2 Juan 1:12 - Wounaan Meu

¹² Pãrag nem jaauju pooma wai chirʉm; pari sĩi mʉg ẽsap gaaipai chan mua jaaupʉibam. Magju khãai mʉchchata pãar aar mawia pãar dʉi khĩirchata iyʉʉ am khõsi chirʉm, maach thumaa ãba wajapcha onee aag.

Woun Meu

¹² Pãrag nem jaauju pöoma wai chirʌm; pari sĩi mʌg hẽsap gaaipai chan mua jaaupʌ̈ibam. Magju k'ãai mʌchchata pãar haar mawia pãar dʌ̈i k'ĩirchata hiyʌ̈ʌ ham k'õsi chirʌm, maach t'umaa hãba wajapcha honee haag.

2 Juan 1:12 Iomraidhean Croise

San Juan 15:11

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

San Juan 16:12

Mag jajawagmamua, —Agtha pãrag iek jaauju pooma wai chirʉmgui ajim, pari mʉʉgwaiwe par pãrag jaaukhiinjã pod pãrau khaugbaju.

San Juan 17:13

Mag ich Ayag jeeumamua, “Tata, mʉ ũwaai deeu pʉ aar mam, pari mua mag am kõit jeeu chirʉmgui ajim, amach dakhĩircha. Mʉig agtha am dʉi eegar chirʉwe mag jeeu chirʉmgui ajim, amach jʉ̃gʉucha ũr naawai mʉch onee chirʉmjo ĩchab amjã onee nʉisimkhĩir.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

Romanos 15:24

Españaag mamuata pãar oon mab khaba oon maju khĩirju chirʉm. Mua khaphʉ chirʉm, mag maach ãba onee naawia maigmua mʉ mam edjã pãrau mʉ juag ooju, ʉu España barmkhĩir.

2 Timoteo 1:4

Agtha khĩir eyaa wai chitaajem, ar maach ayoyoo khaawai pʉ dauhi paraa thʉnarr. Magarr aa deeu pʉ dʉi oom khõchag chirʉm, mag oobaawai onee chirsieg.

Filemón 1:22

Mʉ athee ĩchab didam jʉrwi ajapha khĩir khaug kherbá, mʉch maawai ag ee chiraimaag. Mua pʉrʉg mag chirʉmʉn, jãg ʉu pãachdeu mʉ kõit jeeu durrum gaaimua Ẽwandamau mʉchig pãar oon mapiju khaphʉ chiraawaita mag chirʉm.

Hebreos 13:19

Mag pãachdeu mʉ kõit Ẽwandamag jeeuwai ʉu deeu ũwaai mʉigmua jopcha pãach aar mʉ barpita jeeubat; mʉ pãar dʉi chiram khõsi chirʉm.

Hebreos 13:23

Pãrau agtha khaugba nʉm khai, Cristo gaaimua maach khodam Timoteo ya cárcel degmua oberjim aajem. Magua mʉ maju nawe mʉig barchemʉn, mʉchdeu pãar oon maawai mua í mʉch dʉi arrju.

1 Juan 1:4

Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

3 Juan 1:10

Ich jãg chitʉm athee, mʉchcha jam baarwai mua pãar dakhĩir irig iekhaju; maumua mua ũurwai ichdeuta jãg mʉ eugarjã seukha chadam iek khabampa õrag jaau nʉrraajem aajem. Pari wajapcharan mag seukha simpaijã khaba, hermanonaan warpmua Ẽwandam iek jawaan beewaijã õor recibiiba simta bigaaum khʉʉnau recibiim iigwaijã ideu recibiipiba aajem anʉm. Mag nʉm ee ãbmua khãijã õor recibiimʉn mag hermanodam warre iglesia eemuajã jʉrpʉipiejem aajem, mag warpmua berr recibiitarr kõit.