1 Juan 5:16 - Wounaan Meu

¹⁶ Ãbmua khãijã dich khaperau pekau wau sim oomʉn, i kõit Ẽwandamag jeeuju aai sim; majã juau ogthom khĩmie durr ich barpʉimkhĩirjo Cristo ichaaur nem jaau nʉrraba sim khai mamʉ. Mag i kõit jeeumʉn, Ẽwandamau iiupi auwia ich denkha auju, ich mag ich dʉi wai nʉrraag. Ẽwandamau podba aawai khabam, pari pogkha õrau pekau wau nʉm irua chugpaaba aajem, mag amach barpʉimkhĩirjo Cristo iek khaphʉ nʉmta juau ogthom i ichaaur nem jaau wenʉrraawai. Magʉm pekauta wau nʉm kõit chan mua pãrau jeeuju aai nʉm aba chirʉm. Magʉm paran pãrau parta jeeuju, ichiita Ẽwandamau isegju aawai.

Woun Meu

¹⁶ Hãbmua k'ãijã dich k'aperau pekau wau sim hoomʌn, hi kõit Hẽwandamag jëeuju haai sim; majã juau hogt'om k'ĩmie durr hich barpʌ̈imk'ĩirjö Cristo hichaaur nem jaau nʌrraba sim k'ai mamʌ. Mag hi kõit jëeumʌn, Hẽwandamau hiiupi hauwia hich dënk'a hauju, hich mag hich dʌ̈i wai nʌrraag. Hẽwandamau pödba haawai k'abam, pari pogk'a hõrau pekau wau nʌm hirua chugpaaba haajem, mag hamach barpʌ̈imk'ĩirjö Cristo hiek k'ap'ʌ nʌmta juau hogt'om hi hichaaur nem jaau wënʌrraawai. Magʌm pekauta wau nʌm kõit chan mua pãrau jëeuju haai nʌm haba chirʌm. Magʌm paran pãrau parta jëeuju, hichiita Hẽwandamau hisegju haawai.

1 Juan 5:16 Iomraidhean Croise

San Lucas 12:10

’Amach mʉg jẽb gaai nʉweran amau mʉch chi Emkhooi Iewaa igwia khaigba iekhawiajã amach khaibag Ẽwandamag chugpaapi jeeubaawai ʉu chugpaapʉiju. Mamʉ pekau ãb simgui ajim anʉm, maan mua Ẽwandam Akhaar jua theegau nem wau chitʉm oo nʉmta warag mepeer gaai thʉ nʉmʉu. Mag pekau chan Ẽwandamau bʉ̃ʉrjã khĩir okhoobamgui ajim anʉm, i Akhaar igwiata mag iekha naawai.

San Juan 17:9

Mag iekhakhagmamua warag, “Tata, mʉg mʉch dʉi durrum khʉʉn kõitta muan pʉrʉg jeeu chirʉmgui ajim. Mua chan sĩi mʉg durr gaai sĩi mʉch iekjã ʉkhaba nʉm khʉʉn kõit jeeuba, pʉchdeu mʉrʉg deewia pʉch iek ʉkhapi autarr khʉʉn kõitta jeeu chirʉmgui ajim, amjã ĩchab pʉ denkha durraawai.

2 Timoteo 4:14

Alejandro chi jierr den nem waaujemuan wajapta mʉ khaibag waubarm. Irua mʉ dʉi jãgtarr jũrr maach Por Ẽwandamauta khap chirʉm, ichdeu ampierr i dʉi aag.

1 Juan 5:17

Nem khaigbam thum pekaukha ober sim, pari magʉm Ẽwandamau chugpaabapäaiwai khĩmie durr maju arrjã maba aajem.