1 Juan 5:13 - Wounaan Meu

¹³ Keena, pãar Ẽwandam Iewaa iek ʉkhaajem khʉʉnagta mʉg ẽsap phã deepʉi chirʉm, ya pãar i denkha naawai chadcha pãach i dʉi ich mag wenʉrraju khap amkhĩir.

Woun Meu

¹³ Keena, pãar Hẽwandam Hiewaa hiek hʌ̈k'aajem k'ʌʌnagta mʌg hẽsap p'ã deepʌ̈i chirʌm, ya pãar hi dënk'a naawai chadcha pãach hi dʌ̈i hich mag wënʌrraju k'ap hamk'ĩir.

1 Juan 5:13 Iomraidhean Croise

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 2:23

Mag Jerusalenag mawia am phiesta Pascua ee simua ich iiu aawai ag na õrau nem ooba aajempa wautarr oowia õor khapanaam khʉʉnau i iek ʉkhajierram.

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

San Juan 21:24

Jesuu mʉ igwia mag iekhatarr ich ag wounaupaita mag thumaa cha jaau chirʉm mʉg ẽsap gaai, mʉchjã i dʉi ogdʉba chitʉmua mʉch daúa oojerr aawai. Maagwai tagam khʉʉnaujã khaphʉ nʉm, mua mʉg phã chirʉm nem chadcha arrta jaau chirʉm.

San Juan 3:18

’Mʉch chi Ẽwandam Iewaa iekta ʉkhanaa mʉ ig sim woun chan Ẽwandamau isegwia khĩmie durr barpʉibam. Pari ar mʉ igba sim chan ya sĩi barpʉijupaita simgui ajim, ichdeu Ẽwandam Iewaa mʉchta ãbpai chitʉmta igba arr gaaimua ichdeupaita wir aig ich isegpi jaau simjo sĩewai.

San Juan 5:24

’Mʉ cha iekha chirʉm iekhau chi mʉg mua jaau chitʉm iekta ũrwia ʉkha simuan Ẽwandam iekta ʉkha simgui ajim, chadcha ichdeuta mʉ pʉiwia mag ich iek jaaupitarr aawai. Mag ʉkhabarm wounan Ẽwandamau ya ich denkha auwia ich mag i dʉi sĩsim iekhau. Magbarm woun gaai Ẽwandamau ichdeu õor i agkha nʉm edjã mas abajugui ajim, warr ich khaibag eepai chi thõmjo sĩerrta ich mag iiu nʉrraag ya chi peerdʉm aawai.

Hechos 3:16

Maimua mag chi woun bʉ ãkhãraa khitarr igwi, Pãade wajapha khĩirjubat ajim anʉm. Mʉig ni ãbmuajã meraajã khaba sim, warr jãga sĩejĩ mʉg woun. Mag sĩejieb mamʉ, chadcha Jesuu ich monaauju khaphʉ sĩerr aawaita jãg monaau sĩsimgui ajim anʉm. Pãrau ĩs mʉg woun monakha oo nʉmʉn, jãan maraujã maach khĩirjug ee ãba Jesús jua theegaupaita i monaauju khaphʉ narr gaaimuaugui ajim anʉm. Mag gaaimuata jãg warre ich bi eewe monakha thaabatarrjo pãrau ĩs i monakha oo nʉmgui ajim aajem.

Hechos 4:12

Magtarr aawai deeum woun mʉg jẽb gaai maach peerdʉju ayaam chan tag chukhumgui ajim anʉm. Mag Ẽwandamau maach peerdʉ aumkhĩir deeum khʉʉnagjã jaauba arr aawai ãba ich Jesuupai khabam chan pod õor amach pekau eemua peerdʉbamgui ajim aajem Pedroou.

2 Corintios 5:1

Keena, maach mor mʉg simʉn sĩi khũchpaim athee di eu sĩutarrjota sim. Pari maadeu khaphʉ nʉm, mʉg jẽb gaai aawai maach mor mag dijo sim jẽeubaadeewai jũrr ʉ̃gthar Ẽwandamau maach athee bʉ̃ʉrjã jẽeuba aajem diita wai sim. Mag di chan sĩi õrau eutarrjã khabam.

Gálatas 4:6

Mamʉ mag ich chaainkha nʉisimjã maachig khap amkhĩir, ich Ẽwandamau jũrr ich Chaai Akhaarta pʉijim maach thãar ee sĩemkhĩir. Mag i Akhaar maach thãar ee simuata maachigjã Ẽwandamag Aai ichepiewai chadcha maadeu Ẽwandam maach Aai aajem.

1 Pedro 5:12

Keena, chadcha mʉchdeu oowai nem wawaag magʉm aba khitaawai maach hermano Silvanoogta jaaumajim, mʉg ẽsap phãmkhĩir, mag phãwi pãrag deepäaig. Mʉg cartadam bʉthʉ khitʉm gaai pãar wawí chirʉm, Ẽwandam maach thumaam khʉʉn daupii aajem dʉita ich jãg ubʉ naamkhĩir, bʉ̃ʉrjã ewag wetjujã khĩirjuba. Jãg pãach dau aug wau nʉm gaaimua irua pãar dʉijã ʉu aajemʉn, chadcha ichdeu pãarjã khõsi sim a khap apiewaiu.

1 Juan 1:4

Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

1 Juan 2:1

Keena, pãar thum mua mʉch chaainjo daupii wai chitaawai pãrag khap amkhĩir mʉg ẽsap gaai mʉgta jaaupʉi chirʉm, mag khaphʉ aphobaadeewai pekau waum ugua. Pari mʉg jaaupʉi chirʉm ãba, ãb khãijã pekau ee burrmʉn maach abogado wai nʉm, Ẽwandam chi Aai dʉi maach kõit iekhaajem; ma Jesucristoou. Irua õor dʉi agpierraa ichdeu khap nem waaujeewai maach dʉijã agjo aju.

1 Juan 2:21

Magua mua pãrag mʉg ẽsap phã deepʉi chirʉm chan mag pãrau bʉ̃ʉrjã khaugba naawai khabam; mag khãai pãrau chadam iek khaphʉ naawaita pãrag mʉg ẽsap phã deepʉi chirʉm. Mag nʉm dʉi pãrau khaphʉ nʉm ĩchab, ar chi seukha nem ĩgkhaajem khʉʉn chan chadam iek ʉkhaajem khʉʉn eem khabam.

1 Juan 2:25

Ich Cristooucha jaauwaijã maachin ich dʉita ich mag phe wai nʉrraju a jaaujim.

1 Juan 2:26

Jãg sĩi pãach khũguraag ẽkhaajem khʉʉn gaaimuata mua pãrag khap amkhĩir mʉg phã deepʉi chirʉm.

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 4:9

Mag ichdeu maach daupii sim khap apiegta Ẽwandamau ich Chaai ãbpai khitʉm mʉg jẽb gaai pʉijim, mag pʉiwia meebarmua maach ich denkha auwia ich mag ich dʉi wai nʉrraag.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.

1 Juan 5:11

Mag irua maachig jaau sim iekhan, maach ich denkha auwia ich mag ich dʉi wenʉrrapijuuta jaau sim; pari mag i denkhanaa i dʉi ich mag wenʉrrajuun, ãba ich Ẽwandam Iewaa gaaimuapaiu.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.