Mʉ mag chitʉmʉn mʉʉn mʉg Jesucristo iek jaaum khõchgauta mag chitʉm, mʉch dʉijã ĩchab ich chaain tagam khʉʉn dʉi wajapha aajemjo wajapha amkhĩir.

2 Corintios 4:5

Mʉ chan pãrag wir aig mʉchta pãar porkha chirʉm a jaauba chitʉm, muan Jesucristota õrag amach porkhapimkhĩir jaau chitaajem; í khabahab chadcha maach Por. Mʉch garmuajã Jesucristo khõsi chirʉm gaaimua, mʉg i iek jaau chitʉmua mʉʉn sĩi pãar chogkhata chitʉm.

Colosenses 3:16

Agjo ĩchab Cristoou maach peerdʉ aaujem iek pãachdeu khaugtarrta khĩir okhooba ich mag pãach thãar ee wai nʉisit. Mag iek warag khaugmaag, khĩirjug khaphʉta jũrr agdaujo pãach khapeenag jaaupetat. Mag nʉm dʉi ĩchab wawimamua jũrr agdaujo chikham khĩir onee apibat. Chadcha thãraucha Ẽwandamag ʉu ajim anaa irig meukharau Salmos aunaa deeum meukhaarjã i jʉ̃gaagaamta aubat.

2 Timoteo 1:5

¿Khan jãgwi mua mag chirʉ́? Mua mag chirʉmʉn, pua chadcha pʉch thãraucha Cristo iek ogdʉba ʉkha sim mʉchdeu khaphʉ chiraawaita mag chirʉm. Ich mag ʉkhaajeejim pʉ ãdhũan Loidaau pʉ ãd Eunice dʉimua. Maagwai mua khaphʉ chirʉm, puajã ich agjo ʉkha sim.

2 Pedro 1:12

Chadcha maach peerdʉajem iek pãachig jaautarr pãrau ʉkhawi ag iek gaai ubʉ nʉm awiajã ichiita cha mʉchdeu jaau chirʉm iekhan pʉaba ich jãg pãrag jaau wai chitaju, khĩir eyaa wai wenʉrramkhĩir.

1 Juan 1:8

Maadeuta dich igwia bʉ̃ʉrjã pekau chukhum a nʉmʉn, chadcha pekaupanta mag pekau chukhum anaawai, maachdeupaita wir aig maach khũgur nʉm; mag nʉm aig chan chadam iekjã khaugbata nʉm.

1 Juan 2:14

Deeu ũwaai pãrag jaaukhim: Agtha chaainjo khitheem khʉʉn, ya pãrau Ẽwandam pãach Aaikha simjã khaphʉ naawai, pãrag mʉg ẽsap phã deepʉi chirʉm. Jooinaan, warr nem thum ompaawaiwe sĩerr ich ag Ẽwandampaita khaphʉ naawai pãragjã mʉg ẽsap phã deepʉi chirʉm. Ẽwannaan, pãraujã pãachdeu Ẽwandam iek ʉkhatarr gaai ubʉnaa pãach thãar eecha wai wenʉrrʉmua ĩchab chi dajãumieu nem khaigbam waupiejemjã pãach garmua podpʉiwi naawai pãragjã agjo mʉg ẽsap phã deepʉi chirʉm.

1 Juan 2:17

Pari mʉg jẽb gaai jãg õor pekau waupieg nem khaigbam pom thʉnʉmʉn mʉg durr om ed thum dʉi chugpaju; pari magba jũrr ar Ẽwandamau khõsim nempaita waaujem khʉʉnan chad ich Ẽwandam dʉita ich mag nʉisiju.