1 Juan 5:3 - Wounaan Meu

³ Chadcha Ẽwandam daupii nʉm anʉmʉn irua nem jaau sim thum i ipierraa nʉmʉu; mag irua maachig waupi jaau sim nem chan maadeu podbaju ayaam nem khabam.

Woun Meu

³ Chadcha Hẽwandam daupii nʌm hanʌmʌn hirua nem jaau sim t'um hi hipierraa nʌmʌu; mag hirua maachig waupi jaau sim nem chan maadëu pödbaju hayaam nem k'abam.

1 Juan 5:3 Iomraidhean Croise

San Mateo 23:4

Magnaa nem jawaagjã amachdeu nem jaaum aigta jaau sĩerrjeem. Jãg nʉm aig õor ʉ̃r nem chʉkhʉmta jiirpʉpʉikhamjota naabahab ajim, õrau wauju khaba atcha phithurgkhamta waupi jaauwai. Õrag mag nem jaauwaijã amaun amach ipierraata api nʉm, mamʉ mag nʉm chan amachdeujã amachdeu nem jaau nʉmjo waujojoopaijã khaba nʉmta mag sĩerrjeemgui ajim.

San Juan 14:15

Mag iekhakhagmamua ĩchab marag, —Pãrau chadcha mʉ daupii nʉm khai, mua pãachig nem jaautarr thum ipierraa abat ajim.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

San Juan 15:14

Pãrau mua nem jaau chirʉmta ipierraa amʉn, magan pãarta mʉ khapeenaugui ajim.

Romanos 7:12

Magua khaphʉ abat keena: Ẽwandamau ley deetarr chan pekaujo khaigba khaba sim, ich Jooiraucha deetarr aawai. Mag lein chadcha chi wajaphamʉu, ichdeu nem khõsimta waupi jaaunaa maach ʉu wenʉrramkhĩirta deetarr aawai.

Romanos 7:22

Maagjeeb mamʉ Ẽwandamau ley deetarran mʉch thãrau khõsinaa ichiita ag igar chirʉm.

Hebreos 8:10

“Deeu mua israelnaan dʉi iek deebarmʉn mʉgta ajugui” ajim anʉm: “Mʉchdeu am dʉi iek deebarmʉn mua warre am thãar ee phã sĩubarmjota ajugui” ajim anʉm “mʉch ipierraa am khõsi ipierraa amkhĩir. Mʉchta am Ẽwandamkha chirsiewai amach jũrr mʉ õorkha nʉisiju.

1 Juan 2:3

Maachta Ẽwandamau nem jaau sim ipierraa nʉmʉn magan chadcha maadeu khaphʉ nʉm, ya maach i denkha nʉm.

2 Juan 1:6

Chadcha chi Ẽwandam khõsi simuan irua nem jaau sim thum i ipierraata nem waaujem. Pari ʉ̃rcha irua maachig waupi jaau simʉn, ar nacha pãachig jaau nʉm aig ũrtarrjo, agdaujo dich khapeen daupiita wenʉrrapi jaau simʉu.