2 Juan 1:1 - Wounaan Meu

¹ Mʉʉn Juanau. Mʉch chi jooirauchata pãar ich Ẽwandamaucha ich iglesiakha autarr khʉʉn athee mʉg ẽsap phã chirʉm, ag ee thum chi ʉkha durrum khʉʉnag. Mua chadcha pãar khõsi chitʉm; wajapcharan mʉch appaimua khaba, thum ar maachjo Ẽwandam iek chaarta khaphʉ nʉm khʉʉnaujã agjo pãar khõsi nʉm.

Woun Meu

¹ Mʌʌn Juanau. Mʌch chi jöoirauchata pãar hich Hẽwandamaucha hich iglesiak'a hautarr k'ʌʌn hat'ee mʌg hẽsap p'ã chirʌm, hag hee t'um chi hʌ̈k'a durrum k'ʌʌnag. Mua chadcha pãar k'õsi chitʌm; wajapcharan mʌch happaimua k'aba, t'um har maachjö Hẽwandam hiek chaarta k'ap'ʌ nʌm k'ʌʌnaujã hagjö pãar k'õsi nʌm.

2 Juan 1:1 Iomraidhean Croise

San Lucas 1:3

Maguata muajã ĩchab phãju khĩirjubaadejim, pʉ athee. Mamʉ mʉg phãju nawe, sĩi año khapan i dʉi ãba wenʉrraajerr khʉʉn dʉi khaar aarmua khĩeb o nʉm aar estudie chirʉʉ awia ĩsta pʉrʉg phã deepʉi chirʉm jooi Teófilo.

San Juan 8:32

Mag amʉn magan chadcharam iekta pãrau khaugju. Mag chadam iek pãachdeu ʉkhabarmua ya tag pãar chikham chogkhaba nʉisijugui ajim amag.

Hechos 11:30

Mag chadcha ya chi phatkhon wai nʉisiewai Bernabé Saulo dʉi jʉr auwi makhʉʉn dʉi deepʉijierram aajem, jũrr Jerusalenam iglesia eem chi pornaanag deeimamkhĩir.

Romanos 16:13

Rufoogjã salud. Ijã ĩchab maach Por Cristo athee ich phidkha sim gaaimua thʉ̃rphoo sĩejem. Maimua i ãdagjã agjo mʉ saluddam deebat. Wajapcharan muajã ĩchab mʉch ãdjota i jãsene wai chitʉm, ichdeujã ĩchab mʉ ich chaaijo aajeewai.

Gálatas 2:14

Mag mʉchdeu oowai maach peerdʉajem iek gaai wenʉrrapi jaau simjo khaba aadem oobaawaita chadcha õor khapanag dakhĩir iekhamamua mua Pedroog mag chirajim: “Pʉ, judiokha simta dʉrrʉʉ pua maach jooin ijã ʉʉrkhaba sim. Pʉchjã mag simta, ¿jãgwi magan ĩsta deeu pua warramjo magʉm ley ʉʉrkha sĩ?” a chirajim. Magnaa mua irig, “¿Pua chan khaugba sĩeb” a chirajim, “pʉchdeu jãg simua warm khʉʉn judionaan khabam khʉʉnagjã maach meeun denjota magʉm ley ʉʉrkhapi jaau sim?”

Gálatas 2:5

Magua mua chi pornaanag jaau chirajim mag meheu thʉabichpi nʉmua wa tagam ley maar jooin den ʉʉrkha nʉmua chan maach peerdʉba aajem. Magua maach peerdʉajem iekta pãrag ich mag pãach ee wai naapim khõsi narr aawai, magta mag seukha nʉrrjee arr khʉʉnau mamagkhamjã bʉ̃ʉrjã maadeu amag maach ʉdʉʉr deeba, jũrr chikham ipeer ahaujii awi, maach garmuata podpʉijim a chirajim.

Gálatas 3:1

Galaciapien, pãarta chadcha khĩirjugjã chukhuta nʉmá. Pãrag khabá warre marau Cristo maach kõit pakuls gaai meetarrjã dawaa pãach daúachata oo nʉmjo jaaumajima. Magtarrta ¿jãgwi ʉdʉraata parhoobam khʉʉnag pãach khũgurpijierrá?

Gálatas 5:7

Pãachdeu nacha ʉkhatarr iek gaai pãar nem ajaug wetmarrta ¿jãga jãg maach peerdʉajem iek chaarta isegwi parhooba nem jaau nʉmta ʉkham ig nʉma?

Colosenses 1:5

Marau khaphʉ nʉm, mag chadcha thum agdaujo wir aigjã pãach khapeen daupii nʉmʉn, pãachjã thum Ẽwandamau ich aar auwi ich mag i dʉi nʉisiju khaphʉ nʉm gaaimuata mag nʉm. Warrcha chadcharam iek pãachdeu ũrwi ʉu peerdʉ nʉisierr edwe Ẽwandamau pãach ich dʉi mag phe aujujã khaphʉ ajierram.

1 Timoteo 2:4

Iruan thumaam khʉʉnag chadcha ichdeu maach peerdʉ aaujem iekta khaphʉ apim khõsi sim, mag khaphʉ nʉisiewai thumaam khʉʉnau amach peerdʉju aai nʉm a khap amkhĩir.

Hebreos 10:26

Mamʉ magba maadeuta mʉg Ẽwandamau maach peerdʉ aaujem iek wajapha khaphʉ narrta, juau ogthom i iseg nʉm iekhau parhooba nem wau nʉm gaaimua ũwaai warr i khaugba aawai naajerrjo ich mag parhooba wenʉrrʉm chan, magan Cristoou parta maach gaaimua ich thõopibarmjo ajim, maadeu irig maach peerdʉ aupiba naawai.

1 Pedro 1:2

Hermanonaan, õor jua okgau pãar mag chikham durr dʉr durrab mamʉ, pãarjã agjo ich Ẽwandamaucha jʉr autarr khʉʉn khabahab, ichdeu warrgarwe khĩirju wai sĩerrjo chadcha pãar peerdʉ autarr aawai. Magtarr aawai pãarta ich Akharag ich athee khĩet phe aupijim, Jesucristo meewai bag ãrtarrau pãach ajaug paabapäaiwai ich ipierraa wenʉrramkhĩir. Ẽwandamau warag pãar ʉu eeg oonaa khõinaata pãar wai sĩepim khõsi chiraajem.

1 Pedro 5:1

Ãbmiecha paawai pãar iglesia ee jooin chi pornaankha nʉm khʉʉnagjã wawí iekham khõsi chirʉm. Ya mʉchjã ĩchab jooinau amjo. Mua mʉch daúa pakuls gaai Cristo dau aphʉʉ jochkherʉm oojim; mag Cristo deeu ich jua theeg thum beem edjã mʉchjã amjo ĩchab i dʉi chiraju. Mag am wawim ig chirʉmʉn mʉgau:

1 Pedro 5:13

Mau Babilonia iglesia eem khʉʉnaujã pãrag salud deepʉi nʉm. Amjã ĩchab pãarjo ich Ẽwandamauchata ich iek ʉkhamkhĩir jʉr autarr khʉʉnau. Mʉchdeu jaau chirʉm ũrwia ʉkhatarr gaaimua mʉ iewaa aajemuajã pãrag salud deepʉi sim, ajapcharan Marcoouma.

1 Juan 2:21

Magua mua pãrag mʉg ẽsap phã deepʉi chirʉm chan mag pãrau bʉ̃ʉrjã khaugba naawai khabam; mag khãai pãrau chadam iek khaphʉ naawaita pãrag mʉg ẽsap phã deepʉi chirʉm. Mag nʉm dʉi pãrau khaphʉ nʉm ĩchab, ar chi seukha nem ĩgkhaajem khʉʉn chan chadam iek ʉkhaajem khʉʉn eem khabam.

1 Juan 3:18

Chaaina, maadeu sĩi dich khapeenag par iiupaita “Muan pʉ khõsi chirʉm” aju khaba nʉm; mag khãai chadcha am athee nem wajapha wau nʉmuata amag khaphʉ apiju aai nʉm, maadeu chadcha am khõsi nʉm.

2 Juan 1:13

Maujã ĩchab pãarjo ich Ẽwandamaucha jʉr awia Cristo gaaimua pãar iglesia eem khʉʉn dʉi khodkha durrum khʉʉnau pãrag salud deepʉi nʉm. Mʉgdam ajim pãrag jaaum ig chirarr. Ayoo keena, Juan

2 Juan 1:5

Ĩsjã nawe pãachig jaautarr iekpaita deeu pʉaba pãrag, agdaujo dich khapeen kha khõsi aju aai nʉm a chirʉm. Mua pãrag mag phã deepʉi chirʉm chan iek iiur khabam; mʉg iekhan warr pãachdeu ũrtarr iekpaiu.

3 Juan 1:1

¿Jãgpai chirʉ́ Gayo, khapeer wʉjʉu? Mʉ ich jooi Juanauta pʉrʉg mʉg ẽsap phã deepʉi chirʉm, chadcha mʉchdeu pʉ khõsi chitaawai.