1 Juan 5:18 - Wounaan Meu

¹⁸ Maadeu khaphʉ nʉm, Ẽwandamta ich Aaikha wai sim woun chan ich mag ich pekau ee nʉrraba aajem, ich Ẽwandam Iewaauchata i thʉa wai sĩewai. Magua dosãtaujã pod pekau ee thʉ aum iek i thʉ auba aajem.

Woun Meu

¹⁸ Maadëu k'ap'ʌ nʌm, Hẽwandamta hich Haaik'a wai sim woun chan hich mag hich pekau hee nʌrraba haajem, hich Hẽwandam Hiewaauchata hi t'ʌa wai sĩewai. Magua dösãtaujã pöd pekau hee t'ʌ haum hiek hi t'ʌ hauba haajem.

1 Juan 5:18 Iomraidhean Croise

San Mateo 5:37

Magju khãai chadcha nem wauju khai, warre wauju abat. Wa wauba khãijã aju khai, warre ich agjo waubam abat, mag nem inag igwia magʉm gaaimuata wauju a iekhaba.

San Mateo 6:13

Oob pua ʉdʉraa chan maar pekau ee burrpi chiram. Mag khãai warag maar thʉa wai chirsí, phithurg chukhu dosãtau maar ichig paa aum ugua. [Ẽwandam, pʉchdeuta nem thʉnʉmʉn thum khap chirʉm. Pʉchta chi jua thierriu, maagwai pʉchpaita thumaam khʉʉnau tho iekhaju aai nʉm, mʉg atag pawiajã ich mag.]” ’Magta jeeubat ajim anaabá ich Jesuu.

San Juan 1:13

Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

San Juan 14:30

’Mepeerta mag mʉ khãai ʉ̃rpai sĩewai khabam, pari mʉg jẽb gaai ichta chi porkha sĩerrʉmua ich õor pʉiwia mʉ pʉr awaan wedurum aawai ya pomcha pãar khĩir chitabajugui ajim.

San Juan 15:4

Mag pãachta mʉ khãu nenergkha naawai oob mʉ ogdʉmiet ajim. Jãg chi khãu chaar gaaimua thʉadʉbaadeewai chi neer ich appai pod cheba warag phuajemjo, pãarjã ich agjo mʉ dʉita khapeer khaba nʉm chan, pod Ẽwandam athee nem wajapha waubamgui ajim. Magua mʉ dʉita ich jãg ogdʉba nʉisit ajim, mʉch garmuajã jãg pãar ogdʉba chitaajemjo.

San Juan 15:7

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

San Juan 15:9

Ich jãg mʉ Ayaujã mʉch khõsi wai sĩejemjo, muajã pãar khõsi chitʉm. Ich jãg pãach nʉmjota nʉisit ajim, mua ich jãg pãar khõsi chitaag.

Hechos 11:23

Mag mawia chadcha Ẽwandamau mamaam khʉʉnjã ʉu peerdʉ atham oobaimaawai Bernabé onee aadejim aajem. Maimua warag thumaam khʉʉnag, “Ich jãg thãraucha warag maach Por Jesús iek ʉkha wenʉrrʉmua i gaaita ubʉ nʉisit” ajim aajem, am wawimamua.

Santiago 1:18

Mag maach dʉi ajapha sĩerraawai ewag pawi agjo ich chaainkhaju khʉʉn khãaijã maachta nacha ich chaainkha aujim, ichdeu maach peerdʉ aaujem iek ũrpibarm gaaimua. Mamʉ mag ich chaainkha autarr chan maach garmua khaba, ich garmuata mag ich chaainkhapim khõsi sĩerr aawai ajim.

Santiago 1:27

Maach Aai Ẽwandamau ich denkha nʉm khʉʉnag waupi jaau simʉn, wouchnaandamau wa khoopaa ʉʉinau khãijã nemdam ig nʉmjã audeenaa am okhĩirjuu aawaijã am khĩir jãsenkha nʉmʉu. Mag nʉm dʉi ĩchab sĩi parhoobam khʉʉnau nem waaujem nemjã wauba aajem khʉʉnta chadcha i denkha nʉm khʉʉnau.

1 Pedro 1:23

Magaag ya pãar warr pãach naajerrjo khaba nʉm, mag Cristo iek ʉkhawi ajaug paapʉitarr gaaimua eeu thaaba nʉmjo pekau chukhu i chaainkha naawai. Mamʉ mag pãar deeu thaabatarr chan pãach ãd bi eemua khaba, ich Ẽwandamau ich iek ʉkhapi athamuata mag eeu thaababarmjo apijim. Ajapcharan i iekhauta maach ʉ̃gthar oberpiejem. Mag iek chan bʉ̃ʉrjã chugpaa khaugba ich magta sĩerrʉm.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:12

Magua maach chan pod Caínjo khaibag aju khaba nʉm. Cainau mepeer igarta sĩerr aawai ich eeum thõopʉijim. ¿Khan jãgwi irua mag ich eeum thõojĩ? Ichdeu nem khaigba wau sim daar ich eeumua ich khãai nem wajapha wau sim Ẽwandamaujã wajapha oo sĩerr gaaimuama.

1 Juan 3:3

Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.

1 Juan 3:9

Chadcha Ẽwandam Akhaar atham gaaimua ũwaai thaabatarrjo aadem chan tag ich mag ich pekau eepai nʉrraba aajem, ya ich Ẽwandamau deebarm khĩirjugta wai sĩewai. Wajapcharan mag Ẽwandam chaaikha sim aawaita ya tag ich pekau ee nʉrraba aajem.

1 Juan 4:6

Pari maach agjo mʉig eegarm khʉʉnkha nʉmta jũrr Ẽwandam denkha nʉm. Maagwai chi Ẽwandam amach thãar ee wai nʉm khʉʉnaupaita maach iek ũrm khõsi ũurjerram. Pari Ẽwandam den khabam khʉʉnau chan bʉ̃ʉrjã maachdeu jaau nʉm iek ũrmapha aajem. Maguata ãbmua khãijã Ẽwandam iekta jaau nʉrrʉm anʉmta maadeu jaau nʉm ũrmapha simʉn magan maig merag chukhu sim, chadam iek jaauba sĩi chikham khũguraagta mag nʉrrʉm.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

1 Juan 5:15

Mag ichig jeeuwai maach iek ũurjem khaphʉ naawai mag jeeubarmjã ya wai nʉmjota khĩirjuju aai nʉm, chadcha irua deeb khaba deeju aawai.

1 Juan 5:19

Maadeu khaphʉ nʉm, maach chadcha Ẽwandam denkha nʉm; pari khaphʉ nʉm ĩchab, mʉg jẽb gaai õor pom sĩi dosãtauta ich jua eegar phe wai sim.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.

1 Juan 5:21

Chaaina, ãbmiecha pãrag jaaukhim: Jãg Ẽwandam iek jaau nʉm anʉmjã Ẽwandam iek chaar khabamʉgta ee apiju ẽkhaajem khʉʉn dʉi khĩir khaphʉ abat. Magdam ajim pãrag jaaum ig chirarr. Ayoo keena, Juan

1 Juan 5:4

Thum maach chi Ẽwandam chaainkha nʉm khʉʉnau chan pekaúg ʉdʉʉr dich deeba aajem, dich garmuata podpʉpʉi aajeewai.

Judas 1:21

Ẽwandamau pãach khõsi sim khap nem wajapha wau nʉm gaaimua ich jãg pãach daupiita phe wai nʉrrapibat irig. Mag nʉmua ãba deeu maach Por Jesucristo beeju edta nʉbat; mag ich pierrwaita maach dau aug khaugwi ichjo ich mag tag meejã meeba ich dʉi phe wai sĩsiju.

Judas 1:24

Pari pãar chadcha maach Ẽwandam ãbpai khitʉm den aawai oob khĩirjumiet. Ichdeuta maach Por Jesucristo gaaimua maach peerdʉ auwia, ich jua theegauta maach pekau ee burrpiba thʉanaa, maach i agkham edjã oneeta bʉ̃ʉrjã pekau chukhu phe auju, ich mag ich dʉi naamkhĩir.

Apocalipsis 2:13

I iek pua nem waaujem thumaa irua khaphʉ chirʉm aajem. Pʉ sim phobor dosãt phobor anaabá. Mamʉ irua khaphʉ chirʉm aajem, magʉm ãba pua ich kha ogdʉba khitʉm. Irua khaphʉ chirʉm aajem, ar Antipas khararrau ich daúacha oowia ich iek jaau khitʉm athee chi dosãt igar thʉnarr khʉʉnau i thõo nʉm jaarjã, pua ãsie pʉchdeu ich iek ʉkhatarrjã isegba chadcha ĩsjã agtha ich mag ich kha ogdʉba khitʉm.